Te fundit
Juristi Romeo Kara: Provat e bujshme që ka zbuluar drejtësia për çiftin Meta-Kryemadhi, pritet komunikimi i akuzës! Po përgatitet dhe arrestimi i Argita Malltezit
15 Prill 2024, 12:00Politika
TEMA
Juristi Romeo Kara ka komentuar situatën politike në vend, ndërsa ka paralajmëruar telashe nga drejtësia për të korruptuarit, veçanërisht familjet “Meta” dhe “Berisha”, anëtarë të së cilave akuzohen dhe dyshohet se janë përfshirë në shumë afera kriminale dhe korruptive.
Gjatë një interviste për gazetën “SOT”, juristi Kara ka folur për provat e bujshme që ka zbuluar drejtësia për çiftin Meta-Kryemadhi, teksa theksoi se Prokuroria e Posaçme (SPAK) është drejt përfundimit të hetimeve për dosjen e pastrimit të parave dhe sipas tij, pritet komunikimi i akuzës për ta.
Sipas tij, Ilir Meta është zhytur në shumë afera dhe nuk e shpëton dot nga prangat dalja në skenë e mamasë së Monika Kryemadhit. Ndërkohë, zoti Kara paralajmëron edhe arrestimin e vajzës së ish-kryeministrit Sali Berisha, Argita Malltezi.
-Zoti Kara, si e patë paraqitjen e fundit të zonjës Fatime (e ëma e Monika Kryemadhit) në SPAK, ku pas daljes tha që është pyetur për çështjen e pallatit, diçka që është përmendur dhe nga zonja Kryemadhi, ku pretendoi se gjithçka e ka të faktuar me transaksione bankare. Çfarë po ndodh sipas këndvështrimit tuaj?
Së pari u konfirmua plotësisht se, ndaj çiftit Meta-Kryemadhi si dhe njerëzve rreth tyre, ka një hetim pasuror nga struktura e SPAK-ut, gjë e cila pason në më të shumtën e rasteve hetimet për vepra të tjera penale, sidomos ato për korrupsion, shpërdorim detyre, trafiqe të paligjshme, pastrimin e parave dhe të produkteve të veprave penale, etj.
Së dyti u konfirmua edhe arsyeja e sekuestrimit të disa sendeve të familjarëve të Kryemadhit, për të cilat të gjitha shkallet e gjykimit rrezuan kërkesat për lirimin e tyre.
Së treti, kuptojmë se hetimet e SPAK-ut janë në një fazë mjaft te avancuar dhe se mund të kemi së shpejti edhe ndonje komunikim akuzë së shpejti.
Për hir të së vërtetës duhet thënë se nëna e Kryemadhit ishte shumë më e qetë dhe e vetekontrolluar se dhëndri i saj Ilir Meta në dukje, por justifikimet e saj i vlerësoj të dobëta dhe jobindëse në lidhje me pasurinë. Mund të kryesh transaksione bankare pafund, por kjo gjë nuk e mbulon dot origjinën e parave, gjë e cila do te vlerësohet pas hetimeve. Sot është bërë mëse e njohur se lavatriçet me të mëdha të pastrimit të parave janë vetë bankat, përveçse ne kemi edhe shumë raste të tjera kur jane sekuestruar llogari të tëra bankare, të cilat kanë qene ligjërisht të pajustifikueshme. Besoj se SPAK-u e ka krijuar tashmë hartën e qarkullimit bankar të parave, gjë për të cilën ka krijuar përvojën e duhur tashme dhe ka gjithashtu asistencën e duhur, prandaj na duhet të presim në çfarë do të konkludojë hetimi.
-Zonja Fatime pas daljes thotë kam pasur një tokë, kam patur një shtëpi, kam punuar, I kam të gjitha me bankë dhe me paratë e pallatit kam ndihmuar dhe vajzën. I besoni?
Personalisht nuk besoj asgjë dhe asnjë justifikim të thënë përpara mediave nga nëna e Kryemadhit. Edhe unë personalisht kam punuar dhe jo pak që nga viti 1982, por nuk kam as shtëpi. Si unë është një popull i tërë, prandaj kjo përrallë nuk ngjit më tek askush. Kam besim se hetuesit dhe prokurorët do të bëjnë analizën e duhur të fakteve dhe provave duke filluar që në gjenezën e çështjes si dhe duke marrë parasysh edhe disa fakte publike si datëlindja përrallore e 45-vjetorit të Ilir Metës, për të cilën fliste se kushtoi disa qindra mijëra euro.
Asnje lloj matematike nuk do të mund të justifikonte as 1/100 e pasurisë reale të çiftit Meta-Kryemadhi si dhe tarafit rreth tyre përfshirë edhe nenë Fatime të Monikës. E kundërta është e vërtetë, që çifti Meta Kryemadhi kane shpërndarë pasuri pafund nëpër miq e familjare nga ajo që i kane grabitur në mbi 26 vite këtij populli. Çdo gje ka ndodhur përpara syve tanë, nëpërmjet një korrupsioni të pashoq, ku çifti grabitqar Meta-Kryemadhi kanë qene frymëzuesit, përfituesit dhe garantuesit kryesore. Përrallat e nenë Fatimes, nuk bindin dhe nuk qetësojmë më as atë dhe as Metën e çatrafiluar maje tabelave, e jo më ne që e njohim atë më mirë se ai njeh veten.
