Te fundit
Balla me të rinjtë: Zgjedhjet janë mënyra si dëgjohet zëri i qytetarëve, Zvërneci investimi më i madh në historinë e Shqipërisë
21 Qershor 2026, 12:45Politika
TEMA
Drejtuesi Politik i Qarkut Tiranë për Partinë Socialiste, Taulant Balla, ka zhvilluar një takim me të rinj në Vorë, ku në qendër të diskutimit ishin procesi i integrimit të Shqipërisë në Bashkimin Europian, roli i zgjedhjeve në demokraci dhe ndikimi i investimeve të huaja në zhvillimin e vendit.
Gjatë bashkëbisedimit, Balla u ndal te rëndësia e pjesëmarrjes qytetare në zgjedhje, duke theksuar se vota mbetet instrumenti kryesor për të përcaktuar drejtimin e qeverisjes dhe për të garantuar përfaqësimin demokratik.
Duke komentuar debatin mbi investimin strategjik në Zvërnec, Balla tha se mbështetja për këtë projekt është e gjerë, si nga qytetarët brenda vendit ashtu edhe nga diaspora shqiptare.
“Në demokraci, mënyra se si dëgjohen njerëzit janë zgjedhjet. Mund të dalin në protestë 1 mijë, 5 mijë apo 10 mijë veta, por ka miliona të tjerë që përfaqësohen përmes votës. Mandati që marrim është një kontratë me qytetarët dhe në fund të tij rikthehemi sërish për të kërkuar besimin.”
Balla ka theksuar gjithashtu se në këtë debat ka pasur shumë dezinformim dhe apeloi për më shumë përgjegjësi publike në trajtimin e çështjeve me rëndësi kombëtare.
“Në këtë situatë dezinformimi unë mendoj që të gjithë duhet të kontribuojnë nga pak që e para njerëzit të kenë dëshirë për të dëgjuar, dhe e dyta të kenë edhe dëshirë për të kuptuar. Sepse Zvërneci është investimi më i madh që ka parë ndonjëherë Shqipëria jonë, nuk e ka pasur ndonjëherë Shqipëria një mundësi të tillë.”, shprehet Balla.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ti Taulant te mbush mendjen me keta pranime, ashtu sic zbertheve me kuptim te thelle, si ekonomist i talentuar investimet prej 4 milard eurosh per Zvernecin...
O Balla, Thuajini atij prijsit tuaj largpamës, që është bërë shumë baltë, dhe këto furçat tuaja nuk e lajnë dot baltën e korrupsionit, arrogancës, dhe zullumit politik të këtyre 14 viteve. Ikni se i lini vend vetes për më vonë! Është më mirë për ju. Ndonjëherë duhet të dish si të ikësh!