Arsyet absurde të bllokimit të gazetarëve në kufi nga Athina

Nga Marko Caka

Pengesa e gazetarëve shqiptarë në doganën e Kapshticës nga ana e policisë greke, rizgjoi edhe njëherë atë veprimin cinik dhe të ulët kur qeveria greke nisi  të hakmerrej ndaj palës shqiptare për diçka që nuk i përshtatet politikave të saj apo që nuk kanë gjetur zgjidhje në rrugët diplomatike.  Kjo histori ka nisur qëmotit, atëherë kur qeveria  shqiptare kërkonte të zgjidhte një çeshtje të  mbajtur peng nga shteti grek, apo anasjelltas kur shteti grek nxitej nga pakënaqësitë e pakicës së saj në Shqipëri si dhe nga ndonjë  incident, duke bërë që autoritetet greke të  hakmarren me pretekstin e prishjes së kompjuterave duke shtrënguar  masat e kalimit në kufi me mbylljen e sporteleve dhe bllokimin e mijëra emigrantëve shqiptarë duke krijuar në kufi radhe të gjata kilometrike që shkonte  deri në Gjirokastër. Një hakmarrje që e bënin në periudhën e festave dhe në pushimet verore ku fluksi i lëvizjes së emigrantë ishte shumë i madh. Kjo më tepër ishte në një kohë kur qeveria shqiptare e qindra problemeve të brendshme, të zhytur në llumin e korrupsionit të saj ishte një peqe leqe e qëndrimeve ekstremiste të homologëve greke që hakmerreshin shumë më lehtë duke goditur në pikën më të dobët, ndaj emigrantëve shqiptarë meqenëse vendi i tyre ishte i dyndur nga emigracioni i huaj. Kjo histori vazhdoi pothuajse për dy dekada deri kur ekonomia e greke filloj të  tkurrej për shkak të skandaleve të  korrupsionit të qeverive të tyre dhe në fundin e dhjetëvjeçarit të 2000-shit  nisi tronditja e fuqishme ndaj bankave dhe e falemintitimit të arkës së shtetit grek që deri atëherë mbahej gjallë me fondet e BE-së.  Kjo  situatë e rëndë ekonomike që  e kishte shpënë shtetin grek shumë pranë greminës, ishte një arsye e madhe pse autoritetet greke kishin ndaluar "huqet" e tyre për tu shfryrë   ndaj popullsisë emigruese shqiptare si një hakmarrje  ndaj mos pëlqimit të politikave të  qeverisë shqiptare. Por këto hakmarrje ekstreme nisën të zbeheshin atëherë kur shtetin helen e pllakosi kriza e tyre më e madhe ekonomike, duke bërë  atë që shumë shqiptarë nisën të braktisnin shtetin fqinj, ku disa u kthyen në vendlindje dhe disa u larguan në vendet e tjera europiane më të zhvilluara për një jetë më të mirë. 

Duhet theksuar se që me ardhjen në pushtet të  Kryeministrit socialist Rama, i cili duke vendosur raportet e reciprocitetit,  qëndrimet e grekëve filluan të  ndryshojnë kurs dhe sjellja e tyre u bë akoma më e butë sesa ishte më përpara , sado që në pak raste kishte disa përplasje deri në incidente diplomatike. Por me ardhjen e Ramës qeveria shqiptare solli një personalitet në politikën e jashtme që di ti thotë gjërat troç pa maska dhe me negocim  të barabartë me homologët. Sepse në filozofinë e Ramës është më e rëndësishme fryma pozitive dhe harmoniteti i dy popujve fqinjë të përjetshëm sesa mosmarrëveshjet dhe problemet historikë që prodhojnë vetëm tensione e kriza politike, kur ato  shumë mirë mund të gjejnë një zgjidhje atëherë kur ulesh  dhe diskuton në tryezën e përbashkët nën frymën e bashkëpunimit. Prandaj kryeministri Rama është parë me sy të mirë nga perëndimorët por edhe tek shumica e grekëve sado që disa i duan përjetësisht marrëdhënjet e me shqiptarët të tensionuara me atë shpirtligësinë e superioritetit që e kanë ndaj kombeve të tjera. Me shumë pozitivitet kanë qenë marrëdhëniet me qeverinë e Cipras, i cili edhe ai kishte pak a shumë të njëjtën filozofi me Ramën se po nuk zgjidhe problemet me fqinjët nuk mund të jesh më i dobishëm me të tjerët që janë më larg oborrit tënd. Ishte i vetmi kryeministër grek që zgjidhi problemin e emrit me fqinjët e Maqedonisë Veriore duke sjellë më afër popujt e dy vendeve. Kishim një Aleksis  Cipras që u distancua menjëherë nga nuancat nacionaliste që sillnin pakica e djathtë dhe ekstreme e minoritetit, në vend që të ishin urë lidhëse ata ishin një tomorr që ishte i destinuar vetëm për të prodhuar kriza ndërmjet dy popujve fqinjë. Pra ish Kryeministri Cipras si një reformator i moderuar ishte më i angazhuari për të afruar më shumë nevojën e popujve me kombësi të ndryshme që duan harmoni e prosperitet sesa për të mbajtur afër problematikët që duan vetëm kriza por që ka  kosto elektorale për qeverisjen e tij. Pra ai pranoi më mirë harmoninë me fqinjët sesa pajtim me ekstremistët antifqinjë  që e pagoi me kosto duke ja dhënë pushtetitin të djathtëve konservatore të Micotaqis.