-Çfarë pritet të ndodhë me Sali Berishën? A e ka radhën Argita, pasi po shihet shumë e alarmuar në daljet e saj të fundit duke qenë dhe në krye të protestave?
Padyshim që po, për të mos thënë që të dyve jane në të njëjtën radhe. Kemi një çështje penale ku janë përfshirë njëkohësisht Saliu dhe bashkëshorti i Argitës, gjë qe e ka përfshirë tashme edhe vete Argiten. Jo më kot janë shpallur ‘non-grata’ si familje. Berisha familjarizoi partine dhe qeverisjen, përfshihu tërësisht fëmijët e tij në korrupsione, pa menduar se sistemi i ngritur prej tij si një shtet brenda shtetit do të kishte fund një dite. Është pikërisht kambana e alarmit që ka prishur gjumin dhe mendtë e familjes Berisha, e cila ka marrë tashme edhe pse e menderosur flamurin e opozitarizmit dhe luftës kundër korrupsionit, ndërkohë që po përballet neper gjykata pikërisht për korrupsione kullash miliona eurosh, pa folur për çështje të tjera të nxehta penale kundra tyre, të cilat priten të rihapen se shpejti. Për ta nuk ka me qetësi, shprese dhe dritë në fund të tunelit. Ata thjesht po mundohen të vonojnë fundin e tyre duke i fryrë zjarrit të destabilitetit politik.
-Pret të ketë sekuestro pasurie nëse do të ketë vendim apo marrje të pandehur, mund të vihen në sekuestro?
Padyshim që po. Biles mendoj që vendimet për sekuestro janë të vonuara, duke iu dhënë mundësi atyre të tjetërsojnë sa mundet pasurinë e vjedhur dhe provat.
-Duket se opozita shqiptare është e fragmentarizuar, në njërën në kemi grupin e z. Basha që ligjërisht njihet si PD nga ana tjetër grupi Berisha por në mes mbetet çështja vulës. Një çështje që zgjatet pafund. Si po e shikoni, a po e dëmton demokracinë kjo mos dalje e vulës që edhe qytetarët të kuptojnë kush është Partia Demokratike?
Kur të humb morali, nuk ka me rendësi vula as ne jete dhe as ne politike. Uroj me shpirt t'iu humbe përfundimisht vula si parti, pasi kusur nuk i kane lenë pa bere këtij vendi dhe këtij populli. Partitë politike kanë kohe që janë të paligjshme në Shqipëri, pasi në kundërshtim me kushtetutën dhe ligjin për partitë politike, funksionojnë pa demokraci brenda tyre. PD është njëra prej tyre, e cila me demokracinë nuk ka më asnjë lidhje përveç emrit, prandaj le të nisë me theqafjen e saj se pari pastrimi i skenës politike nga partitë banda dhe të vazhdojë me gjithë të tjerat pa përjashtim.
-Sa mundësi ka që partitë e reja në këtë situatë politike që ndodhet opozita dhe qeveria të nxjerrin kohë të dalin në alternativë, të kenë artikulim ku kemi disa të rinj të cilët flasin, si i shikoni ju?
Pa ndryshuar Kodi Zgjedhor nuk ka shpresë për alternativa të reja politike. Nuk duhet shkuar kurrsesi në zgjedhje me këtë Kod Zgjedhor. Kodin e ri gjithashtu nuk duhet ta miratojnë si pazar dy partitë kryesore qe kane zaptuar Parlamentin. Ai duhet miratuar me referendum dhe te paraprihet nga nje qeverisje e paanshme e mandatuar nga nje këshill te urtësh. Nese nuk pranohet dhe arrihet kjo zgjidhje juridike, atëherë e vetmja zgjidhje mbetet revolucioni. Njerëzit e devotshëm nuk i mungojnë Shqipërisë.
Ju kujtoj se te dyja partitë e mëdha sado te përpiqen kurrë nuk do te mund te nxjerrin ne shesh aq militante sa besimtare ishin për faljen e Namazit ditën e Bajramit. Njerëzit kane kohe qe i kane kthyer sytë nga Perëndia, sidomos kur e ane se nuk është kurrkund qeveria. Na duhet vetëm solidariteti i njerëzve te devotshëm dhe patriote përballë pazarit kriminal dhe pengmarrës te politikes 33 vjeçare. Kjo është zgjidhja.
