Te fundit
Ndarja nga jeta e Bujar Bukoshit, Spiropali: Simbol i së shkuarës së afërt të Kosovës dhe projektimit të së ardhmes së saj
10 Qershor 2025, 16:29Politika
TEMA
Kryetarja e Kuvendit, Elisa Spiropali ka reaguar për ndarjen nga jeta të ish-kryeministrit të Kosovës, Bujar Bukoshi.
Përmes një postimi në rrjetet sociale, Spiropali shprehet se Bukoshi ishte nga luftëtarët e mëdhenj ëndërrimtarë të Kosovës dhe për Kosovën Republikë.
Reagimi i Spiropalit:
I trishtueshëm lajmi për ndarjen nga jeta të ish-kryeministrit të Republikës së Kosovës, Bujar Bukoshi.
Aktor në rreshtin e parë të skenës së historisë moderne të Kosovës dhe dëshmitar i dorës së parë, Bukoshi është ndër njerëzit simbol të së shkuarës së afërt të Kosovës dhe projektimit të së ardhmes së saj, e cila erdhi.
Bashkë me Presidentin Rugova, Bukoshi ishte nga luftëtarët e mëdhenj ëndërrimtarë të Kosovës dhe për Kosovën Republikë.
Rezistenca, sqima dhe veprimtaria e tyre fituan mbështetje të gjerë Perëndimore dhe u prinë ngjarjeve të mëdha, lirisë, pavarësisë dhe shtetit demokratik të Kosovës.
Ata dhe patriotët që i mbështetën besuan se fuqia qëndron tek e drejta, dhe se e drejta e sakrifica janë fuqia e vërtetë e një populli.
Respekt dhe mirënjohje për këtë njeri-simbol!
I qoftë i lehtë dheu i Kosovës!
Më të lexuarat
24 oret e fundit
Javen e fundit
Blog Tema
