Bypass-i i Tiranës, hapet tenderi për fazën III - Fondi limit 1.55 mld lekë, përfshin nyjen lidhëse me autostradën Tiranë-Durrës

Me një fond limit prej 1.55 mld lekë, Autoriteti Rrugor Shqiptar ka hapur procedurën e prokurimit për fazën e tretë të bypass-it të Tiranës, një projekt që synon të devijojë trafikun tranzit jashtë kryeqytetit.

Ky lot përbën hallkën që do të lidhë bypass-in me autostradën Tiranë - Durrës në zonën e Kasharit dhe Vaqarrit, duke krijuar një alternativë të re qarkullimi për automjetet dhe duke kontribuar në uljen e ngarkesës së trafikut në rrugët urbane të kryeqytetit.

Ndërkohë, punimet vijojnë në dy fazat e para të projektit, ku sipas raportimeve të disa muajve më parë të Autoritetit Rrugor Shqiptar realizimi fizik i kontratave kishte arritur në rreth 20%. Dy lotet e para përfaqësojnë një investim prej rreth 5.9 mld lekësh dhe përfshijnë një gjatësi prej rreth 8.2 km.

Bypass-i i Tiranës parashikohet të ketë një gjatësi totale prej rreth 21.6 km dhe do të lidhë autostradën Tiranë - Durrës me autostradën Tiranë - Elbasan, duke shmangur kalimin e trafikut tranzit përmes qytetit. Projekti është konceptuar si një autostradë e kategorisë A, me dy korsi për secilin drejtim lëvizjeje, shpejtësi projektimi deri në 120 km/orë dhe katër nyje kryesore lidhëse përgjatë gjurmës së tij. Dokumentacioni teknik parashikon gjithashtu ndërtimin e urave, mbikalimeve, nënkalimeve dhe rrugëve lokale, me synimin për të përmirësuar aksesin dhe sigurinë rrugore.

Struktura e punësimit në 2025: Sektori shtetëror rritet, privatet në tkurrje

09:50 Ekonomia

Çfarë fshihet pas forcimit rekord të lekut?

22:15 Ekonomia 11 komente

Shtresa e mesme në sprovë, kriza po gërryen fuqinë blerëse të familjeve

21:05 Ekonomia 14 komente

Shqipëria nis përgatitjet për euron, rregulla të reja për politikën monetare 

19:58 Ekonomia 4 komente

Kostoja e pasigurisë ekonomike, veprat penale dhe proceset gjyqësore ngarkojnë me kosto ekonominë

15:15 Ekonomia 1 koment

Shqipëria përmirëson përfshirjen financiare - OECD: Zhvillimi i mikrofinancës dhe kuadri i ri strategjik kanë ndikuar në rritjen e saj

14:45 Ekonomia

Ministri shpjegon vlerën e kontratës për Milot-Balldren - Karakaçi: Kostoja nuk është vetëm ndërtimi

13:15 Ekonomia 10 komente

Sa para fitojnë bashkitë nga hotelet? Rriten arkëtimet nga turizmi, më shumë formalizim

12:15 Ekonomia

Rreth 47 mln euro të ardhura, mbi 37 mijë aplikime për rivlerësimin e pronave në 6 muaj

15:55 Ekonomia 1 koment

Rreth 5 milionë të huaj vizituan Shqipërinë në 6 muaj/ Numri u rrit me 6.2%, dominojnë hyrjet nga Europa Jugore

13:20 Ekonomia 1 koment