Brenda skemës ekzistuese nuk shoh por dhe nuk duhet te këtë me asnje zgjidhe, pasi ajo është vete sfida me te cilën duhet përballur ky popull. Zgjidhja vjen vetëm kur vendosim te përballemi me te keqen duke qene te solidarizuar rreth se mirës. Sa me shpejt ta kuptojmë dhe ta realizojmë këtë gjë, aq me mire. Keta duken si te përjetshëm dhe te pathyeshëm, vetëm për faktin sepse ne nuk përballemi me ta dhe nuk çohemi nga gjunjëzimi. Te çohemi dhe t'i kthejmë sovranitetin dhe dinjitetin këtij populli. Faleminderit juve si nje nga mediat me serioze dhe me patriotike, për punën tuaj!
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo zoti Romeo! Rralle Kush guxon ta thoje te verteten me kaq bindje. Uroj qe te filloj sa me pare pastrimi i plehrave qe rrenoi gjithe vendin.
Romeo te shikohen dhe Firmat qe jane ngritur me parat e Popullit, per te Ushqyer Korrupsjonin, Nje Firme eshte edhe Rehas qe ben Vezen e Floririt per Çiftin Meta, si dhe te shikohen Konsullat e Greqise dhe Gjermanise, qe ne kohen kjr meta ishteMinister i jashten furnizonin LSI-ne me Valixhe Dipllomatike tembushurame Euro.
duhet mbajtur nen vezhgim dhe sharebajga e haremit te Jales , financierja e Nafije dybekut te leshelise Elona gurikali turikali i leshelise , drandja e mirdites, dru me pre, .Nuk ka femer me mafioze dhe manipulatore ta ben kopilin ta le tek dera. Njihet mire cfare beri ne Durres ne fushaten e zgjedhjeve vjet kur simuloi gjoja nje survejim te zyrave te leshelise dhe coroditi dhe policine kjo mashtruese dhe genjeshtare e pacipe si gjithe sharebajgat e Nafije dybekut.
T'i lëmë përgjigjet e tjera të av.Karajt, përkundër pyetjeve që ka intervista, por në fund të fundit për zgjidhjen e problemeve ai sheh vetëm një zgjidhje, Revolucionin, shkurt që do to të thotë të mos ketë zgjidhje. Ja ta bëj dhe unë një pyetje, kjo sidoqoftë retorike: Kur ndonjëherë në histori, problemet janë zgjidhur me revolucion?! Po nuk duhet të jemi fatalistë, sepse zgjidhje ka dhe ajo do të vijë në rrugë evolucionare. Po edhe këtu Karaj është skeptik, sepse pengon Ligji Zgjedhor! Prapë gabon! Nuk ka ligj zgjedhor që është i keq apo se është vetëm ai që sjell ndryshimin. Jo, sepse në Shqipëri nga 1991 janë provuar pothuajse të gjitha sistemet zgjedhore që njeh bota demokratike dhe qeverisjet që kanë prodhuar ato kanë qenë pothuajse të njëjta. Ka gëluar korrupsioni, nepotizmi, mungesa e meritokracisë, autokracia dhe partitokracia, etj si këto. Atëhere cila do ishte zgjidhja? Ka vetëm një: Pavarësisht nga Ligji Elektoral, votuesit me të drejtë vote, të dalin masivisht në zgjedhje dhe atë ditë të mos i votojnë partitë e stërprovuara. Do thoni për kë të votojnë atëhere? Epo këtu qëndron problemi kyç, te mungesa e alternativës, por dhe kjo si nevojë e kohës dhe do të vijë vetëm si proces, me evolucion. Dhe ky proces përshpejtohet, nëse siç thashë elektorati të mos i votojë partitë PD, PS dhe LRI (LSI), që në këto 33 vjet kanë shkaktuar të 'kangrenën' e demokracisë. Në se i duan, ato le t'i votojnë militantlt e tyre, pjesa tjetër ajo e ashtuquajtura 'gri', të votojë ose alternativën e re të momentit, ose çdo parti tjetër të pa provuar në zullume. E gjitha kjo duket si një lësh para porte në lojë e futbollit, por që topi nuk shkon në rrjetë, nuk ka gol, pra nuk ka as fitore. Mundet, por i gjithë ky skenar do ta ketë një të mirë: Ose do t'i shkrijë fare partitë e 'kangrenës', ose, në mos ndodhtë kjo, ato nëse duan të mbijetojnë, do të duhet të reformohen vetë në mënyrë radikale. Këtu mund dhe duhet të ndihmojë dhe drejtësia e reformuar. Dhe gjithë këtë rrugë e këtë proces, e shoh si evolucion. Në demokraci revolucioni, nuk është alternativë. Që demokracia ka të meta dhe vështirësi kjo dihet, por dhe më të mirë nuk ka. Problemi më i madh që ka demokracia është vetë demokracia, pra vetvetja. Në rrugën e rritjes së saj, duhet të ndryshojë dhe ajo vetë, dhe kjo arrihet me përmirësimin e kulturës demokratike, e cila mundësohet me emancipimin e plotë të shoqërisë. Kështu kanë mbërritur aty ku janë sot demokracitë model, të cilave ne kërkojmë t'u ngjajmë.
Juristi Romeo Kara paska rjedhur fare; eshte shnderruar ne zedhenes vullnetar shtatanik te SPAK-ut.