Te fundit
“Një udhëtar i varfër nuk ka frikë nga asnjë kusar, sado i lig të jetë”, Fadil Nasufi: Nuk kam lidhje me inceneratorët
13 Korrik 2023, 10:36Politika
TEMA
Deputeti socialist Fadil Nasufi, ish-kryebashkiak i Beratit, mohoi të ketë lidhje me aferën e inceneratorëve, ndërsa u shpreh i gatshëm për të shkuar në SPAK nëse thirret.
Deklaratën e bëri në një prononcim për gazetarët jashtë godinës së Kuvendit.
Kujtojmë se emri i tij përmendet në dosjen e hetimore të SPAK ndaj ish-ministrit Arben Ahmetaj, fakt që e tha një ditë më parë edhe deputeti demokrat Gazment Bardhi.
Fadil Nasufi: Arben Ahmetaj është njeri publik, i hershëm në politikë…
-Sa i takon tenderave e keni takuar?
Fadil Nasufi: Jo absolutisht, nuk kam asnjë komunikim. Nuk ka qenë zoti Ahmetaj në pozicione ekzekutive kur kam qenë unë kryetar bashkie.
Në dosjen e SPAK ju jeni i përfshirë, duke iu referuar asaj që kanë deklaruar deputetët ditën e djeshme, ju keni dijeni dhe jeni i gatshëm të shkoni në SPAK nëse ju thërrasin për këtë çështje?
Fadil Nasufi: Padyshim, unë nuk kam asnjë lidhje për çështjen e inceneratorëve dhe asnjë procedurë tjetër që lidhet me atë për të cilët mundet të diskutohet Ahmetaj.
-Gjatë kohës që ju keni qenë kryetar bashkie a keni kërkuar favore për tendera të caktuar apo jo?
Fadil Nasufi: Absolutisht, asnjë favor.
-Do veproni edhe ju si Ahmetaj të largoheni nga Shqipëria apo do shkoni para SPAK?
Fadil Nasufi: Çlidhje unë me këtë?
-Nëse ju thërret SPAK?
Fadil Nasufi: Absolutisht ç’lidhje ka. Një udhëtar i varfër nuk ka frikë nga asnjë kusar, sado i lig të jetë.
Më të lexuarat
24 oret e fundit
Javen e fundit
Blog Tema
Lini një Përgjigje