Te fundit
Gazetari amerikan tregon pse e mbështeti SHBA Berishën, dhe pastaj e flaku
15 Shkurt 2024, 11:36Politika
TEMA
Fred Abrahams është studiues, publicist, ekspert i të drejtave të njeriut dhe konsulent pranë Human Right Watch në Berlin.
Libri i tij “Modern Albania – from Dictatorship to Democracy in Europe” ofron një vështrim të thellë në historinë e re të rënies së regjimit komunist në Shqipëri dhe të sprovave dhe vuajtjeve që kaloi vendi. Ai bazohet në përvojën personale të autorit, në më shumë se njëzet vjet punë kërkimore dhe analizën e qindra e dokumenteve, dikur sekrete, nga Shqipëria dhe SHBA, si dhe në intervista me personalitete kyç, shqiptarë dhe të huaj, që kanë luajtur rol në politikën e vendit që nga viti 1990 – mes tyre edhe ish-anëtarë të Byrosë Politike, udhëheqësit e opozitës, agjentë të shërbimeve sekrete, diplomatë, apo themeluesit e Ushtrisë Çlirimtare të Kosovës.
Libri është botuar nga New York University Press.
Në këtë intervistë botuar nga gazeta DITA, ai thotë se libri i tij është një kritikë ndaj intelektualëve të Shqipërisë, që në përgjithësi, kanë dështuar në sfidimin e dogmave dhe të shërbyerin si një zë i pavarur.
Titulli i librit tuaj është “Modern Albania” – Shqipëria moderne – një mbiemër ky me dy kuptime? A mendoni se Shqipëria është një vend modern?
Titulli i librit “Modern Albania” është përdorur në kuptimin e një historie “bashkëkohore” apo të kohës së sotme, në kontrast me historinë e Shqipërisë para luftës ose nën Perandorinë Osmane. Me titullin unë nuk dua të sugjeroj se Shqipëria është një vend modern, në kuptimin një vend përparimtar, largpamës dhe progresiv. Përkundrazi, një temë konstante në libër është se sa vazhdon të jetë e ngarkuar Shqipëria me barrën e së kaluarës e saj.
Një refren shumë i dashur i retorikës politike në Shqipëri është ai i revolucionit për përmbysjen e regjimit komunist. Për këtë tip të ri revolucioni pa gjak që ndodhi në disa nga vendet e tjera ish-komuniste, historian Timothy Garton Ash përdor termin “Refolution”, pra reformë dhe revolution. A ka pasur në Shqipëri një revolucion antikomunist.
Shqipëria nuk ka pasur një revolucion. Por aty ekziston një mit shumë i fortë për një revolucion të tillë.
Pas rënies së Murit të Berlinit, Ramiz Alia e kuptoi se Shqipëria duhet të ndryshonte, sepse ajo nuk mund të mbijetonte e vetme. Kjo pikëpamje u intensifikua pas vrasjes së Çausheskut në Rumani. Ramiz Alia dhe njerëz nga rrethi i tij i ngushtë më kanë thënë në intervistat që kam zhvilluar me ta, se donin që ta demokratizonin Shqipërinë. Unë nuk mendoj se ata ishin demokratë, por se ata ishin të shqetësuar dhe në kërkim të një mënyre, se si mund ta shmangnin për veten fatin që pësoi Çaushesku. Sidoqoftë ata iniciuan disa reforma. Të gjitha ndryshimet e bëra ishin nga lart dhe të gjitha brenda parametrave të partisë, si p.sh. pluralizmi famëkeq i mendimit. Ata liberalizuan ekonominë dhe reduktuan dënimet për disa të burgosur politikë. Ata lejuan median të botojë disa pikëpamje kritike. Dalëngadalë ata filluan t’i lironin zinxhirët, por nuk i hoqën ato.
Në vend të kësaj ata synonin të realizonin atë që Sofokli Lazri e quan “transferim i ndikimit”. Pra ata donin që pushteti të kalonte në duart e një grupi njerëzish të besuar, të cilët ose ishin anëtarë të PPSH-së, ose gëzonin përqafimin e dorës së ngrohtë të saj. Ishte fjala pra për intelektualë të besuar, të cilët duhet të merrnin në dorë kontrollin dhe pushtetin.
