Te fundit
Princ Leka flet për herë të parë mbi divorcin dhe videon e bujshme me Elia Zaharinë: Nuk ka pasur kurrë tradhti
26 Shtator 2025, 09:10Lifestyle
TEMA
Princ Leka ka folur hapur për divorcin e tij me Elia Zaharinë dhe për sherrin e dhunshëm mes tyre, i bërë publik nga një video e filmuar prej vetë tij.
Sipas tij, ndarja ka ardhur në disa faza: fillimisht ajo emocionale, më pas distancimi dhe në fund divorci. “Kemi pasur një raport korrekt. Ndarja ka ardhur me fazë të ndryshme, ka qenë ajo faza emocionale, distancimi, kemi jetuar në një shtëpi, por të distancuar, kam qëndruar vetëm me vajzën, por nuk kishim kontakt, as fizik. Herë pas here kemi qenë për mediat, foto, një kartolinë e bukur, por krejtësisht falso. Ka qenë faza ligjore,” tha ai për moderatoren Arbana Osmani.
Ai shtoi se mes tij dhe Elias nuk ka pasur tradhti: “Me të gjithë këto strese, edhe Blerta ka qenë viktimë e të gjitha sulmeve, narrativeve që nuk ishin reale. Nuk ka pasur tradhti. Personi i parë që unë kam njoftuar për lidhjen time me Blertën, ka qenë pikërisht Elia. I kam thënë Elias para se të përqafohesha me Blertë, që jam takuar me Blertën.”
Sa i përket videos së publikuar, Leka u shpreh i penduar që e dorëzoi në polici: “E pranoj që gabova, nuk duhet të kisha dhënë asnjëherë videon, ta mbaja për gjyqin sepse ishte një goditje e drejtpërdrejtë. Ne kemi përjetuar një sulm. Ishte një sulm mediatik, një sulm ligjor… Pastaj si janë trajtuar filmimet dhe kanë dalë në publik, jam ndjerë i tradhtuar nga ata që kanë publikuar.”
Duke folur për presionet, ai theksoi: “Kemi pasur probleme me Policinë, sekuestrimin e telefonit nga Prokuroria e Tiranës, ka pasur një presion të jashtëzakonshëm nga instrumente të ndryshme… Kemi kaluar rreth 8-9 muaj vetëm duke pilotuar, duke rënë dakord te marrëveshja, duke siguruar që vajza, Geraldina, të jetë mirë. Kishim firmosur të gjithë dokumentet, pa konflikte, as për pronat nuk ka pasur. Më pas erdhi situata e marsit, që ka dëmtuar imazhin.”
Për videon, ai shtoi: “Shkova për të takuar vajzën, pastaj situata doli jashtë kontrollit. Kur filloi acarimi, i thashë administratorit të oborrit, ju lutem largoni vajzën menjëherë që të qetësohej situata. Vajza ishte duke u larguar. Shyqyr që vajza ishte mirë. Unë e di që janë bërë fushata për ish-bashkëshorten time, por ka vetëm një viktimë në këtë mes, dhe ajo është Geraldina. Është një vajzë e mrekullueshme… Kam dëgjuar edhe në gjykatë narrativa të ndryshme, nuk ka asnjë provë që unë kam qenë i dhunshëm, nuk ka pasur dhunë. Nuk e kam dhunuar Elian, asnjëherë. Nuk është e lehtë për t’u larguar nga shtëpia ime.”
Ai shpjegoi pse vendosi ta filmonte ngjarjen: “Jam ndjerë në një situatë që më mirë të kem një filmim, se kisha frikë se mos ishte një situatë e sajuar. Hapa kamerën, ka qenë këshillë që kam marrë edhe nga këshilltarët. Kur kam qenë në sulm, nuk e kam hapur dot. Pastaj si janë trajtuar filmimet dhe kanë dalë në publik, jam ndjerë i tradhtuar nga ata që kanë publikuar. Ata që ua kam besuar këtë filmim. Nëse nuk do e kisha filmuar, mund edhe të kisha humbur lirinë, nuk e di si do kishte ndodhur.”
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mesoheni nje here e mire o njerez te pamesuar, ne Shqiperine tone te shtrenjte nuk ka patur dhe nuk do te kete prince. Edhe ai tradhetari I ati I ketij ashtu sic ishte dhe iku. Iku si tradhetar. Diheg historia e tij te mos humbasin kohe. Shqiperia eshte Republike Parlamentare. Per injorantet ne shtepite e tyre le ti thone si te duan. Edhe ju gazetare fjala princ nuk duhet te permendni sepse njollosni veten. Pale keto moderators qe emisionet I bejne me piket qe I kane humbur, vetem per vemendje. Shqiperia eshte e shqiptareve jo e mbreterve e princive. Le te genjejne mendjen kush ka qejf.
Princ leshi
Nipi i birit te kurves,tradhetarit te popullit te tij, e la shqiperine ne doren e fatit dhe u zhduk me gjithe thesarin e 1000 kopuke. Mero mos na nxirrni keto bajga per klikimi. Ndjejme vetem neveri.
pse ka princ Shqiperia? sa mbrapa qenkemi me zhvillimet politike ne token meme ne te emigruarit .... (nejse mbase jo te gjithe..)