Te fundit
Komisionerë partiakë në zgjedhje, OSBE kërkoi depolitizim/ Celibashi: Ende herët, palët nuk kanë besim
10 Dhjetor 2024, 20:14Politika
TEMA
Depolitizimi i trupës zgjedhore është rekomandimi kryesor i OSBE OHDIR por për komisionerin Ilirjan Celibashi është ende herët për përjashtimin e partive politike nga komisionet e qendrave të votimit dhe numërimit të votave.
“Në gjykimin tim personal, të paktën në situatën politike dhe sociale ku ndodhet Shqipëria, partitë politike të përjashtohen tërësisht nga administrimi, pasi nëse palët dhe aktoret kryesore nëse nuk janë aty prezent vështire që ata të pranojnë standardin e administrimin e këtij procesi dhe rrjedhimisht dhe te rezultatit te zgjedhjeve.”, tha Celibashi.
Pengesa kryesore për depolitizimin e trupës zgjedhore mbetët e njëjtë, mungesa e besimit të opozitës në një administratë publike apolitike, qe mund të zëvendësonte komisionerët politik.
“Nuk mund te ecim me symbyllur drejt një katastrofe zgjedhore politike jo në lidhje me rezultatin por në lidhje me besueshmërinë e procesit zgjedhor i cili do cenonte ne themel legjitimin e rezultatit zgjedhor e për rrjedhojë do ishte gjenerator i krizave politike.”, u shpreh Bylykbashi.
“Nesër në Shqipëri kompozimi politik i administratës zgjedhore u krijua për të rritur besimin e paleve ndaj procesit zgjedhor dhe pas 35 viteve gjeja qe mungon është besimi i palëve tek procesi do thotë se kemi hyrë në një rreth vicioz që do të thotë nuk na ndihmon me kompozimi politik.
“Edhe është përgjegjësi e përbashkët qe te gjitha palët te angazhohen për të ndërtuar një administratë zgjedhore te pavarur”, thotë Elina Xhina, përfaqësuese e PS në KQZ.
Në tryezat e partive politike vijon të qëndrojë rekomandimi i OSBE për depolitizimin e administratës Zgjedhore. Për ambasadorin Michel Tarran me rëndësi është që personat të cilët do të zëvendësojnë komisionerët politik të jenë të trajnuar përmes një strukture të përhershme ne KQZ. Ide që u mbështet edhe nga përfaqësuesit e asamblesë parlamentare e Këshillit të Evropës si dhe te Komisionit te Venecias.
“Kjo qendër do të shërbejë si një nyje për ofrimin e trajnimit të plotë dhe edukimin e votuesve me qëllim krijimin e një numri të zyrtarëve zgjedhor profesionistë dhe të paanshëm”, thotë ambasadori i BE, Michel Tarran.
Por krahas thirrjeve dhe sugjerimeve të ndërkombëtarëve edhe në zgjedhjet parlamentare të 11 majit komisionet zgjedhore do jenë sërish në dorën e partive politike.
Top Channel
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pas ketij shpjegimi edhe mua m'u mbush mendja se ne Albanistan kane mbetur vetem debilat.
Po e filloj nga fundi: Komisionet lokale zgjedhore, të votimit apo numërimit, duhet të jenë patjetër pa pjesmarrjen e anëtarëve nga partitë politike, kryesisht monopolit PS-PD në to. Celibashi, në këtë rast bën lojën e tyre në të kundërt OSBE ka të drejtë dhe ashtu duhet të bëhet. Nuk ka një rast të vetëm, kur edhe pse komisionet në çdo palë zgjedhjesh, kanë qenë të partive, ato kur i kanë humbur, i kanë kundërshtuar ato. Atëhere ç'broçkullis ky?! Ka ndonjë rëndësi, sidomos në Shqipëri, nëse zgjedhjet nuk njihen nga humbësi? Në këto raste atij i lind e drejta e ankimimit në organet e ngritura për këtë qëllim dhe këtu duhet të mbarojë çdo gjë. Komisione partiake ka patur ndaj kanë ndodhur monstruozitete si ato në zgjedhjet e viteve 1996, 2009 dhe 2011, 2021. Të vetmet që nuk u kontestuan ishin ato të 2013 për vetë faktin se u administruan nga vetë humbësi që ishte në pushtet, dhe për më tepër kjo humbje rezultoi me mbi 1 mln. vota ('shuplaka') kundër.