Megjithatë ka pasur edhe disa impulse të revoltës së vërtetë nga poshtë. Në janar 1990 protesta në Shkodër për të rrëzuar bustin e Stalinit, për shembull, është një shembull i tillë. Ose në mars 1990 protesta në Kavajë. Mësymja e ambasadave në korrikun e vitit 1990 ishte një moment i qartë kur shqiptarët i morën gjërat në duart e tyre, të frustruar nga hapat e zvarritur të reformës. Dhe sigurisht edhe lëvizja studentore e dhjetorit, kur të rinjtë me guxim thanë “mjaft!”
Por, pas secilit nga këto momente, partia arriti ta vinte situatën nën kontroll. Pra, unë mendoj se Jo, në Shqipëri nuk ka pasur një revolucion në kuptimin e një ndërprerjeje radikale të fijeve të së kaluarës. Por unë gjithashtu mendoj, se kjo ndoshta ishte një gjë e mirë. Sepse duke pasur parasysh shkallën e represionit dhe të dhunës në vend, apo shkatërrimin e aq shumë familjeve gjatë diktaturës, një revolucion i vërtetë në Shqipëri mund të kishte qenë shumë i përgjakshëm.
Ju thoni që në Shqipëri edhe pse nuk kishte revolucion, ekziston një “mit për revolucionin”. Cilat janë shkaqet për këtë?
Edhe pse në Shqipëri nuk ka pasur revolucion, ekziston një pikëpamje e përgjithshme si në Shqipëri edhe jashtë saj, se regjimi i errët komunist u përmbys nga një lëvizje demokratike. Unë shoh disa arsye për këtë.
Së pari, Partia Demokratike e ka përdorur këtë fabul, për qëllimet e saj politike. Kjo ishte një histori mjaft tërheqëse për t’u treguar – sidomos për Perëndimin: ne u ngritëm më këmbë dhe e mbytëm bishën. Sali Berisha e përdori mitin e revolucionit në të njëjtën mënyrë sikurse Enver Hoxha kishte përdorur mitin e çlirimit dhe të Luftës Nacional-Çlirimtare.
Së dyti, shqiptarët kanë një predispozicion për të pranuar mitet. Ata janë mësuar me to dhe në këtë mënyrë kjo histori dramatike mund të thithej me lehtësi. Po ashtu përdorimi i një fabule apo historie të tillë qetësuese, me efektin e një ninulle, bëhej për të shmangur reflektimin dhe vetëvlerësimin për atë se si ishte e mundur që një diktaturë e tillë kaq brutale mundi të zgjaste për katër dekada, dhe për atë që njerëzit i kanë bërë njëri-tjetrit.
Krijimi i mitit nuk është ndonjë gjë e papritur, për shkak se liderët e rinj politikë kërkonin të mbështestin dhe fuqizonin pushtetin e tyre. Por ajo që më duket interesante është, se sa e gatshme ishte bashkësia ndërkombëtare për ta pranuar mitin dhe madje edhe për ta promovuar atë. Sidomos qeveria e Shteteve të Bashkuara të Amerikës e përqafoi mbi të gjitha idenë se pas kthesës në Shqipëri ekzistonin ish-komunistët e poshtër përballë demokratëve mendjehapur.
Si e shpjegoni ju faktin që bashkësia ndërkombëtare e pranoi këtë mit?
Fred Abrahams: Unë shoh disa arsye. Së pari, Shtetet e Bashkuara dhe qeveritë e tjera perëndimore dinin shumë pak për Shqipërinë në atë kohë. Uashingtoni nuk kishte marrëdhënie diplomatike dhe nuk kishte burime të shërbimeve sekrete. SHBA me të vërtetë nuk e njihnin as vendin apo as popullin. Një detaj i vogël, edhe pse në pamje të parë skajor, që dëshmon për këtë është që kur u vendosën marrëdhëniet diplomatike në mars të vitit 1991, Departamenti i Shtetit nuk kishte madje as edhe flamurin shqiptar për ceremoninë.
Së dyti, politikëbërësit amerikanë u verbuan nga drama e fuqishme e rilindjes së Shqipërisë. Kur James Baker vizitoi Tiranën në qershor të vitit 1991, njerëzit u përpoqën ta mbanin në krahë makinën e tij nga aeroporti. Pritja ishte tejet e përzemërt dhe madhështore dhe diplomatët amerikanë u ngashënjyen fort prej kësaj fitoreje të madhe të Luftës së Ftohtë.
