Te fundit
Provat që bindën SPAK-un për të marrë nën hetim Ilir Metën, roli i Vangjel Tavos
25 Gusht 2022, 15:47Politika
Nga Adriatik Doçi
SPAK ka marrë nën hetim zyrtarisht Ilir Metën për lobim me para të pista në Shtetet e Bashkuara të Amerikës. Fillimisht SPAK regjistroi procedimin me numër 122 pas kallëzimit që ish deputeti Halit Valteri referoi në këtë strukturë në 7 qershor 2022. Meta dyshohet për veprat penale të korrupsionit pasiv dhe falsifikimit të formularëve.
Në materialin e referuar në SPAK kallëzoheshin Ilir Meta, bashkëshortja e tij Monika Kryemadhi, ish deputeti Vangjel Tavo dhe Iraklis T. Fidetzis, administrator i kompanisë Dorelita Limited me seli në Qipro, përfshirë në skemën e lobimit në vitin 2017, për llogari të Metës dhe LSI, me para të padeklaruara.
Po cilat janë faktet që bindën më në fund SPAK për të marrë nën hetim Ilir Metën, i cili si taktikë mbrojtje ka zgjedhur sulmet ndaj SPAK, në bashkëpunim me aleatin e tij Sali Berisha?
Report Tv ka parë dhe siguruar kallëzimin e plotë, bashkë me provat bashkëngjitur.
Si fakt në dosjen e Metës referohet një kontratë e kompanisë McKeon Group me LSI-në dhe Ilir Metën, e datës 6 janar të vitit 2017, kohë gjatë të cilës Meta ishte ende kryetar i LSI-së.
Kontrata kishte si objekt lobimin në SHBA për pjesëmarrjen e Metës në inaugurimin e Presidentit Trump në vitin 2017, planifikimin e takimeve të Metës me liderë në Uashington përgjatë inaugurimit të Presidentit të zgjedhur Trump si dhe zhvillimin e marrëdhënieve të mira dhe speciale me administratën e ardhshme dhe Kongresin.
Kontrata ka një kohëzgjatje 6 mujore dhe vlera totale që parashikon është 90 mijë USD.
Personi i autorizuar për të lidhur kontratën dhe për të përfaqësuar Lëvizjen Socialiste për Integrim dhe Ilir Metën me shoqërinë McKeon Group është Iraklis T. Fidetzis, një personazh i dyshimtë që deol në pah në disa kontrata të tjera lobuese, me vlerë qindra mijëra USD, gjithashtu të padeklaruara në Shqipëri.
Kontrata nuk qartëson mënyrën e transferimit të parave, por nuk ka asnjë dyshime se paratë janë shpenzuar, por që nuk janë deklaruar nga LSI-ja në shpenzimet vjetore në KQZ dhe as Meta në deklaratën e pasurisë të vitit 2017.
Është pikërisht ky fakt, pra fshehja e shpenzimeve me para që nuk u dihet burimi, që rrezikon Ilir Metën jo vetëm të merret i pandehur, por edhe që mund të arrestohet në vjeshtë. Deri më tani, Ilir Meta as nuk ka denjuar për të sajuar një alibi se pse nuk i ka deklaruar paratë e shpenzuara për lobim as në KQZ dhe as në ILDKPKI, siç e parashikon ligji sipas rastit!
Meta del zbuluar
Kompanitë amerikane të lobimit kanë për detyrë të deklarojnë kontratat dhe të ardhurat që përftojnë nga lobimet që ato bëjnë në website-in e (FARA). FARA është homologu i Komisionit Qendror të Zgjedhjeve në Shqipëri. Detyrimi i kompanive lobuese është vetëm të deklarojnë të ardhurat që i vijnë, por logjikisht jo sesi janë përftuar këto të ardhura nga kontraktuesi. Kompania McKeon Group i ka deklaruar kontratat me LSI-në dhe Ilir Metën në FARA dhe në Departamentin e Drejtësisë Uashington. Ky fakt vërteton edhe një herë shpenzimin e bërë nga Ilir Meta, të cilin e ka fshehur në Shqipëri.
