Te fundit
OSBE: Reforma Zgjedhore në Shqipëri, proces i ngadaltë por i rëndësishëm
21 Maj 2026, 13:10Politika
TEMA
Prezenca e OSBE-së në Shqipëri ka vlerësuar se puna e Komisionit të Posaçëm për Reformën Zgjedhore ka ecur ngadalë, por është për t’u përshëndetur rifillimi i aktivitetit të tij dhe fokusi në çështje të rëndësishme si financimi i partive politike.
Në një deklaratë për mediat nga Pogradeci, ambasadori i i OSBE-së, Michel Tarran, theksoi se organizata ka qenë e angazhuar që në fillim për të mbështetur komisionin me ekspertizë, duke nënvizuar se rekomandimet e ODIHR janë baza kryesore e punës.
“Ne nuk jemi këtu për të propozuar një model. Çdo vend ka sistemin e vet dhe sfidat e veta në organizimin e zgjedhjeve. Rekomandimet e ODIHR vijnë pas çdo procesi zgjedhor dhe ne jemi këtu për të ndihmuar në zbatimin e tyre,” u shpreh përfaqësuesi i OSBE-së.
Ai shtoi se në kuadër të Organization for Security and Co-operation in Europe, që përbëhet nga 57 shtete pjesëmarrëse, secili vend ka sistemin e tij zgjedhor, ndërsa vendimmarrja për modelin i takon vetë shqiptarëve.
Në lidhje me diskutimet për uljen e numrit të deputetëve nga 140 në 100, OSBE theksoi se ky është një debat politik i brendshëm dhe se çdo vend ka realitetin e tij demografik dhe institucional.
“Ka vende me 250 apo 300 deputetë, dhe këto janë zgjedhje që varen nga struktura e çdo shteti. Nuk është rol i yni të komentojmë aspektet teknike,” u tha në deklaratë.
Sa i përket reformës territoriale, OSBE u shpreh se nuk ka ende një vendim për hartën e re administrative dhe se kjo mbetet një çështje në kompetencë të institucioneve shqiptare.
“Nuk jemi të sigurt se çfarë do të ndodhë me hartën e re. Do të shohim. Ka mendime të ndryshme dhe nuk është roli ynë të hyjmë në këtë debat,” u theksua.
Në lidhje me kritikat e partive të vogla se reforma zgjedhore favorizon partitë e mëdha, OSBE u përgjigj se këto diskutime ekzistojnë edhe në vende të tjera dhe se modele të ndryshme politike kanë funksionuar në demokraci të konsoliduara.
“Ka vende me sisteme të dy partive të mëdha dhe koalicioneve dominuese. Edhe në vende si SHBA, sistemi është i tillë dhe kjo nuk e bën më pak demokratik. Shqipëria duhet të gjejë modelin më të përshtatshëm për veten,” u tha ndër të tjera.
Duke komentuar mbi debatin e gjatë për tranzicionin në Shqipëri, përfaqësuesi i OSBE-së theksoi se tranzicioni nuk do të thotë mungesë zhvillimi, por një proces ndryshimi të vazhdueshëm institucional dhe politik.
“Kam qenë shpesh në Shqipëri. Tranzicioni nuk do të thotë mungesë progresi. Zhvillimi vazhdon dhe sistemet ndryshojnë. Edhe në Francë kemi bërë dhe vazhdojmë të diskutojmë reforma zgjedhore,” u shpreh ai.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shqiperia duhet te kuptoj se demi I demokracise vjen nga Partite Politike. Ato jane ne gjendje autoritarzmi! Per te mos thene antidemokratike. Sepse ato duhet te jene burimi I demokracise. Sot kryetaret kucedrat we me ane te listave te mbyllura I kane bllokuar keto burime! Gjithcka qe ndodh mbrala duket "demokratike" we rrjedh dhe zhvillohet me njerez te ardhur nga keto burime te filteruara nga kryetaret kucerdra! Demokratizoni partite dhe mjedisi demokratik do triumfoj. Do triumfojne wytetaret zgjedhes. Merrni shembull Aneriken. Kryetari I PR apo I PD nuk kane te drejte per kohen qe jane ne krye te ketyre partive, kushtetuta nuk I mundeson te behen president apo ... Per kohen qe ata jane ne krye, ata ja e thjeshte noter dhe promotes te anetareve te partise qe udheheqin per tu kandiduar si president. Dhe kjo eshte e shkruajtur ne kushtetetun amerikane! Sigurishte ata kane per kohen we udheheqin keto parti previlegje te caktuara. Eksperimenti I F.Nanos ne 2001 me miratimin e Formulatit per KM mbetet nje shembull naiv por me I miri per demokracine e jetoj vendi. Parlamentar gjeni formula e shmangjes se interesit personal te Kryetareve te Partise, dhe do te shikoni se si demokracia do te lulezoj dhe funksionoj we nga burimi deri ne ndertimin e institucioneve. Sigurishte Kryetaret e partive duhet te marrin pjesen e tyre ne qeveri apo ne legislative per te mbajtur pergjegjesin e tyre ne cdo 4 vjet.