Te fundit
Ermal Dredha ambasador në Zvicër, dakordësi e plotë në Komisionin e Jashtëm mes mazhorancës dhe opozitës
4 Nëntor 2025, 14:05Politika
TEMA
Në Komisionin për Politikë të Jashtme, mazhoranca dhe opozita u shprehën me superlativa për marrëdhëniet Shqipëri–Zvicër dhe për ambasadorin e ri në Bernë, Ermal Dredha.
Kryetari i Grupit Parlamentar Të Partisë Socialiste, Taulant Balla vlerësoi qëndrimet e ish-ministrave të jashtëm Tritan Shehu, Edmond Haxhinasto si dhe të deputetit të ri Erald Kapri për Dredhën, një diplomat karriere me eksperiencë të gjatë.
Në fjalën e tij, Balla theksoi se zgjedhja e Dredhës tregon ndryshimin pozitiv në qasjen e Ministrisë së Jashtme ndaj marrëdhënies së veçantë me Zvicrën, ku jetojnë mbi 300 mijë shqiptarë, të cilët duhet ta shohin ambasadën shqiptare në Bernë si “shtëpinë e tyre”, e cila duhet të jetë qendër bashkimi për diasporën, pavarësisht origjinës nga Shqipëria, Kosova, Presheva apo Çamëria.
Balla bëri të ditur se Ministria e Arsimit po përgatit një aplikacion të ri të “Abetares digjitale”, të mbështetur nga inteligjenca artificiale, që do të mund të përdoret në çdo shtëpi ku jeton një fëmijë shqiptar jashtë vendit.
Deputetët e vlerësuan vendimin e qeverisë për të dërguar në Zvicër një diplomat të këtij niveli, duke e cilësuar Dredhën si një nga emrat më të përgatitur në shërbimin e jashtëm shqiptar.
Fjala e plotë e Taulant Ballës:
Jo shpesh do të kesh mundësinë që edhe kolegët e opozitës dhe të mazhorancës të bien dakord. E vlerësoj shumë gjithçka, tha ministri i Jashtëm Shehu, ministri i Jashtëm Haxhinasto, por edhe kolegu më i ri i Kapri, një historian me shumë eksperiencë për pjesën profesionale, ato që u thanë tani, sa i përket marrëdhënieve mes Shqipërisë dhe Zvicrës, jam plotësisht dakord me konstatimin e tre kolegëve parafolës, që marrëdhëniet mes Shqipërisë dhe Zvicrës, edhe pse në këto 35 vite kanë qenë marrëdhënie të shkëlqyera, duke vlerësuar kështu kontributin tejet pozitiv të Konfederatës Zvicerane sa i përket mbështetjes financiare të shumë projekteve zhvillimore, shumëplanëshe. Dhe Kuvendi i Shqipërisë, për ata që nuk e dinë, është një prej përfituesve direkt të programeve të qeverisë zvicerane, sa i përket forcimit të kapaciteteve institucionale dhe të shumë çështjeve të tjera. Edhe këtu, për shembull, nënvizoj që më në fund Kuvendi i Shqipërisë ka një qendër të vetën studimore dhe një bibliotekë siç i kishte hije, falë projekteve të zhvilluara nga Konfederata Zvicerane.
I parë si një partner i rëndësishëm, jam plotësisht dakord me kolegët që vijnë nga opozita, që kishte ardhur koha që në krye të ambasadës sonë atje të vinte një ambasador me shumë eksperiencë, i rritur në Ministrinë e Jashtme, por edhe që ka pasur mundësinë të zhvillojë një karrierë të konsoliduar diplomatike me disa emërime të rëndësishme. Fakti që Ministria e Jashtme, nga burimet e veta njerëzore, zgjedh zotin Dredha, na bën të kuptojmë që ka ndryshuar pra dhe qasja e Ministrisë së Jashtme sa i përket kësaj marrëdhënieje të veçantë që duhet të kemi me Zvicrën.
