Te fundit
Kryenegociatori Mazi: Shqipëria të vijojë me detyrat për çeljen e negociatave, po dëmtohemi nga mosmarrveshjet e maqedonasve
26 Prill 2022, 11:27Politika
TEMA
Kryenegociatori i Shqipërisë për integrimin në Bashkimin Europian, Zef Mazi deklaroi se vendi duhet të bëjë të gjitha detyrat që i janë ngarkuar, për të çelur negociatat.
Deklarata e Mazit, u bë paraditen e së hënës gjatë një konference, fokusi i së cilës ishte anëtarësimi i Shqipërisë në BE.
Sipas Mazit, Shqipëria ka bërë progres, por u shpreh se procesi i integrimit është maratonë dhe nënvizoi se kapitujt 23,24 konsiderohen si shumë të rëndësishme për hapjen e negociatave.
Ai paralajmëroi se nëse nuk përmbushen detyrat në këto dy kapituj, rrezikohet sërish mos hapja e negociatave me BE-në.
Sipas kryenegociatorit, vendi po pëson një dëm të madh nga mosmarrëveshja ndërmjet Maqedonisë së Veriut dhe Bullgarisë.
Mazi tha reforma në drejtësi ka dhënë rezultate për pastrimin e sistemit nga gjyqtarët dhe prokurorët e korruptuar dhe ka rikthyer besimin e publikut.
Në këtë konferencë, ishte i pranishëm edhe ministri i Drejtësisë, Ulsi Manja. Gjatë fjalës së tij, Manja u shpreh se gjatë viteve të fundit, procesi për hapjen e negociatave ka qenë i tejzgjatur.
Ministri theksoi se po bëhen përpjekje që ky proces të nisë brenda këtij viti, teksa shtoi se rizgjedhja e presidentit francez Emanuel Makorn, është një lajm i mirë për rajonin dhe veçanërisht për Shqipërinë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ti themi Zotit Mazi që BE është shpërbërë që prej emërimit të tijë, apo ta lejojm të ëndëroj se ul shifrat e papunësis.
Është marri të bëhemi peng i kryenecësisë së fabrikatit antishqiptar FYROM - "MV", ose e SHQIPËRISË LINDORE të okupuar. Bullgaria është në të drejtën e vete.