Zbulim i rrallë arkeologjik në Bishçukas, gjetje të rëndësishme nga periudha ilire në kodrat mes Divjakës e Lushnjës

Në kodrat e Bishçukasit në Divjakë po kryhen gërmime arkeologjike që konsiderohen ndër më të rëndësishmet për periudhën ilire.

Punimet zhvillohen prej disa javësh nga Instituti Kombëtar i Trashëgimisë Kulturore në bashkëpunim me Departamentin e Arkeologjisë në Universitetin e Tiranës dhe Muzeun Historik të Lushnjës.

Këto janë gërmimet e para në këtë zonë dhe deri tani janë zbuluar një bazilikë, disa monedha të hershme, një kolonë graniti dhe mbetje skeletesh, që mendohet t’u përkasin periudhave të ndryshme, nga helenistike te mesjeta e vonë.

“Është një bashkëpunim shumë i madh për të nxjerrë një gjë të bukur në dritë,” thotë Regiana Hidi, përgjegjëse e sektorit arkeologjik.

Sipas specialistëve, zbulimi nisi pas informacioneve nga banorët, të cilët gjatë punës në tokat bujqësore kishin hasur objekte me vlerë historike, që iu dorëzuan muzeut të Lushnjës.

“Fati i ndihmon gjithmonë guximtarët. Aty ka dalë një strukturë dhe një kolonë e vjetër. Shpresojmë që me vazhdimin e punimeve do të mësojmë më shumë se çfarë strukture është: objekt kulti apo ndonjë ndërtesë e hershme. Do të jenë të dhënat arkeologjike ato që do ta tregojnë,” sqaron arkeologu Dr. Niko Ferro.

Në gërmime janë të përfshirë edhe studentë të arkeologjisë, të cilët përmes praktikës dokumentojnë historinë në terren.

“Eksperienca ime si studente është shumë frytdhënëse, pasi vëmë në praktikë të gjithë informacionin që e kemi marrë teorikisht në shkollë,” shprehet studentja e Arkeologjisë, Xhesika Buraku.

Gërmimet janë ndarë në dy sondazhe dhe zona e “Shën Gjergjit” shihet si një prej pikave më të rëndësishme për zbulime arkeologjike në vend.

/RTSH/

Festivali Mbarëkombëtar i Teatrit për Fëmijë “1 mbi 1 dritaret” çel siparin në Berat

14:13 Kulturë

Festivali Folklorik në Butrint, pjesëmarrëse grupet nga Shqipëria dhe Greqia

13:47 Kulturë

Festë në Parkun Arkeologjik të Amantias

13:12 Kulturë

'Pleqëri me kusure' shfaqet premierë në Teatrin e Bylisit, me finesë përcillen mesazhe të forta për të moshuarit

12:58 Kulturë

Muzika dhe kinemaja, pa hapësirë e mbështetje, artistët: Po humbet autenticiteti

11:50 Kulturë

V*tëvrasja e aktorit dhe dritëhijet e Bekim Fehmiut! Si nisi karriera e shqiptarit të parë që preku Hollywoodin, shfaqja që e çoi në kandidimin e çmimit “Oscar”

11:43 Kulturë 1 koment

“Miku im më mir ai që çoi drejt një libri të ri” Abraham Lincoln

10:48 Kulturë

Kalaja e Argjirosë pret festivalin “Gjiroclassica”: Koncerti në përfundim të konkursit të instrumentistëve të rinj

10:47 Kulturë

Aktorja e njohur shqiptare në E Diell: Fadil Hasën e martova unë, kur e humbi gruan i shkova poshtë shtëpisë dhe …

09:30 Kulturë 1 koment

Kroni Pula rrëmben trofeun e Festivalit 63 të Fëmijëve, kënga "Fruta perime" do përfaqësojë Shqipërinë në Junior Eurovision në dhjetor

08:51 Kulturë