 Të kundërtën e tij po bën Kryeministrit i tanishëm Kiriakos Micotaqis i cili i ka dhënë më rëndësi kësaj pakice ekstreme për hir të votave elektorale sesa për nevojën që ka vendi për një harmoni me fqinjët veriorë. Rasti i Belerit duke e vënë si përfaqësues i partisë konservatore në Parlamentin Europian është shembulli më i keq sesi Micotaqis është më i prirur për të mbajt pushtetin me disa vota të këtij komuniteti, ku shumica ishin bashkëpunëtorë  të  Agimit të Artë që vijnë nga bota e errët e krimit sesa të ndërtojë një marrëdhënie të harmonisë së  konsoliduar me fqinjët për të ardhmen e zhvillimit të dy vendeve.

Tani tek rasti i fundit e pengimit të gazetarëve shqiptarë që ishin nisur  për të mbuluar kryeministrin e tyre Edi Rama në fushatën e tij me diasporën në Selanik është akoma më i rëndë për Greqinë e Bashkimit Europian duke ditur sesa të favorizuar janë gazetarët kudo që të jenë në lëvizjen e tyre të lirë dhe dhe   tek drejta e lirisë së shtypit. Dhe kur ato cenohen në vendin ku ka lindur demokracia dhe si vend i aderuar në principet themelore të Bashkimit Europian, kjo  tregon që sa mbrapa ka mbetur politika greke për fajë të disa politikanëve që nuk bëjnë kurrë një hap para për të hyrë  realitetin e kohës.  Por kjo  ishte e vetmja mundësi sesi mund ti hakmerrej Ramës dhe institucioneve demokratike shqiptare në hatërmbetjet e tyre si me drejtësinë e re apo në mosmarrëveshjet e tyre  të vjetra që kanë ku me qeverinë e tanishme greke vazhdohen të jenë akoma më të thelluara.  Ky është rasti i parë që i ndodh një grupi të  gazetarëve shqiptarë sepse ishte pengesa   më e lehtë për autoritetet greke, meqenëse nuk është periudhë fluksi ku ata dinë ta përdorin me dorën më të ashpër ndaj popullsisë së pafajshme  të emigrantëve shqiptarë që vitet e fundit  është rrudhur, dhe tani ka më shumë kosto për ekonominë grekë e cila vuan për fuqinë e krahut të punës.

“Vorio Epiri term i vdekur, dua votën tuaj në pranverë”, mesazhet e forta të Ramës nga Greqia

17:21 Politika 2 komente

Kush do t’a paguajë votën që do sjellin emigrantët? Ja si përgjigjet Rama

16:30 Politika 6 komente

Takimi i Ramës me shqiptarët në Selanik, kryefjalë në mediat greke: Vizita, urë miqësie me Greqinë

16:00 Politika 2 komente

Spahiu: A do ekzistonte SPAK dhe a do arrestonte dot, nëse kryeministër do ishte Berisha?

15:10 Politika 1 koment

“Forcat e tjera, me fytyra të vjetra e të reja janë maska të Sudes”, Kulluri reagon për deklaratën e Ramës: Të trajnohet si ‘roje arash koperative’ se...

14:54 Politika 12 komente

Unioni i Gazetarëve shqiptarë: Ndalimi i reporterëve nga policia greke, arbitrar

14:10 Politika

Spahiu: Rama, kryeministri i parë në 80 vite që takohet me diasporën në SHBA dhe BE

13:22 Politika 15 komente

Rama: Rruga evropiane ishte e bllokuar 11 vite më parë, tanimë askush nuk e sheh Shqipërinë pa respekt

13:02 Politika

Kreshnik Spahiu: E turpshme që opozita mbajti dje krahun e Greqisë dhe jo gazetarëve shqiptarë

12:50 Politika 2 komente

VIDEO/ Rama: Po punojmë për përshpejtimin e lejeve të qëndrimit; Vullnet pozitiv nga pala greke

12:28 Politika 1 koment