Te fundit
Statuja që trazoi një qytet të tërë
5 Gusht 2025, 21:20Lifestyle
TEMA
Një statujë sirene do të hiqet nga Kopenhageni pas debatit të hapur për mënyrën si është paraqitur. Statuja u kritikua si "e shëmtuar dhe pornografike".
Agjencia daneze për pallatet dhe kulturën ka ndërmend të heqë Den Store Havfrue (Sirena e Madhe) me përmasa 4x6 metra nga Forti Dragør, pjesë e ish-fortifikimeve detare të Kopenhagenit, sepse nuk përputhet me trashëgiminë kulturore të monumentit të vitit 1910.
Kritiku i artit i Politiken, Mathias Kryger, e ka quajtur statujën "të shëmtuar dhe pornografike".
Njeriu që qëndron pas skulpturës 14 tonëshe është Peter Bech. Ai ka thënë se kritika ndaj veprës së tij nuk ka kuptim, pasi gjinjtë e figurës prej guri janë thjesht "në një madhësi proporcionale" me shkallën e saj.
Të tjerë kanë thënë se kritika pasqyron qëndrimet e shoqërisë ndaj trupave të grave në përgjithësi - dhe jo në një mënyrë të mirë.
Në vitin 2006, Sirena e Madhe u ngrit në Skelën Langelinie në Kopenhagen, pranë Sirenës së Vogël. Por u hoq në vitin 2018 pasi vendasit e denoncuan veprën si “sirenë e rreme dhe vulgare”.
Më pas u zhvendos në Fort Dragør, derisa agjencia daneze për pallate dhe kulturë ndërhyri në mars, duke kërkuar heqjen e saj. Komuna e Dragør thuhet se që atëherë e ka refuzuar ofertën e Bech për ta dhuruar atë.
Bech, i cili ka thënë se e ka bërë statujën në përgjigje të komenteve të turistëve se Sirena e Vogël - e frymëzuar nga përralla e Hans Christian Andersen - ishte shumë e vogël, ka thënë se njerëzit në Dragør i thonë shpesh se e duan skulpturën e tij.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ndersa tek ne sklupturat me te shemtuara vendosen ne vendet me publike per ti depresionuar njerzine.
Është një shembull për ne shqiptarët: e njëjta gjë duhet bërë me SKËNDERBEUN në Ulqin dhe Prizren. Ato mund të jenë gjithçka, por vepra arti nuk janë. Janë një turp, një tallje, një keqdashje.
silleni ne ketu ta vene shqiptaret ne Tirane ne vend te Skenderbeut
Vishini sutjena dhe problemi zgjidhet. Edhe skulpturës së Davidit i kanë veshur brekë!