Te fundit
Balluku: Si do ta bëjmë Shqipërinë vend eksportues të energjisë elektrike
9 Prill 2022, 12:19Politika
TEMA
Ministrja e Infrastrukturës dhe Energjisë, Belinda Balluku është shprehur gjatë punimeve të Kongresit të Partisë Socialiste që vendi ynë do të bëhet eksportues i energjisë elektrike pas vendosjes së paneleve diellore dhe parqet eolike.
Ndërsa fliste në panelin me temë “Energjia, Mobiliteti, Mjedisi”, Balluku u shpreh se “Shqipëria nuk do të bëhet një vend superfuqi energjetike siç thuhej dikur, por do të bëhet një vend që do të mbulojë të gjitha nevojat e tregut për energji elektrike.
“Shqipëria prodhon 100% energji të rinovueshme, kryesisht nga kaskada e Drinit. Globalizimi ka bërë që askush të mos jetë imun nga luftërat, pandemitë e të tjera.
Kemi dëgjuar kohët e fundit për shkak të krizës vështirësitë e çmimit të lartë dhe mungesës në treg. Kemi dëgjuar ekspertë të opinionit publik të japin opinione që nuk kanë të bëjnë shumë me realitetin”, deklaroi Balluku.
Balluku shtoi se është vendosur që burime të tjera alternative të energjisë të rinovueshme do të fillojnë të kontribuojnë në sektorin energjetik shqiptar.
“Energjia quhet fushë me intensitet të lartë në investim dhe në kohë. Pra, një investim energjetik nuk mund të ndodhë as për një muaj, as për 2 dhe as për 1 vit. Kur ne nisim një projekt energjetik deri te momentin kur duhet të fillojë vepra nga prodhimi, qoftë HEC, panele diellore apo parqe eolike, duhen disa vite.”
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po kur mendohet te behet se nja 9 vjet ne qeveri jeni ,apo mendoni se do rini dhe 9 te tjera pika juve ,jeni bere me te urryer se pd-ja .Znj Belinda te ka hyre aq shume vetja ne qejf ,sa edhe kur ecen dukesh sikur e ke brenda .
Këtë prallë na I ka treguar njëherë Saliu me gjyshe Jozefinën . Për të na treguar përalla e mblodhi Lideri global kongresin e partisë ?