Po ashtu ata ranë gjithashtu pre e një analize të thjeshtëzuar pra njeriu i mirë përballë njeriut të keq, apo kauboi dhe indiani, në një kohë që realiteti shqiptar ishte shumë më kompleks. Si mund ta shpjegonin ata për shembull, që Ilir Meta dhe Pandeli Majko shkuan me socialistët, ndërsa Gramoz Pashko, Sali Berisha dhe shumë anëtarë të tjerë të PPSH-së themeluan PD-në? Ndarja e politikanëve të Shqipërisë në politikanë të nderuar blu dhe politikanë mashtrues të kuq ishte për të krijuar një ndarje artificiale nga e cila Shqipëria vuan ende dhe sot.
Arsyeja e tretë ishte më shumë praktike, dhe lidhej me rajonin. Në atë kohë, shqetësimi kryesor në Uashington ishte lufta në Jugosllavi dhe, sa u përkiste shqiptarëve, që konflikti të mos përhapej në Kosovë apo Maqedoni. Në këtë mënyrë SHBA mbështeti me të gjithë forcën dhe ndikimin e saj Berishën dhe PD-në, sepse mendonin se kjo forcë do të kishte një ndikim moderues tek shqiptarët jashtë vendit.
Nëse ju shikoni deklaratat e para të PD-së, ato flasin për bashkimin e territoreve të banuara nga shqiptarët. Por kjo ndryshoi shpejt në “respektimin e të drejtave të vëllezërve dhe motrave tona.” Në këtë në mënyrë nga dokumentet që kam marrë nga Departamenti i Shtetit për këtë libër duket pra qartë: Uashingtoni ishte shumë i shqetësuar në lidhje me retorikën nxitëse. Dhe në fund ata arritën një marrëveshje faustiane me Berishën: Bëj çfarë të duash në Shqipëri, por mos shkakto rrëmujë përtej kufijve të vendit.
Çfarë ndikimi mendoni se kishte kjo për Shqipërinë?
Unë e kuptoj se pse Uashingtoni dhe qeveritë evropiane perëndimore i dhanë PD-së dhe Berishës mbështetjen e tyre. Kjo ishte logjike dhe e saktë. Si udhëheqës, Berisha ishte zgjedhja e qartë: i vendosur, njeri që dinte të artikulonte mendimet, i fortë, dhe me njohuri të mira të anglishtes. Ai ishte me distancë prej të tjerëve politikani më i talentuar i asaj kohe.
Ajo që unë nuk e kuptoj është se pse qeveritë perëndimore i dhanë atij një mbështetje të tillë jokritike. Kur ai filloi të shfaqte autoritarizmin e tij dhe etjen për hakmarrje, SHBA heshti. Kur ai keqtrajtoi një gazetar, SHBA heshti. Kur ai e futi kreun e opozitës në burg SHBA heshti. Fatos Nano mund të ketë qenë fajtor, por gjykimi i tij ishte një farsë.
Unë kam pyetur Bill Ryerson dhe, më të rëndësishmin, Chris Hill, se pse ata nuk kanë thënë asgjë. Dhe ata më thanë se pas së kaluarës së vështirë të Shqipërisë ata e prisnin që rruga e saj të ishte me gunga. Po ashtu Hill ka folur edhe për bashkëpunimin e Shqipërisë në rajon.
Unë mendoj se heshtja e tyre ishte një gabim i madh. Sigurisht Berisha ishte njeriu i tyre, por ata duhet t’i kishin vënë disa kufij. Ata mund të vazhdonin ta mbështesnin ende Berishën, por edhe t’i thoshin që të respektonte disa kufizime në lidhje me pushtetin e tij personal. Meqë të tilla kufij nuk kishte, Berisha e interpreton heshtjen si një dritë jeshile për veprimet e tij.
Ia vlen të përmendet se prishja e Berishës me SHBA nuk lidhej me gjyqet farsë, spiunimin e opozitës apo arrestimet e gazetarëve. Ajo erdhi kur ai filloi të luante jashtë kufijve me çështjen e Omonias dhe të Greqisë.
Si ndikuan qëndrime dhe sjellje të tilla në rajon?
