Te fundit
"Zbulon historitë e dy vendeve", hapet ekspozita “Aromë Hungarie”
8 Qershor 2025, 16:40Kulturë
TEMA
Ekspozita fotografike me titull “Aromë Hungarie” nga fotografi i njohur Roland Tasho u hap në Gjirokastër, ku u ekspozuan rreth 40 fotografi të realizuara me mjeshtëri dhe finesë.
Ekspozita ka udhëtuar në disa qytete të Shqipërisë, duke tërhequr interesin e artdashësve dhe të apasionuarve pas fotografisë.
Fillimisht u hap në Tiranë në fillim të këtij viti, pastaj në Shkodër, Durrës dhe tashmë në Gjirokastër. Brenda këtij viti pritet të prezantohet edhe në Vlorë, Korçë dhe Krujë, sipas fjalëve të fotografit.
“Ekspozita ‘Aromë Hungarie’ në fillim të vitit u hap në Tiranë, pastaj është menduar të bëjë një tur nëpër Shqipëri. Pas Tiranës u hap në Shkodër, në Durrës, tashmë në Gjirokastër. Së shpejti brenda vitit do të hapet në Vlorë, në Korçë dhe në Krujë,” – thotë Roland Tasho.
Imazhet e realizuara prezantojnë pamje nga Hungaria, si dhe pika të përbashkëta takimi midis dy vendeve tona.
“Këtë tur me foto nga Hungaria unë e kam bërë përpara 30 vitesh në 1995. Kemi qenë dhe në Gjirokastër në atë periudhë. Në këtë ekspozitë interesante, përveç pamjeve të Budapestit, si një nga kryeqytetet më të bukur, kemi edhe një cikël me fotografi të diplomatëve hungarezë me kostume popullore. Gjithashtu, kemi një cikël ku janë edhe shqiptarët që punojnë në Hungari prej vitesh. Kështu janë të ndërthurura bukuritë e Budapestit me veshjet popullore tonat, të cilët janë disa diplomatë dhe disa personalitete hungareze të veshur si në Hungari dhe në Tiranë,” shpjegon fotografi Roland Tasho.
Në këtë sezon turistik, aktivitetet kulturore që po organizohen në Gjirokastër po tërheqin vizitorët që mbërrijnë në qytetin e gurtë. /euronews/
Më të lexuarat
24 oret e fundit
Javen e fundit
Blog Tema
Lini një Përgjigje