Te fundit
VIDEO/ “Flamingot online masakruan banorët e zonës”, Rama: Zvërneci po përdoret për agjenda të tjera! Protestat rrezikojnë të dëmtojnë sezonin turistik
7 Qershor 2026, 10:00Politika
TEMA
Kryeministri Edi Rama i është rikthyer protestave për projektin në Zvërnec në podcastin e tij “Flasim”, duke mbrojtur takimin me banorët e zonës dhe duke akuzuar kritikët se po manipulojnë debatin publik.
Ai tha se banorët me të cilët është takuar nuk kanë kërkuar ndalimin e investimit, por përkundrazi janë shprehur të shqetësuar që projekti të mos humbasë.
Rama paralajmëroi se zhurma mediatike dhe protestat mund të dëmtojnë sezonin turistik, ndërsa këmbënguli se projekti do të realizohet, pasi sipas tij përbën “një kapërcim epokal” për Shqipërinë turistike.
“Këtë javë shkova dhe takova banorët e zonës së Zvërnecit, në një takim që, për të gjithë ata që duan të dëgjojnë, është i postuar në faqen time. Vlen shumë më tepër se çdo ulërimë, çdo zhurmë, çdo kuje, çdo shqetësim, manipulim, falsifikim apo spekulim nga çorba e ditëve të fundit.
Aty takova njerëz që u fyen, u masakruan nga flamingot online si njerëz të mbledhur me zor, si njerëz të mbledhur kokërr më kokërr, si njerëz që nuk përfaqësonin komunitetin etj., ndërkohë që ata janë njerëzit që jetojnë në atë zonë. Ajo zonë nuk është një zonë e mbipopulluar. Ajo është një zonë ku ata njerëz që kanë interesa aty, që punojnë aty, që i pretendojnë pronat e tyre aty, madje aty ku do të zhvillohet projekti, që mbajnë familjet e tyre nga aktivitetet e vogla aty, nga shërbimet dhe nga puna e përditshme aty, janë ata.
Nuk vajta të takoj njerëz të mbledhur nga Narta poshtë apo nga Vlora lart. Vajta të takoj ata që janë aty, pikërisht ata që e kanë interesin e drejtpërdrejtë, qoftë për të drejtën e pronës, qoftë për të drejtën që të dëgjohen, qoftë për të drejtën që të jenë pjesëmarrës në këtë proces, qoftë edhe për të drejtën që të zhvillohen. Okay?
Dhe ajo që dëgjova prej tyre natyrisht nuk ishte një surprizë për mua. Ishte krejt ndryshe nga ajo që dëgjohet çdo ditë. Ishte një bisedë për shqetësimet konkrete, për problematikat konkrete, për mënyrën se si adresohet një pretendim, një pronë e kthyer dhe e regjistruar, por që, në rast se kthimi dhe regjistrimi janë bërë në mënyrë të parregullt, ka gjykatë, ka një proces dhe në fund gjithçka ishte pozitive mes njerëzish që diskutojnë si njerëz, mes njerëzish që nuk i qepen njëri-tjetrit me gurë në trastë. Okay?
Dhe ajo që bëri më shumë përshtypje ishte se, pavarësisht pyetjeve, shqetësimeve, kërkesave që kishin, në asnjë moment nuk dëgjova prej tyre të vihej në diskutim vetë ideja që ky investim duhet të ndalet. Madje, përkundrazi, ndjeva shqetësim edhe më pas kur dolëm; ndjeva shqetësim që: “Aman, mos ndalet, aman, mos ta humbasim këtë gjë”.
Dhe, ndërkohë, kam edhe diçka tjetër për të shtuar lidhur me atë që po ndodh. Kini parasysh një gjë: gjithë kjo lukuni e madhe videosh dhe gjithë këta gazetarë, gjithë këta lloj-lloj ndërkombëtarësh në media që papritur u bënë të interesuar për Shqipërinë, për mjedisin, për zogjtë e Shqipërisë, nuk e kanë fare me mjedisin dhe me zogjtë e Shqipërisë. E kanë secili për agjendën e vet në vendet ku janë.
Disa e kanë me Izraelin, që u fut kot fare në këtë mes. Ndërkohë që investitorët kryesorë janë dy vëllezër myslimanë të famshëm në Lindjen e Mesme për sukseset dhe investimet e tyre dhe që vijnë nga Katari, një vend që s’ka as marrëdhënie me Izraelin. Disa të tjerë e kanë kundër atij në Amerikë, presidentit të Amerikës, të cilin gjysma e duan, gjysma e urrejnë dhe ndaj të cilit mediat dhe të gjitha sistemet online turren për çdo gjë.
Disa të tjerë e kanë sepse nuk duan që Shqipëria ta ketë këtë projekt. Janë konkurrentë, normal! Të vijnë 4 miliardë në Shqipëri dhe, me këto emra, Shqipëria bëhet një pikë referimi si asnjëherë më parë dhe si asnjëherë më pas, në rast se ne e humbim këtë mundësi.