Fred Abrahams: Kjo është një ironi e madhe. SHBA dhe të tjerët e vunë stabilitetin rajonal mbi demokracinë. Ata vunë individët mbi institucionet. Por autoritarizmi i Berishës çoi drejtpërsëdrejti në ngjarjet tronditëse të vitit1997, që ishin më shumë një krizë politike sesa një krizë ekonomike. Kur pas plaçkitjes së depove të armëve, një kallashnikov kushtonte më lirë se sa një bukë. UÇK-ja e pa këtë menjëherë si mundësinë e saj historike, dhe ata e kapën shansin. Nuk është rastësi që lufta e Kosovës nisi në vitin 1998. Ndoshta lufta do të ndodhte gjithsesi, këtë unë nuk e di, por situata e vështirë dhe shkrirja e shtetit në Shqiperi ishte një shkëndijë kritike. Pra fokusi dritëshkurtër i bashkësisë ndërkombëtare në lidhje me stabilitetin në fund dështoi.
A ka ndryshuar politika e SHBA-së ndaj Shqipërisë sot?
Ajo ka ndryshuar shumë. Në fillim ajo kaloi sërish së tepërmi në anën tjetër dhe ishte jokritike ndaj Partisë Socialiste, pavarësisht korrupsionit masiv dhe lojës së pandershme. Pas vitit 1997, SHBA-ja dhe Evropa synon të rivendosnin rendin. Ka pasur edhe një bashkëpunim të ngushtë mes CIA-s dhe SHIK-ut në luftën kundër terrorizmit në vitin 1998 – për këto kam shkruar edhe në libër.
Por sot politika e SHBA-së ka gjetur ekuilibrin. Ambasadorët shprehen rregullisht publikisht në lidhje me korrupsion apo ndërhyrjet ndaj gjyqësorit. Ata mbajtën qëndrim kritik në lidhje me Gërdecin dhe skandalet e tjera. Ata mbrojnë gjyqësorin. Sot ata e kuptojnë se duhet bërë më shumë për ndërtimin e institucioneve.
Çfarë prisni nga libri juaj?
Unë pres që shumë njerëzve nuk do t’ju pëlqejë mënyra se si i kam portretizuar në libër. Dhe ky nuk është vetëm Berisha dhe anëtarët e tjerë të PD, por edhe Nano, Meta, Rama dhe politikanë të tjerë, të cilët shpesh i shohin postet e tyre si mundësi se sa si përgjegjësi. Libri është një kritikë ndaj elitës politike në Shqipëri.
Është gjithashtu një kritikë ndaj intelektualëve të Shqipërisë të cilët në përgjithësi, kanë dështuar në sfidimin e dogmave dhe të shërbyerin si një zë i pavarur. Shqipëria do të jetë “moderne” në kuptimin tjetër të fjalës, kur fjala “intelektual” në shqip do të ketë më tepër kuptimin e një mendimtari kritik dhe me ndikim në vend, se sa të një personi, i cili është diplomuar në universitet, sikurse përdoret sot. (DITA)
22 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Do show the ends? Let's hope!
Do show the ends? WTF? Which ends do you want him to show? Fol shqip, mos u perpiq te shesesh mend anglisht kot dhe del huq.
Excellent
Pak a shumë atë që Mero baze, unë e të tjerë kemi broçkollitur prej vitesh. Asgjë e re nga fronti i perëndimit.
Mire i ka thene ky gazetari amerikan , vec ne nuk shikojme ne nje te ardhme te afert ose te larget drite ne fund te tunelit , per mendimin tim krejt personal Rama eshte e keqia me e vogel e mundur ....te tjeret jane thjesht te paperfillshem dhe te pa pershtatshem te ndryshojne situatat dhe gjendjen dhe fatin e Shqiperise ....te vendosin rendin , drejtesine e re , lufta kunderkorupsionit dhe shume e shume ceshtje te tjera te nxehta ..... Mire e pershkruan se Qeverite Amerikane nuk ben sa duhej te kufizonin Sali Berishen dhe kedo tjeter qe manipuloi gjendjen ne Shqiperi ...tani eshte teper vone , duhet te kishin bere shume , prej tyre pritej shum dhe nuk ben asgje ...ashtu sic shkulen me zell te madhe komunistet duke i bere nje presion te madh Ramiz Alise ne New York ne asamblene e OKB se , te njejten gje te benin dhe me Saliun ....tani rine e bejne llogarite se ku qendron gabimi , tani sic e thashe eshte teper vone ...uji shkoi ne drejtim te gabuar dhe atje ku duhej ....inteligjenca amerikane e zbulimit duhet ta kishte kuptuar qe Sali Berisha ne realitet nuk ishte kurre njeriu i tyre , mire ne te kaluaren dinin shume pak per Shqiperine dhe shqipteret po tani ??? Tani kush i pengoi te kushtezonin nje njeri qe kishte mendjen te skaji tjeter i barazpeshes ...te Rusia , kishin ne dore te gjitha mekanizmat ta ndryshonin fatin e nje shteti dhe populli qe i priti me mall ne 1990 ten , dhe kete per nje arsye ose tjetren nuk e ben ....kjo atyre nuk i falet , tani reaguan , financuan per nje ndryshim te situates vec sic e thashe tani eshte teper vone , ne loje kane hyre dhe lojtare te tjere dhe do ta bejne punen e tyre te veshtire ....megjithate shpresojme .....
