Te fundit
Nurellari: Berisha si Dodiku, sulmoi protestën kundër projektit në Zvërnec se kishte hallin e lobimit për heqjen e non gratës
12 Qershor 2026, 12:00Politika
TEMA
Politologu Adri Nurellari ka komentuar pretendimin e Sali Berishës për heqjen e sanksioneve si non grata nga SHBA. Ky zhvillim i ri, sipas tij, jep një shpjegim pse Berisha dhe Partia Demokratike nuk e mbështetën protestën e qytetarëve që kundërshtonin projektin e Kushnerit në Zvërnec, duke bërë opozitën e opozitarizmit.
Nurellari mendon se, duke mos sulmuar projektin, Berisha nuk rrezikonte komplikimin e marrëdhënieve të tij me rrethin politik të Trumpit, në një kohë kur prioriteti kryesor i kreut të PD ishte heqja e non gratës.
Postimi i Nurellarit:
Heqja e non grata-s jep një shpjegim të dytë përse Berisha dhe Partia Demokratike bëri opozitën ndaj opozitarizmit. Nëse do të mbështeste një protestë që sfidonte projektin e Kushnerit ai rrezikonte të komplikonte marrëdhëniet e tij me rrethin politik të Trumpit në një kohë kur prioriteti kryesor mbetet heqja e non grata-s. Në vend që opozita të mbështeste një lëvizje kundër qeverisë ajo zgjodhi ta sulmonte atë. Në çdo vend normal, partia kryesore opozitare do ta ushqente, do ta promovonte dhe do ta konsideronte aleate një protestë të tillë. Këtu ndodhi e kundërta. Për mua kjo ngjan me logjikën që ndoqi Dodiku vitin e kaluar; kur rehabilitimi politik ndërkombëtar bëhet prioritet, kauzat lokale sakrifikohen. Prandaj me sa duket sulmet ndaj protestuesve s'ishin rastësi por pjesë e një kalkulimi politik shumë të vetëdijshëm.
Pra sulmet ndaj Revolucionit të Flamingove zbuluan dy frikëra të ndryshme: Së pari, lëvizja sfidoi monopolin e opozitës mbi përfaqësimin e pakënaqësisë qytetare, duke treguar se kundërshtimi ndaj qeverisë mund të artikulohet edhe jashtë strukturave partiake. Revolucioni Flamingo po demonstronte se qytetarët mund të organizohen pa bekimin e opozitës tradicionale. Së dyti, mbështetja e një proteste kundër projektit të Kushnerit mund të komplikonte lobimin e Berishës pranë familjes Trump për heqjen e non grata-s.
Kështu u krijua një situatë paradoksale ku partia që teorikisht duhej të ishte aleatja më e madhe e protestuesve u shndërrua në një nga kritikët e tyre më të zëshëm. Për këtë arsye, sulmet ndaj protestuesve mund të lexohen jo vetëm si mbrojtje e monopolit tradicional të opozitës mbi kundërshtimin politik, por edhe si pjesë e një kalkulimi më të gjerë politik e personal.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Te bejne cte duan amerikanet vetem mos na nxirrni ne media se po tmerrohemi cdo dite.Uroj qe ta marrin dhe te jetojne ne Amerike dhe ne do rrime te qete.
Do na beni ndere qe te mos flisni me per kete kufome kriminale le ta gezojne Amerika
Nuk ja kane hequr non graten Do te beje ndonje vizite qe I ka kushtuar 6 milione duke fallcifikuar si cdo gje tjeter dokumentat e shendetit ndoshta mendor
Ne fund te fundit.. çdo kush qe ka familje, do te luftoje deri ne frymen e fundit me te gjitha forcat ta mbroje ate. Bravo, ja arriti. Edhe ju qe komentoni cdo fjale qe nxirrni nga goja eshte nje shfryrje ne mbrojtje te interesave te familjes tuaj. Ne kete moment; Heston, mos nxirrni asgje nga goja. Vlersoheni per kembenguljen dhe arritjen e qellimit, pamvaredisht se nuk ju pelqen si politician.
Na dole i fort ore Nurollari( 14-vjeç dhëndër) po si e gjete more KOLLOVAR.Ke bërë zbulim të madh por do ti mbetet qejfi shpellarit komunist të cilit ti i ke dhënë Oxigjen dhe do të të çojë të mbledhësh FIQ. Mbasi e regullove demokracin këtu tani do rregullosh edhe kosovën. Hajde KOLLOVAR hajde
Me 6 milion dollar jo ne Amerike po mund te shkonte turist ne hapesire, ne Mars pershembull!