Kur fola për dimensionin ekonomik, janë mbi 260 milionë franga zvicerane, ndoshta edhe më shumë, sepse disa prej projekteve kanë vijuar edhe pas një vendimi të Konfederatës për të ndërprerë një pjesë programesh – jo për shkak të Shqipërisë, por për shkak të faktit se Shqipëria tashmë është në një fazë tjetër zhvillimi.
Janë më shumë se 300 mijë shqipfolës që jetojnë në Konfederatë, kryesisht në kantonet e Zyrihut, Argaut, Sen Galenit e Bernës, ndoshta më pak në pjesën e Gjenevës. Por e rëndësishme është që për ambasadorin e Shqipërisë në Zvicër nuk duhet të ketë asnjë dallim sa i përket qasjes, nëse janë shqiptarë nga Shqipëria, nga Kosova, nga Presheva apo Medvegja, nga Maqedonia e veriut, Mali i Zi apo Çamëria – kudo qofshin.
Ata shqiptarë që jetojnë në Zvicër duhet ta shohin ambasadën e Shqipërisë në Bernë si shtëpinë e tyre. Është përgjegjësi për ambasadën dhe për ambasadorin e ri të Shqipërisë në Zvicër që të jetë pika e referimit për shumë aktivitete.
Qeveria shqiptare tashmë e ka diasporën një prej prioriteteve të veta madhore. Ministritë përkatëse, qoftë Ministria e Kulturës, qoftë Ministria e Arsimit, duhet të jenë mbështetëse kryesore të të gjitha projekteve dhe angazhimeve që ambasada ndërmerr – që nga furnizimi me libra për shkollat shqipe, dhe pse tani jetojmë në epokën digjitale, shumë shpejt Ministria e Arsimit do të ketë aplikacionin e abetares – një aplikacion që do ta zëvendësojë abetaren tradicionale me letër. Do të jetë një abetare e furnizuar dhe mbështetur nga inteligjenca artificiale, që mund ta zëvendësojë edhe mësuesin në çdo shtëpi ku jeton një fëmijë me prind shqiptar.
Të thëna të gjitha këto, e nxis ambasadorin në gjithçka që tha – në fakt, ambasadori në programin e vet i preku të gjitha, nuk la asgjë pa përmendur nga ato që u thanë këtu. Duke qenë se Zvicra ka mbi 300 mijë shqiptarë – dhe unë besoj se janë edhe më shumë, ndoshta deri në 400 mijë – i raportuar në popullsinë totale të Konfederatës, ky është ndoshta përqendrimi më i madh i shqiptarëve sot, ndoshta pas Greqisë, në një vend europian.
Kështu që, duke i thënë të gjitha këto, fakti që shumë prej nesh bëhen krenarë sa herë që Granit Xhaka apo Xherdan Shaqiri dhe djem të tjerë që luajnë për kombëtaren e Zvicrës nuk harrojnë të tregojnë botës përkatësinë e tyre shqiptare, është një shembull i bukur.
Dua të përshëndes vendimin e qeverisë për të dërguar në Zvicër një ambasador të këtij niveli – ndoshta niveli më i mirë që ne disponojmë sot në burimet njerëzore të Ministrisë sonë të Jashtme.
Faleminderit.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tani ia hodhem bythes !
Mire o Taulant Palla, mire me abetare digitale, po me RTSh sinjalin per emigrantet perse jeni kunder ju maskarenjte drejtues te PS? Haram qe jeni zgjedhur dhe nuk pirdhni per emegrantet!
Nje lab nuk ka shans te jete doplomat....po kur u be diplomat Fatja...mos mgelte njeri...nje atashe kulturor I rendomte qe gjithe diten reklamon Llangosjet gjoja pikturs e librat....e tij...
