Te fundit
Fenomeni “Leskaj”, problemi real i PD post luftës civile
5 Nëntor 2025, 20:31Politika
TEMA
Nga Ylli Pata
Shpallja e largimit të Bujar Leskaj nga PD, sado që të zbutet nga ana e establishmentit të opozitës, përbën një fenomen real politik.
Riardhja e Sali Berishës në selinë e blinduar të post 8 janarit 2022, pati thjeshte një katapultim mekanik të një grupi njerëzish që u përzgjodhën nga doktori.
Katapultim që në vend që të prodhonte një injektim dhe ringjallje të militancës, shkaktoi një ndarje edhe përçarje më të madhe. Kjo jo thjeshte nga profili i njerëzve të përzgjedhur, e që janë grupi i vjetër i besnikëve të Berishës, sesa nga klima politike dhe strukturore e Partisë Demokratike.
Ikja e përkrahësve të Lulzim Bashës, të cilët ishin pjesë e strukturave të bazës së PD-së, e la partinë pa një kollonë vertebrale organizative nga Tirana në gjithë territorin e vendit.
Ky boshllëk u tentua që të mbushej me struktura të komanduara që rezultuan se ishin më shumë një tampon i përkohshëm për të ndalur hemoragjinë, sesa një terapi afatgjatë.
Vlora, ku Bujar Leskaj është një nga drejtuesit më të vjetër të Patisë Demokratike është territori ku nuk pati një prishje masive strukturash gjatë luftës civile brenda PD-së.
Megjithatë pati një hemoragji të fortë ara zgjedhjeve të 11 majit, ku disa grupime të këtyre strukturave u afruan tek Partia Socialiste, me një nismë të fortë të uhëhequr nga vetë Edi Rama.
Aksion që pati edhe një bujë të madhe mediatike, duke u përdorur për PR nga mazhoranca në fushatën e 11 majit.
Megjithatë, ajo që ndodhi në Vlorë nuk ishte aspak një aksion i izoluar, pasi 2 vjet më parë, e njëjta gjë ndodhi në Shkodër, por pa një bujë mediatike.
Fitorja e Benet Becit në bashkinë Shkodër, pati një rezultat linear në të gjithë qytetin, duke treguar qartë se kishte një aleancë të kandidatit të PS-së me strukturat e Partisë Demokratike në Shkodër.
Aleancë, e cila më pas u duk edhe në ekipin drejtues ekzekutiv, ku personazhet të zonave më bastione historikisht në lagjet e qytetit u bënë pjesë e drejtimit politik. Ku të tillë më pas u përfshinë edhe në ekipin e deputetëve.
Në Tiranë, nënkryetari i sotëm i bashkisë, Blendi Sula vjen nga strukturat e PD-së, ku ka drejtuar edhe FRPD-në fraksinonin që drejtonte Lulzim Basha.
Strukturat e Berishës në Tiranë janë ineksistente, pasi Berisha ka vendosur një mënyrë drejtimi me komandim, ku angazhohen njerëz vetëm në fushatat elektorale, pa një lidhje kapilare në territor. Madje edhe aty ku lidhjet e territorit ekzistojnë, janë dërguar personazhet nga qendra, duke krijuar sherre e përplasje të panevojshme. Rasti i Fierit me Gazment Bardhin, që u përplas me deputetin Luan Baçi, i cili gjithashtu është një emër historic në territor, është një nga shkaqet kryesore të katastrofës së 11 majit.
Sali Berisha nuk ka ndërmarrë asnjë veprim për ta ringritur apo ndalur kët hemorragji, e duket se ka një qëllim të qartë. Ta drejtojë PD-në jo nëpërmjet një strutkure apo organizimi kapilar, por si një korporatë, nga një kupolë që ndodhet në sallën e butonave. Ku merren të gjitha vendimet, që nga kandidatët deri tek njerëzit që do të emërohen në bordet shtetërore, apo edhe diskutimet e negociatave me mazhorancën.
Zgjedhjet e kësaj të dielen ë 4 bashki të vendit, do të tregojnë sipas të gjitha gjasave një sinjal politik dhe të vazhduar të kësaj hemorragjie. E cila nuk duket se shqetëson Sali Berishën, pasi qëllimi i tij është krejt ndryshe nga ajo që mendojnë votuesit e opozitës…
TemA
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
-------------------------------------------------------------------------------------I vetmi problem-----------------------------------------------------------------------------------------------------------------------------------------tek njerzit e PD--------------------------------------------------------------------------------------------------------------------------------------- është se kur nuk janë------------------------------------------------------------------------------------------------------------------------------- të dehur,----------------------------------------------------------------------------------------------------------------------------------------------- janë esēll.-----------------
Holle e ke tjerre o Ylli, por ne nje parti shpellaresh, keti koncepte s'kane vend. Edhe Lesķaj qe u iku, ka mundesi te kete nuhat dicka me te mire per veten, se vetem ngatja s'vuajne
Pritet qe ne prag te fillimit te revolucionit nr. 12 te vicidolit te mblidhet byroja politike e Komitetit Qendror te Partise komuniste revolucionare marksiste-leniniste titiste staliniste revisioniste enveriste e foltores se vicidolit ku do te pranohen dy antare te rinj te byrose ne vend te Dash Sules i perjashtuar dhe te deputetit te Vlores i dorhequr Bujar Leskaj. Ne byrone e vicidolit do pranohen Sokol Bushkola banditi i kurbinit me molotov ne dore dhe Fatjon Dauti krimineli i Kukesit me matrapik ne dore. Pastaj pritet te filloje menjehere revolucioni nr.12 qe do e coje foltoren drejt gropes se mutit qe i ka caktuar sovrani me 14maj 2023 dhe me 11maj 2025 me dy fitoret madheshtore almagojore kujtimhamshore xhelalimedashnore xhelalimegamor ngafarkaderinevore.
Fenomeni " Ahmetaj", "Beqaj", "Tahiri"..."Velaj", "Balluku" dhe në vijim, problemi real i Rripjelljes post luftës civile transgjinore - e ke fjalën o Yildiz Pata? Hidhi për ngrënë patave o Ymer se po delirojnë..