Te fundit

Dokumentonte transformimin e trupit të saj me operacione për humbje peshe në TikTok, humb jetën 47-vjeçarja!

11 Mars 2026, 11:12Lifestyle TEMA
Dokumentonte transformimin e trupit të saj me operacione për humbje

Një nënë 47-vjeçare nga Ohio ka humbur jetën pas komplikacioneve të dyshuara nga një operacion estetik për barkun, vetëm dhjetë ditë pasi iu nënshtrua ndërhyrjes kirurgjikale. Rachel Tussey u konfirmua e vdekur të martën, pasi kishte kaluar disa ditë në gjendje kritike pas operacionit. Gruaja kishte dokumentuar gjithë rrugëtimin e saj drejt transformimit fizik në rrjetin social TikTok, ku ndiqej nga rreth 25 mijë persona.

Para operacionit ajo kishte ndarë edhe momentet e konsultës me mjekun, duke u kërkuar ndjekësve të luteshin për të. Në një nga videot e saj ajo shprehej se kishte pritur gjatë për këtë ndërhyrje dhe besonte se gjithçka do të shkonte mirë. Pas operacionit, bashkëshorti i saj Jeremy tregoi se gjërat nuk kishin shkuar sipas planit. Ai tha se fillimisht mjeku e kishte siguruar se ndërhyrja kishte përfunduar me sukses.

Por pak më vonë, ndërsa Rachel po merrte medikamente kundër dhimbjes, gjendja e saj u përkeqësua papritur. Sipas tij, fytyra e gruas ndryshoi ngjyrë dhe ajo u bë e pavetëdijshme. Infermierët nisën menjëherë procedurat e reanimimit, ndërsa më pas u thirr urgjenca. Rachel u dërgua me ambulancë në spitalin TriHealth Bethesda North, ku u vendos në aparatura për mbajtjen artificiale të jetës.

Bashkëshorti i saj tha se gruaja kishte mbetur pa oksigjen për më shumë se gjashtë minuta dhe më vonë mjekët i komunikuan familjes se ajo kishte vdekje cerebrale. Pas disa ditësh pritjeje, familja mori vendimin e dhimbshëm për ta shkëputur nga aparaturat që e mbanin në jetë.

Jeremy deklaroi se dëshiron të zbulojë se çfarë ndodhi realisht gjatë operacionit, duke lënë të kuptohet se mund të ketë pasur neglizhencë mjekësore.

 

 

2 Komente

  1. A
    Asnje Keqrdhje
    11 Mars 2026, 16:22

    keshtu eshte kur del kunder Natyres..Nje Idjote me Pake..

    Përgjigjjuni
    1. F
      Fredi
      11 Mars 2026, 17:06

      Komentoni me edukate e me.empati. Askush se mendon se do shkoje keq. Shume kane bere operacione shum pak kane patur probleme

      Përgjigjjuni

    Lini një Përgjigje

    Më të lexuarat

    Blog Tema

    Powered by Tomorrow.io