Te fundit
Hasani mirëpritet nga homologu francez Jean-Noël Barrot: Shqipëria u vlerësua për progresin drejt BE-së dhe kontributin në stabilitetin rajonal
18 Mars 2025, 12:36Politika
TEMA
Paris, Francë, 18.03.2025 – Ministri për Evropën dhe Punët e Jashtme i Shqipërisë, z. Igli Hasani ka zhvilluar një takim sot me Ministrin për Evropën dhe Punët e Jashtme të Francës, z. Jean-Noël Barrot.
Në fokus të takimit kanë qenë një serë temash me rëndësi lidhur me marrëdhëniet dypalëshe mes dy vendeve tona, avancimin e projekteve të rëndësishme në sektorë të ndryshëm, zhvillimet rajonale, bashkëpunimi në organizatat ndërkombëtare, procesi i integrimit evropian të Shqipërisë dhe Komuniteti Politik Evropian.
Të dyja palët kanë vlerësuar dialogun e fortë politik që ekziston aktualisht me Shqipërisë dhe Francës, i reflektuar ky edhe nëpërmjet vizitave të nivelit të lartë të kohëve të fundit.
Takimi ishte gjithashtu një mundësi e shkëlqyer për të diskutuar rreth rrugëtimit evropian të Shqipërisë ku Ministri Hasani gjeti rastin të shprehë mirënjohjen më të thellë për mbështetjen e pakursyer franceze gjatë këtij rrugëtimi. U vlerësua përparimi i bërë deri tani nga Shqipëria në realizimin e reformave dhe përmbushjen e kushteve të BE-së, ndërsa z. Hasani nënvizoi se vendi ynë mbetet i përkushtuar të arrijë objektivin e anëtarësimit në BE brenda vitit 2030.
Takimi u përqendrua gjithashtu edhe në disa çështje strategjike, përfshirë Samitin e Komunitetit Politik Evropian (EPC), i cili do të zhvillohet më 16 maj 2025 në Tiranë, si dhe situatën e sigurisë në Evropë. Të dy ministrat theksuan rëndësinë e këtij Samiti si një mundësi për të forcuar bashkëpunimin rajonal dhe për të nxitur angazhimin e përbashkët për stabilitetin dhe paqen.
Në lidhje me këtë samit, Ministri Igli Hasani u shpreh se:
“Fakti që zhvillohet në vendin tonë është dëshmi e qartë e përkushtimit të Shqipërisë ndaj stabilitetit rajonal dhe ambicies sonë të pandalshme për të thelluar integrimin me BE-në. Për Shqipërinë, ky samit nënkupton shumë. Do të thotë thellim i bashkëpunimit për sfidat gjeopolitike, si dhe rritje e fokusit në adresimin e temave si siguria energjitike, menaxhimi i migrimit, veprimet për mbrojtjen e klimës, dhe zhvillimi ekonomik”.
Në fund, Ministri Hasani theksoi se Shqipëria do të vazhdojë të jetë një partner i besueshëm për Francën dhe Bashkimin Evropian, duke kontribuar në përpjekjet për paqe, stabilitet dhe zhvillim në rajon dhe më gjerë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Si ka mu desig qe ambasadori I Shqiperise ne France ka 10 vjet ne ate detyre ...cudi...ne shkelje te cdo rregulli.
Pse jo? Ku ka më mirë? 10 vjet pallë nëpër restorantet dhe dyqanet e Parisit, me taksat e shqiptarëve. E ka kapur fort dhe s'do ta ndërrojë dhe të shkojë ambasador në ndonjë Letoni apo Suedi, se mërzitet atje.
Ka 12 vjet. "Në mars të vitit 2013, ai mori detyrën si Ambasador i Republikës së Shqipërisë në Francë dhe në Monako (jo-rezident) dhe Përfaqësues i Presidentit të Republikës pranë Organizatës Ndërkombëtare të Frankofonisë." (https://ambasadat.gov.al/france/team/dritan-tola/)
Ashtu si ish diplomati i shquar shqiptar Luis Ejlli (ish dhendur i Zhozit), e ka gjetur edhe ky ambasadori nje alamet miku per te siguruar postin 12 vjet ambasador shqiptar ne Paris. Keshtu funksionojne gjerat ne Shqiperi. Ndonje pune te madhe s'kane se kush e dhjet Shqiperine, keshtu qe hane per qejf paret e popullit neper Paris.
Sa te jene Linda e Edi Rama (e me kumbar Salih Rame Berishen) ne pushtet, e Dritan Toles t'i lulezojne business-et e vjehrres ne Greqi (si Garanci kontraktore ne kolateralin 'Lartesia e Misionit = SKEMA), nuk ka per te levizur si ambasador ne Paris.