Te fundit
“Dikur ka qenë burrë”/ Këngëtarja e njohur reagon ndaj thashethemeve që e ndjekin prej vitesh
16 Qershor 2026, 12:16Lifestyle
TEMA
Këngëtarja e njohur Senidah ka reaguar me humor ndaj një prej thashethemeve më të çuditshme që e ka shoqëruar gjatë viteve të karrierës së saj.
E ftuar në podcast-in “Nema labavo by IN Magazin”, artistja sllovene foli hapur për spekulimet që qarkullojnë në rrjetet sociale, mes tyre edhe pretendimin se ajo dikur ka qenë mashkull.
Mes batutave dhe të qeshurave, Senidah e hodhi poshtë këtë teori, duke theksuar se bëhet fjalë për histori që “nuk kanë lidhje me logjikën”. Ajo tregoi se shpesh has persona që pretendojnë se “e dinë të vërtetën” për jetën e saj, edhe pse këto pretendime nuk mbështeten në asnjë fakt.
Artistja u shfaq mjaft e qetë dhe e relaksuar, duke lënë të kuptohet se nuk i merr seriozisht komentet e tilla dhe se ka mësuar të jetojë me vëmendjen e madhe që sjell fama.
Senidah sqaroi gjithashtu se pamja e saj karakteristike, me tipare të forta dhe të theksuara të fytyrës, nuk është rezultat i ndonjë ndërhyrjeje estetike apo i ndonjë historie të fshehtë nga e kaluara. Sipas saj, këto veçori janë trashëguar nga gjyshja e saj, e cila ka pasur tipare të ngjashme fizike.
Këngëtarja shtoi se gjithmonë e ka pëlqyer pamjen e saj androgjene dhe të veçantë, duke e konsideruar atë pjesë të identitetit të saj artistik.
Me këtë reagim, Senidah duket se ka vendosur njëherë e mirë “pikat mbi i”, duke iu përgjigjur me ironi dhe vetëbesim një prej thashethemeve më të përfolura rreth saj.
Më të lexuarat
24 oret e fundit
Javen e fundit
Blog Tema
Lini një Përgjigje