Per mendjen e shqiptareve, gjithmone duhet te presesh nga dikush tjeter per te ndryshuar gjendjen tende. Ne kete rast Amerika DUHET te bente, Amerika DUHET te denonte, etj.etj. nderkohe qe shqiptaret nuk e ngrene zerin vete per te ndryshuar gje. Perse duhen pritur te gjitha nga dikush tjeter? Amerika nuk ben me shume sepse e shikon qe as Shqiperia nuk ben me shume per veten e saj. Nuk mbahet shtepia me miell hua. Jemi nje pike e vogel ne harte, nuk na llogarit kush. Edhe kaq vemendje sa po marrim, e kemi qyl se s'kemi bere asgje te hajrit ne bote per ta merituar. Kemi mbi 65 parti ne Shqiperi dhe jemi vetem 1.5 milione votues. E kupton cfare marrezie eshte kjo? Vetem ne Albanistan e shikon. Nuk ka me frike askush nga ligji apo ndonje gje tjeter, po vjedhin sa t'ju teket, rregullojne veten e tyre dhe deri ne 4 breza e pastaj fillojne bertasin ne emer te popullit.Ai Parlamenti duhet kthyer ne dhome me gaz, te hiqen qafe te gjithe dhe pastaj te fillohet nga e para.
Jo.no.nooo...si milet i tredhur qe jemi(kujto Pavaresine e morem dhurate te fundit,te cunguar sepse vetquheshim turq,vetedija 0 zero),edhe ne 90 u perpoqen me ambasada et perendimoret...por s kishim kellqe.Keshtu qe u desh te negocionin me Ramizin e Nexhin...Gjithsesi thnx USA,sepse per ne do ishim prape si Korea e Veriut
Super. Pershkruan me detaje korrupsionin e te gjithe politikaneve. Katowica vazhdon
"Shqipëria do të jetë “moderne” në kuptimin tjetër të fjalës, kur fjala “intelektual” në shqip do të ketë më tepër kuptimin e një mendimtari kritik dhe me ndikim në vend, se sa të një personi, i cili është diplomuar në universitet, sikurse përdoret sot." Kjo i permbledh te gjitha.
Jame plotesisht me komentin tend z. Aron, veçse do shtoja, qe per tu zgjedhur deputet, kryebashkijak e tej, me patjeter duhe te hiqet kriteri i asimit te larte, se keta me arsim te larte, pra te dipllomuar edhe te kristali, na hiqen per intelektua...! Zotria e ka shpjeguar shume bukur; rolin e intelektualit per "shqiperin moderne"
Bastsrdit te kombit duhet treguar vendi ne burg...eshte pak per vitet qe i kane mbetur...komunisti bajge me emrin demokrat vrau,vodhi,shkaterroi, te zezat e kombi ...pasuroj te bijen 19 pallate...o zot....
Bastsrdit te kombit duhet treguar vendi ne burg...eshte pak per vitet qe i kane mbetur...komunisti bajge me emrin demokrat vrau,vodhi,shkaterroi, te zezat e kombi ...pasuroj te bijen 19 pallate...o zot....
Amerika keshtu e ka politiken. Te mbeshtet e pastaj te flak. E ka bere plot here.
sepse u lavderua ne fillim pastaj filloj te djeg ,shkateroj e te bej cdo gje vetem per tu pasuruar per vete
shiste naften per makinerin e millosheviqit dha detin,shkaterroj pyjet shkaterroj strehimoret,ushtrin komplet armatimin sa zullumin e kan bo keta as armiku ma i madhi skish muajt tia beje shqiperis
Amerika ka deshtuar fort me mbeshtetjen per nje kriminel , hajdut , antiamerikan , antishqiptare si Sali NonGrata....... !@
Shikoni foton e Prostituta Kombetare Sali. Kur takohet me njerez te fuqishem, tregohet i perulur, i nenshtruar, gati te pohoje gjithçka qe i thone! Qenie e peshtire, pa moral e pa shtylle kurrizore!
