Te fundit
Parandalimi i korrupsionit - Ministrja shpjegon pesë nisma, në “sitë” financimi i partive politike dhe lobimi
20 Janar 2026, 13:20Politika
TEMA
Ministrja e Shtetit për Administratën Publike, Adea Pirdeni u shpreh se në kuadër të negociatave me BE, janë propozuar disa nisma ligjore, të cilat synojnë të forcojnë “transparencën dhe llogaridhënien” me qëllim parandalimin e korrupsionit.
Mes nismave dhe ligjeve të miratuara dhe atyre që janë aktualisht në diskutim publik, vihet re ligji për financimin e partive politike, procesi i lobimit, sponsorizimet dhe donacionet.
Këto veprimtari tha ajo do t’i nënshtrohet rregullave strikte, që synojnë të frenojnë çdo abuzim të mundshëm.
Nismat dhe ligjet që u publikuan nga ministrja Pirdeni:
-Fokusi është tek forcimi i parandalimit të korrupsionit. Në këto pesë nisma, është vendosja e disa themeleve dhe standardeve në legjislacionin shqiptar, duke mundësuar që korrupsioni të mos ndodhë në praktikë. Pra, për ta parandaluar para se të ndodhë. Këto nisma, tre prej tyre janë iniciuar nga qeveria dhe dy prej tyre janë nisma të propozuara nga deputetët.
-Ligji për sinjalizimin dhe mbrojtjen e sinjalizuesve, është miratuar në Kuvend dhe ka hyrë në fuqi, Parashikohet mbrojta e çdo personi të punësuar, në raste se denoncojnë shkeljet ligjore. Ky ligj u jep mundësi që të raportojnë çdo shkelje ligjore. Ligji parashikon mbrojtje të mirëfilltë nuk do kenë vetëm sinjalizuesit, por dhe familjarët e tij si dhe ortakët e tij të biznesit.
-Për herë të parë kemi një ligj për lobimin. Do garantohet së pari transparencë e plotë mes lobistëve profesionistë dhe zyrtarëve publikë nga ana tjetër. Do krijohet dhe regjistri i lobimit.
Brenda kësaj jave do nisim diskutimet në Komisionet Parlamentare dhe besoj se ky ligj do të miratohet brenda këtij muaji.
-Projektligji për sponsorizmin dhe donacioneve, rregullon mënyrën dhe funksionimi të dhënies së donacioneve. Adreson në mënyrë tërësore çështjet që kanë të bëjnë me çështjet e sponsorizimeve. Do ketë një regjistër publik dhe transparent të çdo donacioni të bërë. Ky projektligj i iniciuar nga qeveria është aktualisht në konsultim publik.
-Dy janë nisma që lidhen me parandalimin e korrupsionit dhe janë në proces shqyrtimi. Siç është ligji për konfliktin e interesit. Ky ligj synon parandalimin e dhuratave dhe përfitimin financiar për çdo zyrtar publik gjatë ushtrimit të funksionit të tyre publik.
-Nisma tjetër lidhet me financimi i partive politike. Duhet draftuar një ligj për financimin, i cili vjen në kuadër të rekomandimeve të OSBE ODIHR,në lidhje me transparencës para dhe pas procesit zgjedhor. Kjo është në proces diskutim në komisionin bipartizan në Komisionin për Reformën Zgjedhore.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ti do luftosh korrupsjonin?se pari ke lindur ne epoken e korrupsjonit dhe nuk njeh asgje tjeter pervec saj!Se dyti eshte njesoj sikur te ngrihet nje pjesetar i anije pirate dhe tju thote pirateve te anijes:ne do luftojme korrupsjonin dhe vjedhjen!Dhe piratet do e aprovojne te gjithe kete gje por jo se do e zbatojne ate ne praktike se nuk njohin gje tjeter pervec se grabitjes!
Zonja Pirdeni ! Ju mund ta keni deshiren e mire per ta luftuar korrupsionin, por ai eshte ne ate shkalle gjeresie dhe thellesie saqe e ben thuajse te pamundur synimin tuaj. Ju ( qeverisja ) mund te miratoni me qindra ligje, por ato do te jene nul per aq kohe sa nuk keni miratuar " njeriun ", domethene per aq kohe sa ne administraten shteterore do te dominojne dhimbshem horrat dhe horret, hajnat dhe hajnet, te paaftet dhe vegjetuesit. Shembulli me alarmant eshte administarat qendrore dhe vendore e KADASTRES ku njerezit sillen me 100 marifete duke iu mohuar te drejtat e tyre te ligjshme te regjistrimit te prones. Para 6 javesh ju kam derguar nje ANKESE dhe po pres pergjigjen e institucionit tuaj. Aty do te shoh realisht angazhimin dhe forcen morale dhe profesionale te institucionit qe drejtoni dhe tuajen personalisht. Le te presim. G.C.