Pas Balliut Junior, edhe Këlliçi e quan shou arrestimin e Ilir Beqajt: Duan të tërheqin vëmendjen nga Erion Veliaj

Për ish-deputetin e Partisë Demokratike, arrestimi i ish-ministrit të Shëndetësisë Ilir Beqajt, është show për të hequr vëmendjen nga vendimi i një dite më parë i Gjykatës së Posaçme të Apelit për dosjen 5D, ku ish-drejtorët e Bashkisë së Tiranës, i konsideron “një Grup të Strukturuar Kriminal”.

Në një deklaratë për media, ai u shpreh se është show pasi Beqaj, “në vend që të arrestohej për abuzimin, vjedhjen e qindra milionë eurove dhe shkatërrimin e sistemit shëndetësor në Shqipëri, u arrestua pikërisht sot për disa fatura restorantesh dhe vetëm për të hequr vëmendjen nga vendimi i djeshëm për dosjen 5D dhe kreun e këtij Grupi të Strukturuar Kriminal Erion Veliaj”.

Ndër të tjera ai iu bën thirrje qyetarëve të bashkohen në protestën e së premtes para Bashkisë së Tiranës, në orën 11:00.

Deklarata e Këlliçit:

Ditën e djeshme, u informuam nga mediat se Gjykata e Apelit Kundër Krimit të Organizuar dhe Korrupsionit, në një vendim shumë të qartë të sajin, e ka konsideruar kompaninë 5D Konstruksion dhe drejtorët e Erion Veliajt, si një Grup të Strukturuar Kriminal.

Këta drejtorë, vetëm me kompaninë 5D, kanë vjedhur të paktën 30 milionë euro tendera publikë, përmes 45 proçedurave tenderuese, në harkun kohor të 7 viteve.

Ky është një fakt që ne e kemi bërë publik dhe kallëzuar në SPAK që në muajin prill të vitit 2023, vijojmë e përsërisim prej 10 muajsh nga kjo foltore si dhe prej 15 javësh kjo është kryefjala e protestave para Bashkisë Tiranë.

Fakti që Gjykata i kërkon thellimin e hetimeve prokurorëve të SPAK, dëshmon fatkeqësisht atë që Partia Demokratike ka thënë prej kohësh: Kjo është drejtësi me regji!

Ky vendim është një kthesë vendimtare për fatet e hetimit dhe për zbardhjen e së vërtetës të hajdutëve në bashkinë Tiranë. Nuk ka shqiptar që e beson se Erion Veliaj nuk dinte gjë dhe se drejtorët hajdutëronin pa dijeninë e tij.

Gjykata në vendimin e saj është shprehur se përpos trajtimit të dosjes 5D si një Grup i Strukturuar Kriminal, Prokuroria e Posaçme (SPAK) duhe të hetojë edhe deklarimet e shtetases Jona Bejko, e cila e cilësonte ‘lali erin’ si pronarin faktik të hotelit 50 milionë euro në Durrës.

Pra thënë shkurt e qartë, ish zv. Kryeministri Arben Ahmetaj e cilëson Erion Veliajn si pronarin faktik të inceneratorit Tiranë, punonjësja e 5D Jona Bejko e cilëson Erion Veliajn si pronarin faktik të hotelit 50 milionë euro në Durrës, kurse Altin Dumani dhe SPAK, ende refuzojnë të bëjnë detyrën, por mbi të gjitha refuzojnë të zbatojnë edhe vendimet e Gjykatës Speciale Kundër Krimit të Organizuar dhe Korrupsionit.

Kolegët e Erionit në SPAK e kanë të kotë edhe shoë-n e sotëm me Ilir Beqen, i cili në vend që të arrestohej për abuzimin, vjedhjen e qindra milionë eurove dhe shkatërrimin e sistemit shëndetësor në Shqipëri, u arrestua pikërisht sot për disa fatura restorantesh dhe vetëm për të hequr vëmendjen nga vendimi i djeshëm për dosjen 5D dhe kreun e këtij Grupi të Strukturuar Kriminal Erion Veliaj.

Kolegët e Erionit e kanë të kotë, pasi Partia Demokratike dhe unë personalisht, jemi të vendosur të mos amnistojmë kurrë hajdutin Erion Veliaj dhe shtabin e tij elektoral të 14 Majit 2023.

Nuk ka drejtësi të pjeshme, drejtësi me regji, por vetëm drejtësi që i sheh të gjithë të barabartë përpara ligjit.

Thirrja ime në emër edhe të qyetarëve që besojnë se shteti është aty për të mbrojtur qyetarin dhe jo hajdutin me pushtet është:

Bashkohuni nesër me protestën e qytetarëve tek bashkia Tiranë, në orën 11:00, siç bëjmë tashmë prej 15 javësh.

Ne kemi vetëm një synim: Drejtësi për qytetarët, shpëtim për Tiranën dhe hajdutët para ligjit.

Opozita në Shqipëri, e vetmja në botë që mërzitet nga arrestimet e ministrave të korruptuar

18:17 Politika 6 komente

Arrestimi i ish-ministrit, lir Meta e merr në mbrojtje: Beqaj një tjetër kokë turku, është spektakël i Ramës

17:22 Politika 15 komente

Nuk është humor/ PD: Arrestimi i Ilir Beqajt, i porositur nga Erion Veliaj

17:15 Politika 13 komente

''Pacienti zero i korrupsionit në krye të qoshes së opozitës'', Gogu: Mos e digjni jorganin e shqiptarëve për pleshtat e korrupsionit madhor

16:55 Politika 4 komente

Kërkesa e PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje

15:30 Politika 2 komente

“Reforma zgjedhore, jo një listë dëshirash”- Vota e Diasporës, Gjiknuri: Projektligji do depozitohet pas disa ditësh, ta kalojmë në korrik

14:30 Politika

"Kur flet drejtësia të tjerët heshtin", si reaguan ministrat dhe deputetët e PS për arrestimin e Beqajt

13:50 Politika 5 komente

KQZ shtyn vendimin për mandatin e Fredi Belerit, kërkoi të jetë prezent

13:29 Politika 3 komente

Skandali te Onkologjiku, Koçiu: Zero tolerancë për mjekët që abuzojnë. Tentativa për të politizuar çështjen, akt i shëmtuar

11:52 Politika 3 komente

“Je edhe dashnor i rregullores”, Flamur Noka përplaset me Lindita Nikollën, ndërpritet seanca

11:20 Politika 1 koment