Te fundit
Revolucioni i blerjeve online: OpenAI sjell agjentin që bën gjithçka për ju
21 Shkurt 2025, 15:30Lifestyle
TEMA
OpenAI ka prezantuar në Mbretërinë e Bashkuar Operator, një agjent i inteligjencës artificiale që mund të përfundojë detyra në internet në mënyrë autonome. Ky mjet, i prezantuar për herë të parë muajin e kaluar, mund të kryejë detyra të thjeshta si blerjet online bazuar në një foto të listës së blerjeve të dërguar nga përdoruesi.
Operatori është trajnuar të ndërveprojë me faqe interneti, menu, butona dhe të përdorë tastierën e mausin për të naviguar në internet vetë. Përdoruesit mund të marrin kontrollin në çdo moment, ndërsa për detyra që kërkojnë hyrje ose pagesa, mjeti kërkon ndërhyrje manuale.
OpenAI ka bashkëpunuar me platforma si OpenTable dhe Uber për ta bërë mjetin funksional për nevoja reale si rezervime restorantesh ose porositë e transportit. Aktualisht, Operatori është në fazën e testimit dhe ofrohet vetëm për abonentët e ChatGPT Pro, me një kosto prej 200 dollarë në muaj.
Sipas CEO-së së OpenAI, Sam Altman, agjentët e inteligjencës artificiale pritet të bëhen pjesë e fuqisë punëtore që nga viti 2025, duke rritur produktivitetin dhe efikasitetin e kompanive./INDEPENDET
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mirë o xhaxh mirë!