Po, ndërkohë, mos harroni që ka një mundësi shumë të madhe që gjithë këto rrëmuja që dalin nëpër media, nëpër rrjete online, ndryshe nga çfarë është realiteti këtu, që ka një turmë në bulevard, një turmë shumë biodiverse, që nga të marrët që fusin rrethin katror dhe pastaj e quajnë rrethin katror, te lloj-lloj personazhesh që kërkojnë “like” dhe që jetojnë me “like”. Influencera që fitojnë paratë e dynjasë përmes rrjeteve sociale dhe s’paguajnë një kokërr leku, një kokërr leku taksë.
Të tjerë që janë delirantë, me flamurin të lidhur këtu në fyt dhe që e vënë qeleshen si një certifikatë pastërtie patriotike; të tjerë që janë realisht të shqetësuar, vajza dhe djem që duan të shfryjnë pakënaqësitë e tyre etj. Është një turmë normale, s’ka asnjë problem.
Por kjo që turma normale kthehet në qindra mijëra njerëz që po vlojnë në Shqipëri do të dëmtojë turizmin, çuna, goca. Kanë filluar disa shenja shqetësuese të çregjistrimeve në Sarandë, disa shenja shqetësuese, pak, por para se të bëhet trend që të fillojnë ata që kanë prenotuar për të ardhur, pra për të sjellë ato para që do të shkojnë te bizneset e vogla, që do të shkojnë te familjet që mezi e presin këtë sezon, atëherë do të humbasim shumë turistë këtë vit.
Mbase këtë doni. Unë nuk besoj që këtë doni, por mbase ky është edhe qëllimi, që të jetojmë vetëm me flamingot, të cilët 99.99% e atyre që i mbrojnë s’i kam parë ndonjëherë me sy. Nuk e di. Shikojeni këtë punë.
Në ndërkohë që projekti do të bëhet, që të jemi shumë të qartë. Projekti do të bëhet sepse është një e mirë e madhe për ekonominë tonë. Është një bekim i madh për Vlorën dhe është një kapërcim i madh epokal për Shqipërinë turistike dhe për Shqipërinë europiane”, tha Rama.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Raportohet se dje Palloshi nuk e beri gjumin mire. Po shikonte ne enderr njelloj si fillimi i filmit "Kapedani" , Ishin mbledhur ushtrite serbe , greke , naziste , dhe iraniane qe luftonin. Palloshi i thote Tao Taos : " Kur une te nduk mustaqen e majte ti shkrepe topin e majte , kur te nduk mustaqen e djathte , shkrepe topin e djathte......Edhe pastaj therret : " Zjarr Taoooooo"...Por Tao Taon nuk e linte Elisa Spiropali te qellonte , i thoshte "Aq gjyle" kemi....Dhe Palloshi shkon dhe i thote Taos : " Te lumte Tao , keshtu i zbaton urdhrat ti ? Pa shiko se c'bere ????......Pastaj Palloshit i del gjumi , kontrollon mustaqet , i kishte ne rregull......dhe pastaj , ndryshe nga filmi , shikon...qe kishte bere shurren ne breke !!!!!
O Rama, ti duke qënë hajdut atokrat ti vet i ke jorentue myslimanët shqip folës, për të qënë kunder Perendimit. Ti vet ju ke thën se Erdogani dhe Turqinë e keni babë e keni vlla dhe ju ke ndertue xhamia pa fundë bashkë me Turqit dhe arabet, tani pi ju lëngun.
Kujt ja thua...? Ata dijne vetem te urrejne e te ngazellehen prej urrejtjes PATOLOGJIKE.
O bo boooo! Po tani? Ku do vemi nga Nadirja? O Rama, po ç'na bëre o Rama! Po tani do dalë Nadirja dhe do na shajë o Rama? Qyqja, qyqja, qyqja. Ishallah, nuk e lexon Nadirja këtë, Se na mori lumi na mori. Unë po shkoj të gjej.ndonje bunker bosh, sepse erdhi Nadirja e Ngushte me mitraloz të gjerë.
Nadirja rri mbrapa vrimes celsit si dikur saliu qe pergjonte ciftet nga liqeni,kurse sot pergjon me digitalin,spiunat ngelen spiuna ne cdo kohe.... Nje gje te ben pershtypje vijne koqevaret nga p... arushes,kush i financon,po ata te diaspordhes me flamuj e pankarta dhe sa duhet te paguajne per sheshi e policine. Po keta trushplaret gjenerata Z e analfabeteve qe nuk dine ku eshte shkolla,po LGBT e lloj lloj zvarranikesh qe bredhin rrugeve,kush i financon apo saliu me kurtin qe po ferkojne duart se do vijne ne pushtet e te vjedhin si dikur se po e shikojne qe keta po ja kalojne ne pasuri