Te fundit
“Djathtas 1912” - Alibeaj: Nuk i kërkojmë votat nga elektorati i Berishës, PD nuk e rimori fytyrën e vet të djathtë
15 Tetor 2024, 09:22Politika
TEMA
Bashëkethemeluesi i “Djathtas 1912”, Enkelejd Alibeaj thotë se ky grupim politik nuk i kërkon votat e atyre që aktualisht votojnë Partinë Demokratike, që drejtohet nga Sali Berisha.
Në emisionin “Real Story” në ABC News, Alibeaj u shpreh se ata kanë zgjedhur me vetëdije për të qenë të vërtetë.
“Jo. E di pse? Kemi zgjedhur me vetëdije për të qenë të vërtetë. E di pse? Besojmë se në 33 vite, me hipokrizinë, me të pavërtetën është luajtur shumë.
Shqiptarët, kam përshtypjen, që të kuptojnë dhe të nuhasin pa të lexuar fare nëse je djathtas. Ne jemi nisur nga kjo bazë për të qenë të vërtetë. Të qënit i vërtetë, të jep hapsirë edhe për të dalë ndaj atyre kufijve, që në dukje, mund të duken kufizues.
Djathtas nuk janë vetëm ata që për shkak të së shkuarës familjare janë të djathtë, por është edhe pjesa e re. Shqiptarët, për nga natyra janë kuriozë. Jo vetëm kuriozë, meritokratë, janë të aftë kur i jepet mundësia. Ne duam t’i flasim nervit të protagonizmit dhe të individualizmit të shqiptarëve”, theksoi ai.
Alibeaj thotë se ky grupim politik kërkon të sjellë në një fytyrë normale politike në vend.
Deputeti demokrat u shpreh se ky grupim nis një rrugëtim dhe shtoi se PD nuk e rimori fytyrën e vet të djathtë, ashtu siç kjo parti politike lindi.
“Duhet të jem i sinqertë për mungesën e së djathtës. Ne prezantuam kartën e vlerave, të parimeve, por nëse ka një gjë që nuk e kemi prezantuar, metodat, kultura politike, ky është dallim i madh për mua. Mund të jesh i djathtë, dhe të thuash, prona, biznesi, dhe të përdorësh mjete anarkiste të majta, e kompromenton gjënë. Për mua, nëe ka gjë që duhet injektuar tani, është mjeti politik me fytyrë njerëzore.
Sot politika shqiptare përdor mjetin e vrazhdë, dhunën, zë hapsirat, pengon tjetrin, mban gjithçka për vete. Kjo është një gjë që tentojmë ta përdorim si metodë. Të gjitha qëndrojnë, individi, prona, shteti i vogël i fortë, që i shërben individit.
Do donim dhe kemi bërë tonën, fytyra normale politike. Kjo është një që ka nevojë dhe besoj që do të bëjë dallimin. Po të jetë për lirinë, po të na pyesësh të gjithë atje, të gjithë e kemi fituar. Mbaj barrën, kam besuar që PD të mund të rimerrte fytyrën e vet të djathtë, ashtu siç lindi.
Kushdo që ka qenë në PD, e besonim dhe e imagjinonim atë gjë. Është e vështirë, jemi për një rrugëtim. Ky është rrugëtim që fillon sot, ka të djathtë që besojnë te ato vlera. Edhe ky polarizimi artificial në 33 vite, i majtë, i djathtë, shkatërrojnë njëri-tjetrin me çfarëdo lloj mjeti, kjo është kulturë që duhet mbyllur. Mund të kemi kultura të ndryshme, mbrojmë pozicionet tona. Ne e synojmë”, theksoi ai.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Aliu i Beut, me atë surrat që ke ti dhe, atë mendje kriminale, vetëm bari lopësh mund të bëhesh, politikan kurrë më.