E ndriti Vloren, tani do ndricoje Zviceren! E kuptoni o njerz cfare po ndodh ne Shqiperi? Nuk pyet kush per ata qe punojne sic duhet per kete popull, por per ata qe permbytin Vloren dhe shperblehen duke i riderguar ambasador. Pra duhet te jesh ne grupin e njerzve te afert me kreun e PS dhe mund te besh cte duash e si te duash, nuk te gjen asgje. Prandaj Shqiperia do te eci pas drejt humneres se pashmangeshme!!!!!!
Njeri qe eshte mesuar te beje kokrren e palles. U mesua me kurva ne Dubai dhe ja mbeshtolli ne Vlore njesoj me striptiste lokaleve deri pas mesnate. Qarkullojne dhe video per kete gje ne gjithe Vloren. Njeri totalisht i paafte dhe parazit qe nuk mund te beje pune tjeter vecse te parazitoje si ambasador.
E kane ngaterruar te shkretin, ai pasi krietari i deboi si qen te langosur si te paafte nga bashkia e vlores, donte te behej vec kryetar i Zvernecit dhe ata e ngaterruan me Zvicren. Lum populli qe ju ka dhe ju zgjedh.
ja si e riciklon PS-ja ujin e qelbut
Çudi!!! Si i ben bashk keta? Miqesia e babait! Apo krushqia me Ruçin!?
Mos u nxitoni te nxirrni konkluzjone para kohe . Ne nuk dim pse dha dorheqjen Dredha . Dicka u ka dal huq atyreve qe e propozuan. Ka nje pleksje qe une dyshoje . Tashme dihet ,se kemi disa raste ,qe Rama hedh syte dhe nga krahu tjeter. ne ckuptim . Jo te berjes se detyres se sa te dakortsive per pune qe kane pergjegjsi te madhe . Dredha u zgjodh me mendimin ,se nuk do tu dali kondra ,punve te medha, qe e pret Vloren. Do mbyllnin ceshtjet e hapura, qe nga Shpetim Gjika,dhe do vazhdonin pa shqetsim punet e mbetura pergjysem .Si duket Rames nuk i shkuan punet mire mbasi Dredha ,nuk i eshte pergjigjur,.ose ka qendruar indiferent ndaj urdhrave te Rames . Kjo situate pa dyshim do sillte largimin e tij . Dhe u gjend forma me e pelqyeshme nga te dy palet . Dredha te jepte dorheqje, pa u ekspozuar arsyeja . Rama del i fituar ,Dredha i kenaqur . Deri ketu jemi paq. Beteja do te filloje me Kryetarin e ri qe do te dali nga zgjedhjet per Bashkin Vlore . Rendesi nuk ka kush do zgjidhet . Rendesi ka te mos pengohen projektet shatrapatra, qe te fitohet kohe . Ai ose ajo qe do zgjidhet do ta rrokullisi edhe nja 2 vjet te tjera, sa kalaja te marri formen e saj e te behen realitet ato qe do Rama . Nse nuk realizohet e fillojme perseri lojen . Nje shkarkim ose zgjedhje te reja . Keshtu jane rrokullisur e do te rrokullisen punet ne Vlore, deri sa te mbyllen gropat e korrupsjonit. Nga njera ane propogandohen fitoret e medhaja ,nga ana tjeter dalin ne pah defektet ne realizimin e projekteve te zhvillimit . Mos u cudisi ,keto jane format e para te shoqerise kapitaliste .Ne si shqiptare nuk bejeme perjashtim edhe pse keto kane ndodhur shekuj me pare .I uroje Ermalit ta gezoje ate post ,mbasi nuk ka ndonje detyrim mbi shpatulla, per kete rruge qe kemi zgjedhur .Ata qe e akuzojne se permbyt Vloren e kane gabim . Vlora permbytet nga zbatimi gjysmak i projekteve dhe mos berja e punimeve cilesore ne veprat qe jane ne vazhdim .