Beleri dhe Memolla, drejtësia me dy standarde? Rama: S’ka krahasim, në qeli edhe kryetar për seks oral

6 Dhjetor 2023, 22:16Politika TEMA
Beleri dhe Memolla, drejtësia me dy standarde? Rama: S’ka krahasim,

I ftuar në Debat nga Alba Alishani në A2 CNN, kryeministri Rama u pyet nëse drejtësia po vepron me dy standarde për luftën ndaj krimeve zgjedhore, duke përmendur rastin e Belerit dhe të kryetarit të bashkisë së Rrogozhinës.

Rama u shpreh se kjo nuk qëndron pasi në burg kanë përfunduar edhe nga radhët e mazhorancës dhe këtu solli edhe rastin e Safet Gjicit.

“E dyta, është njësoj si të krahasosh një shalqi me një kungull. Blerja e votës dhe kapja në flagrancë është një gjë dhe hetimi për një telefonatë që lidhet me lidhjen elektrike të një familjeje, është një gjë tjetër. Edhe ai i Rrogozhinës po hetohet. Në qeli sot, në paraburgim ka kryetar bashkie të zgjedhur në ato zgjedhje që mbahen atje për seks oral.

Jemi në kushtet kur nuk bëjmë dot krahasime fare. Për blerje votash janë dënuar komisionerë të PS-së, janë dënuar, dënohen, ata që kapen dhe provohen. Thelbi në këtë histori është që Greqia nuk ka asnjë të drejtë. Ne kemi një drejtësi për të gjithë dhe jo e ndarë, nuk është një çështje e minoritetit”, tha Rama.

Ndërkohë, Rama u shpreh se për arrestimin e Fredi Belerit është njoftuar vetëm kur policia është nisur për të ndërhyrë. Ai ka treguar në A2 CNN se i ka thënë drejtorit të policisë se kjo është një çështje shumë e rëndë dhe duhet të bëjnë kujdes.

“Greqia ka të drejtën e saj të bëjë spekulime duke marrë këto fakte dhe duke i bashkuar me një çështje që nuk ka asnjë lidhje. Kjo është një mënyrë interpretimi. E para, unë nuk jam marrë gjithë fushatën me zotërinë. Unë mund të kem shumë të meta, por budalla nuk jam. Nëse do të kisha dijeni që ndaj tij po bëja hetim, nuk do të kishte sulm politik ndaj tij.

Hetimi ka nisur nga prokuroria e Vlorës dhe nuk është e vërtetë që çdo çështje duhet të hetohet që në gjenezë nga SPAK. Prokuroria ka nisur një hetimin dhe prokuroria nuk varet nga ne. Policia ka marrë dijeni për të ndërhyrë vetëm pak orë para ndërhyrjes. Unë jam njoftuar që policia u nis për të ndërhyrë dhe i kam thënë drejtorit të policisë, uroj shumë të dini se çfarë bëni sepse nëse kjo nuk qëndron, atëherë është shumë e rëndë”.

3 Komente

  1. B
    Buda

    Bravo, ky eshte qendrim i nje burri te vertete shteti. Pyetja ime eshte: pse mazhoranca e sotme pse nuk e miraton nje ligj, sipas te cilit, kush shpallet "Person Nongrata" nga aleatja jone e madhe, SHBA, t'i hiqet mandati i deputetit?!

    1. V
      Veri

      Berisha Nr.2. Sivllahu siamez i non grates. Edi Sali Rama =Sali Ram Kulla. Mashtrusi plak i dekompozuar me nxenesin e tij famekeq akoma ne pushtet ne degradim progresiv. I kemi lene Zotin dhe SPAKU-n.

      1. S
        Spiuni gjeneral Janullatos Beleri= VORIO EPIR

        Përpara Rama. Bëju mutin, gazetarëve të Sali Berishes, Ilir Metës dhe të Greqisë, të paguar nga dora e ambasadës Greke nga Vangjel Dule.

        Lini një Përgjigje