Te fundit
“Mashtrues ordiner, e urdhëron Rama”, deputetët e PD në kor kundër Dumanit
27 Tetor 2025, 21:03Politika
TEMA
Pas rreth më shumë se 120 minutash pyetje-përgjigje në Kuvend, deputetët demokratë ngelën të pakënaqur me raportimin e kreut të SPAK-ut Altin Dumani dhe shfrytëzuan dy minutëshin që kishin për ta sulmuar kryeprokurorin e posaçëm.
Nga foltorja e Kuvendit, lideri i PD-së, Sali Berisha e quajti mashtrues ordiner që përpiqet të mbrojë Ramën, teksa Altin Dumani ishte larguar pak minuta më parë nga salla.
Lucciano Bocci i kujtoi se Dumani kishte refuzuar ta priste gjatë fushatës elektorale kur drejtuesi politik në Shkodër donte të bënte një denoncim për zgjedhjet, ndërsa Belind Këllicci tha se edhe në seancën e sotme u konfirmua që SPAK është kthyer në pushkë goditëse ndaj kundërshtarëve të Edi Ramës.
Sali Berisha: Ju, avoketërit e Dumanit, të kapurit peng të Edi Ramës, nuk duhet të harroni këtu se për qytetarët shqiptarë që vetëm me CEZ-in kanë humbur 630 milionë euro, fatura të certifikuara nga kompani ndërkombëtare, për shkak të pazarit që Edi Rama ka bërë me kompaninë CEZ. Por këto i mbulon Dumani dhe dumanërit. Një mashtrues ordiner që del këtu dhe përpiqet të mbrojë nga flakët e djegësve Edi Ramën, kryeartikektin e tyre. Ai që e pëson nga ky qëndrimi i tij dhe i tyre është qytetari shqiptar, i cili pagoi sa qimet e kokës 400 milionë euro për inceneratorët që nuk kanë as nam as nishan sot.
Jorida Tabaku: Si kryetare e Komisionit Hetimor të inceneratorëve kam sjellë 12 padi të veçanta, duke nisur nga kryeministri Rama. asnjë prej tyre nuk është sot para drejtësisë.
Lucciano Bocci: Kur lexuat pyetjen “pse SPAK e ka shpallur të paprekshëm Edi Ramën”, kjo pjesa këtu (drejtohet nga PS) u gajas shumë. Dhe në fakt më shumë se unë, duhet të shqetësoheni ju pasi nëse ne u akuzojmë se si institucion jeni bërë instrument i pushtetit, këta e dinë shumë mire dhe e besojnë. Nuk e besojnë kurrë që ai kryeministër do vijë një ditë dhe do pyetet atje. Për çështjen e krimit zgjedhor në Shkodër, mu referuat që kam dhënë indicie. Ka ardhur kryetarja e PD-së në SPAK dhe është intimiduar se do akuzohet për kallëzim të rremë. Ndërsa unë u kam kërkuar takim dhe kam marrë përgjigje nga asistentja juaj se “nuk mund t’ju takoj”.
Klevis Balliu: Duhet të jemi më të sinqertë me qytetarët, të mos themi po hetojmë, por të themi po bëjmë sikur hetojmë që të na rrojë partia dhe të na rrojë qeveria.
Elda Hoti: Ju thatë se nuk bëni arrestime, po a bashkëpunoni ju me policinë e shtetit? Si ka mundësi që SPAK nuk verifikon rolin e kryeministrit në skemën e pastrimit të parave të karteleve dhe thotë nuk e njeh çështjen “Aruba”. Kjo është kapja e drejtësisë dhe zotit Dumani që nuk guxon të veprojë ndaj ministrave dhe aq më pak kur përmendet kryeministri.
Belind Këllicci: Do të doja që drejtuesi i Prokurorisë së Posaçme të qëndronte këtu për të dëgjuar komentet e deputetëve të opozitës. Task-forca e SPAK është jo vetëm dështim, por është alibia e masakrës elektorale të 11 majit. U përdor Task-Forca e SPAK. Mua si drejtues politik nuk më është përgjigjur publikisht. Faktohet ajo që ne kemi kohë që themi, është kthyer në pushkë goditëse ndaj kundërshtarit politik të Edi Ramës.
Tedi Blushi: Sot dëgjuam jo një drejtues prokurorie, por një patronazhist në krye të një strukture që ka pasur dhe ka vetëm një qëllim: jo të ndëshkojë korrupsionin dhe krimin, por të godasë pluralizmin politik. Është bërë më shumë se një vit që Ilir Meta ndodhet në izolim ekstrem, i rrëmbyer në mënyrë kriminale për llogari të Ramës.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vetem se cez erdhi nga dyshja meta birisha, edhe iku kur ishin ata ne pushtet, po c'renedesi ka show mbi te gjitha
Hani mut hani se ju ben mire para vitit te ri .o kope me bageti o kafshe o malok te pa gdhendur ashtu do vdisni si minj ne opozite .
Perfundimisht ky vend, ky parlament nuk ka opozite. Keta nuk dine te bejne debat, nuk kane asnje njohuri per kompromisin, keta jane ca shpifesa dhe kori shurdhues e Sali Berishes Sali Berisha mos gjetsh derman deri sa te dale shpirti, per kete fryme shkaterruese qe fute ne kete vend.O zot na jep zgjidhje!
O Fpa ,gabon kur thua se nuk bejne kompromis.Ata,pozite e opozite marreveshjet i bejne per interesat e tyre.Kompromisi qe ne Kuvend te futeshin ushtaret e tyre u be dhe u realizua.Per pagat e tyre sishte asnje kunder,e plot te tjera.Saliu ka siguri paprekshmerie nga Edi Rama.Sharjet ne Kuvend jane thesht hedhie hi syve popullit.
po ti je krye hajdut vete mor horr si guxon te akuzosh te tjeret
PD fatkeqësisht është kthyer në parti të shpellarëve.....