Te fundit
Basha përkujton 27-vjetorin e masakrës së Srebrenicës: Sot është koha për të parë të vërtetën në sy, të mos mbetemi pengje të së shkuarës
11 Korrik 2022, 14:36Politika
TEMA
Ish-kryetari i PD Lulzim Basha ka përkujtuar 27 vjetorin e masakrës së Srebrenicës.
Basha shkruan se pa u dënuar të gjithë kriminelët që vranë dhe masakruan civilë të pafajshëm në Bosnje dhe Kosovë nuk mund të ketë drejtësi.
Ai shton se zhvillimet e fundit në rajonin tonë dëshmojnë se krimet e padënuara përbëjnë bazë që ato të përsëriten.
“Të mohosh genocidin në Bosnjë dhe në Kosovë tregon se nuk je ndarë nga e kaluara, por i përket asaj, nuk kërkon bashkëjetesë por vazhdimin e konfliktit të ngrirë, duke mbrojtur të shkuarën e përgjakshme, mbetesh peng i saj dhe nuk sheh dot drejt së ardhmes”, shkruan Basha.
Ai kërkon që pas dënimit të gjenocidit në Bosnje është koha për të miratuar edhe rezolutën për gjenocidin serb në Kosovë.
Pa dënuar të gjithë kriminelët që vranë e masakruan civilë të pafajshëm në Bosnjë dhe Kosovë, nuk mund të ketë drejtësi.
Sot ndajmë dhimbjen me gratë, nënat boshnjake që humbën më të dashurit e tyre në masakrën më mizore që ka njohur Europa pas Luftës II Botërore.
Shovinizmi serb vrau dhe masakroi mbi 8 mijë burra dhe djem. Por ato mbijetuan, mbi dhimbjen, ndërtuan të ardhmen, rritën fëmijët e tyre dhe sot i dëshmojnë botës modelin e jashtëzakonshëm të forcës, tolerancës e mirëkuptimit të një gruaje.
Zhvillimet e fundit në rajonin tonë dëshmojnë se krimet e padënuara përbëjnë bazë që ato të përsëriten.
Të mohosh genocidin në Bosnjë dhe në Kosovë tregon se nuk je ndarë nga e kaluara, por i përket asaj, nuk kërkon bashkëjetesë por vazhdimin e konfliktit të ngrirë, duke mbrojtur të shkuarën e përgjakshme, mbetesh peng i saj dhe nuk sheh dot drejt së ardhmes.
Vetëm duke u përballur plotësisht me të kaluarën, qytetarët e Rajonit tonë mund të arrijnë pajtime të vërteta, pajtime të qëndrueshme.
E ndërsa Shqipëria u rreshtua krah vendeve që dënuan genocidin në Bosnjë, sot është koha të gjejmë forcën, guximin dhe pavarësinë për të miratuar edhe rezolutën për genocidin serb në Kosovë.
Sot është koha për të parë të vërtetën në sy, jo për të mbetur pengje të së shkuarës së dhimbshme, por për t’i hapur rrugën të ardhmes.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Lulushi lere Bosnie po dilni ne terren dhe nxirni jashte loje non grata Berrisha leri pordhet politika eshte lufte nxir shpaten dhe fillo godite non graten ose largohu ne Hollande
Lulush lere llakimin e flokeve, hiq kollaron dhe dil te perkrahesit e PD qe i ke lene jetim dhe gabimisht i quajn te Berishes. Ta mori partine Berisha krimineli Non grada. Ja ke borxh Shqiperise e ketij populli qe ta shpetosh nga Sali krimineli qe vesh lekuren e qengjit e behet demokrat ne opozite. Sa te marr karrigrn di ai si i vret kundrtshtaret naten dhe diten u çon kurotr e i percjell me lavdi. Eshte koha qe populli yne te shkeputet nga Berishizmi qe eshte edhe me i rrezikshem se Enverizmi para viteve 1990.