Te fundit
VIDEO/ Konsultimet për mbylljen e 'TikTok' dhe 'Snapchat', Rama: Nuk është zgjidhje e problemeve, por ngushton hapësirën që nxit dhunë
26 Nëntor 2024, 13:50Politika
TEMA
Kryeministri Edi Rama ka folur në lidhje me idenë për mbylljen e TikTok dhe Snapchat, gjatë konsultimi publik me prindër, mësues, e staf mbështetës mbi fuqizimin e mëtejshëm të bashkëpunimit mes tyre për të parandaluar shfaqjet e dhunës tek të miturit.
Rama tha se mbyllja e këtyre dy aplikacioneve nuk zgjidh problemin, por ngushton hapësirën që nxit dhunë.
“Tani duhet të jemi shumë të qartë dhe shumë të vërtetë me njëri-tjetrin, që ky problem është më i gjerë sesa kaq. Nuk është thjeshtë çfarë ndodh brenda mureve të shkollës.
Ky problem është shumë përtej policisë, nuk është thjeshtë çështje policie dhe mbi të gjitha ky problem është jo vetëm brenda mureve të shtëpisë, që të gjithë ata që kanë fëmijë në një moshë para adoleshencës apo në adoleshencë e dinë shumë mirë se çfarë lloj beteje është me ato mrrokllat, as vetëm brenda mureve të shkollës, por edhe në hapësirën mes të dyjave, në të gjithë ndërveprimet e tjera mes të dyjave dhe s’dua të zgjatem më shumë që t’ju them që vetëm sikur për një moment të imagjinonim që atmosfera e mbingarkuar, me gjuhë të egër, me sjellje të egër, që përcillet përmes kanaleve mediatike të zbutej, të ishte një zbutje e përgjithshme.
Por këtë s’është se e kemi shumë në dorë dhe nuk e di se çfarë ilaçi ka.
Thënë të gjitha këto sigurisht që ideja për të ndaluar TikTokun dhe/ose SnapChat si dy platforma që janë problematike, – të gjitha platformat janë problematike në fakt, por këto dyja janë problematike për arsye specifike – është një ide që ne e kemi diskutuar gjatë prej kohësh, jo sot dhe që me këtë rast menduam që ta shtrojmë për një diskutim më të gjerë sepse nuk është kaq bardhë e zi, nuk është zgjidhja e problemeve, por është një element që mund të na sjellë në një ngushtim të rëndësishëm të hapësirës që e stimulon, që e frymëzon, që e nxit dhunën, bullizmin dhe budallallëkun në përgjithësi.
Kështu që, duke i thënë të gjitha këto dhe duke qenë shumë i dëshiruar për të dëgjuar edhe komentet tuaja, ju falënderoj dhe një herë për praninë dhe për durimin. Dhe fjala është për këdo prej jush që dëshiron të thotë mendimet dhe plus mundësisht dhe sugjerimet përkatëse sepse të gjithë mësuesit apo prindërit kanë këndet e tyre dhe kur mësuesit janë dhe prindër e shohin nga të dyja anët subjektin për të cilin ne jemi të interesuar më shumë se për çdo gjë tjetër, që janë fëmijët”, tha Rama.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Për TikTokun nuk po më vjen aq keq me thënë të drejtën, nuk humbet gjë, pavarësisht se është e kotë se kalamajt sot me VPN futen në vrimë të miut. Por Snapchat do na lejë vajzat pa tradhëtuar të gjorat. Snapchat i fshin komentet me tu mbyllur ndaj fshin edhe provat e tradhëtisë. Do marrë në qafë gjithë k...
Kryeminister , e le administraten pa pune vllai.
Jam për mbyllje urgjente të të dy platformave!Nuk bëhet nami nëse mbyllen se nuk janë,ujë,buk e ajr që nuk mund të jetohet pa to.Jam po ashtu një cenzure të butë në programet televizive, filmave me përmbajtje shume etj. Gjithashtu një edhe gazetat të cenzurohen që në emër të lirisë se fjalës njollosin,denigrojnë persona të ndryshëm sidomos komentet e lexuesve që botohen pa kurrfarë kriteri.
Nastradin çka karin ke me vëllain e kryeministrit?Amos t'a ka punsu motrën!
Jeni qe jeni mbyllni dhe Parlamentin, emisionet Perputhen, Opinion, Shihemi ne gjyq, etj. si keto qe promovojne budallallekun dhe dhunen. Tregojuni femijeve qe jeta eshte e bukur, ja vlen te jetohet packa se me halle, mesojini te thone "Faleminderit" dhe "Te lutem" dhe qe ze me shume miza me mjalte sesa me uthull.