Te fundit
Fitoi mbi 2 milionë paund në lotari, por përfundoi në burg: ja si i përdori paratë pensionisti britanik
30 Janar 2026, 14:50Lifestyle
TEMA
Një burrë që fitoi 2.4 milionë paund në lotarinë kombëtare britanike ka ndihmuar në ngritjen e një perandorie shumëmilionëshe të drogës, ku prodhoheshin tableta të falsifikuara në shkallë industriale, u tha në gjykatë.
John Eric Spiby, 80 vjeç, ishte kreu i një operacioni kriminal me vlerë deri në 288 milionë paund, i cili kishte në qendër shtëpinë e tij “të qetë dhe rurale” pranë Wigan, dëgjoi Gjykata e Kurorës në Bolton.
Edhe pse ai mohoi dijeninë për komplotin, pas një gjyqi u shpall fajtor nga juria për komplot për prodhimin dhe shpërndarjen e drogave të klasës C. Ai u shpall gjithashtu fajtor për mbajtje armësh zjarri, municionesh dhe pengim të drejtësisë, duke u dënuar me 16 vjet e 6 muaj burg.
Spiby fitoi paratë në vitin 2010 dhe, sipas prokurorisë, u përfshi në përhapjen e miliona tabletave të maskuara si diazepam (Valium), një ilaç që përdoret për qetësimin e sistemit nervor, trajtimin e ankthit, spazmave muskulore dhe krizave.
Gjykata dëgjoi se ai vuri në dispozicion ambientet, ndihmoi në përshtatjen e tyre dhe bleu pajisje me vlerë mijëra paund për prodhimin e drogës.
Gjatë shpalljes së dënimit, gjyqtari Clarke KC i tha Spiby-t:
“Pavarësisht fitimit në lotari, ju vazhduat një jetë kriminale përtej viteve kur normalisht do të ishit në pension.”
Spiby ishte një nga katër personat e dënuar, përfshirë edhe djalin e tij, John Colin Spiby, të cilët policia i përshkroi si pjesë e një grupi të krimit të organizuar që prodhonte drogë në shkallë industriale dhe siguronte edhe armë zjarri.
Gjykata dëgjoi gjithashtu se Spiby ishte mburrur në një bisedë në grup duke thënë se “Elon (Musk) dhe Jeff (Bezos) duhet të kenë kujdes”.
Prokuroria deklaroi se vlera e tabletave të falsifikuara të prodhuara nga rrjeti kriminal mund të arrinte deri në 288 milionë paund, ndërsa gjyqtari e cilësoi këtë rast si operacionin më të madh të këtij lloji të zbuluar ndonjëherë nga policia britanike/E.K
Burimi: The Guardian
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E para,mu lehtësua shpirti,se personi në fjalë qenka anglez e jo shqiptar! E dyta si mundet një 80 vjeçar të dënohet me burg,derisa legjislacioni shqiptar nuk i burgos për shkak të moshës (Berisha p.sh.)
Epo i vogel eshte , i pa pjekur ende , ndaj eshte genjyer ! Mos ja vini re . Tek ne ndodhin radhe ngjarje te tilla , pa pasur nevoje t`i bjere llotaria .
Hahaha :)
ç'fare bastardi, me ato 2 milione mund te bente nje jete lluksoze deri ne vdekje, tani le te rrije ne burg edhe ato pak bite qe i kane ngelur.
Shumë e drejtë, gjithë ato lekë 2.4 milion paund. Sekuesrtim I parave është i duhuri sepse ai nuk din ti manaxhojë siç duhet .