E para amerikanet vazhdojne te bejne te njejtin gabim duke u mbeshtetur te njeshi. E dyta si nuk ka pyetur nje ambasadore pse heshten dhe e rivendosen prape kete Berishe nu pushtet 2015? Sa per anglisht, ja ke fute kote plako, kushte te burgosure politike qe e dinin shume me mire anglishte, apo ju pelqeu theksi ( para qe moren ambasadoret e te gjitha llojeve ne shqiperi). Ne themi " gjarperi nuk I trrgon kembet e veta " ky duhet te ishte titulli I librit tend. Gerdeci u be ne bashkepunim me firme amerikane dhe u hetua atje vetem kur plasi, ndersa ketu as kur plasi, dhe ju kishit ambasade ne kete kohe.
Amerika nuk ka dështuar hiç. Pse nuk thoni se jemi dështuar ne vetë, dhe nuk është hera e parë?! Mori ndonjë angazhim Amerika që do të na demokratizonte, që pastaj paska dështuar? Jo. Dmth, të na demokratizonte ne, njerëzit, trutë tona, jo muret. Se demokracia nuk qëndron në mënyrën si e ndërtojmë ne pallatin, me sa kate, me ç'llaç e me ç'beton. Epo trutë/ mendimet, synimet, mënyrën e të menduarit, sytë me të cilët duhet të shihnim botën (sidomos veten) nuk do të na i sillte peshqesh Amerika de! Amerika qe ndër të parat që na ofroi mbështetje, edhe për synimet e saj afatgjata (shikoni situatën sot në Evropë ), por që e ka mbajtur fjalën për të bërë gjërat që ne vërtet nuk i bënim dot vetëm, siç është çlirimi i Kosovës. Ku e dini ju çfarë angazhimesh dhe detyrimesh janë nënshkruar me vajtjen e R. Alisë në Nju Jork? Unë them: hapja dhe demokratizimi i Shqipërisë në këmbim të Kosovës së lirë. Të dyja palëve u interesonte, pse jo? Prandaj nuk I duroj dot sidomos ca truthare e mosmirënjohës nga Kosova që venë në luftë për xhihad dhe shkojnë kundër qytetërimit dhe emancipimit të mendjeve dhe gjithë vendit. E kuptoni diferencën ndërmjet shqiptarëve këtej dhe andej kufirit, dhe dëmin e madh të mos-shkollimit të rinisë, mësimeve të hoxhëve dhe rrjetit të UDB-së serbe atje? E dini ç'keni? Më mirë mos u merrni me politikën e madhe, thjesht çoni fëmijët dhe sidomos vajzat në shkolla, të rrisni një brez me tru në kokë, jo me tallash. Fëmijët e spiunëve të Serbisë dhe ata që rriten vetëm duke dëgjuar hoxhën, do t'i mallkojnë dhe mohojnë baballarët e tyre.
Nje bravo e madhe. Analize fantastike.
Fajet dhe qeverisja shume e keqe e Berishes sipas gazetarit ishte pak a shume e te gjithe perendimore e por sidomos e amerikaneve.Pikerisht siç ka ndodhur me shume udheqes ne bote qe jane përkrahur nga amerikanet por me kalimin e viteve edhe pse këshillohen nga nga ata e kanë shkelur vihen e kuqe dhe amerikanet nuk falin me por te hedhin ne kosh,siç kane hedhur Berishen.Rama ndoqi politike tjeter duke zbatuar pike per pike politiken amerikane por edhe te BE dhe duke zbatuar çdo marrëveshje me t'a.Bashkepunimi ne fushën e drejtësisë ka dhen frute dhe ne nje fare menyre SpAK u ka fituar nje fare pavaresie ne luftën kundër korrupsionit duke goditur mjaft edhe qeverinë.Gazetari ka te drejtë qe nuk beson ne eliten e sotme shqiptare e cila nuk ka qenë idealiste.Mjafton qe sot Sekretari amerikan i shtetit nuk kishte kujt t'i jepte dorën nga opozita se ajo nuk ekziston
Ne histori "Modern" do te thote "i kohes se sotme, pra i referohet ngjarjeve te fundit", nuk do methene "i avancuar". Ne shkence dhe teknike ka kuptimin "Niveli i larte, ose nivel i perparuar"