Roli i Vangjel Tavos
Personi që ka lidhur Ilir Metën me administratorin e kompanisë offshore Dorelita Limited, Iraklis T. Fidetzis është Vangjel Tavo, ish deputet i LSI-së. Roli i Tavos është konfirmuar nga vetë LSI-ja gjatë një reagimi për gazetën amerikane Mother Jones, e cila në 25 Prill 2018 publikoi një artikull për lobimet e LSI-së në SHBA. “LSI mohon çdo lidhje me Dorelitën. Një zëdhënës i partisë tha se kishte "zero kontakte me kompaninë dhe zero njohuri për" kompaninë. Zëdhënësi vuri në dukje se një anëtar i shquar i partisë, Vangjel Tavo, e kishte lidhur partinë me Fidetzis dhe se më vonë Tavo miratoi pagesën prej 15,000 dollarësh nga LSI për McKeon Group...”, thuhet në artikull.
Kontrata tjetër 600 mijë USD
Në materialin kallëzues referohet edhe një kontratë tjetër mes kompanisë McKeon Group dhe kompanisë offshore Dorelita Limited në Qipro, me datë 28 mars 2017, me vlerë 600 mijë USD. Administrator i shoqërisë offshore Dorelita Limited është pikërisht Iraklis T. Fidetzis, personi i autorizuar nga Meta për të lidhur kontratën e parë të lobimit.
Kontrata e dytë ka si objekt bërjen e telefonatave nga klienti i Shoqërisë Offshore Dorelita dhe asistimi, zhvillimi i marrëdhënieve me zyrat e qeverisë Amerikane. Menaxhimi i takimeve midis administratës Amerikane dhe Kongresit me Dorelita Limited dhe individëve të lidhur me të. Ndjekjen e takimeve me administratën Amerikane dhe Kongresin.
Pra, Dorelita Limited ka lidhur kontratë në vlerën 600 000 USD që McKeon Group të lobojë në favor të personit që ka kontraktuar Dorelita Limited dhe pagesat që do të bëhen për McKeon Group do të bëhen nga llogaritë offshore të Dorelita Limited.
Po kush është ky personi që ka kontraktuar Dorelita Limited për t’u fshehur? Në materialin kallëzues ngrihen dyshime se është pikërisht Ilir Meta, i lidhur me administratorin e kompanisë fantazmë Dorelita Limited, Iraklis T. Fidetzis.
“Personi që ka përfaqësuar Ilir Metën në kontratën e parë është Iraklis T. Fidetzis, po i njëjti person rezulton edhe në këtë kontratë si firmëtar, gjithashtu dhe pronar i shoqërisë Dorelita Limited. Fakti se më datën 29 Prill 2017, pra një muaj pas kontratës së McKeon Group dhe Dorelita Limited shoqëria McKeon Group ka postuar në llogarinë e saj në Facebook foto të Ilir Metës me Howard Buck McKeon (pronari i kompanisë McKeon Group), gjë e cila fakton vazhdimin e marrëdhënieve midis Ilir Metës dhe shoqërisë lobuese.
Fakti se Dorelita Limited është shitur nga një pronar në një tjetër, një muaj para datës së lidhjes së kontratës në vlerë 1000 euro. Shoqëria Dorelita Limited nuk rezulton të ketë staf punonjësish, por vetëm një individ, gjë e cila është e pamundur për një shoqëri që do të lidhë kontrata me vlera kaq të mëdha me mungesën e theksuar të stafit”, thuhet në kallëzim.
Që Ilir Meta fshihet edhe pas kontratës së dytë, nuk është raportuar vetëm nga gazeta amerikane Mother Jones, por edhe nga gazeta prestigjioze austriake Kronen Zeitung, në datën 16 maj 2022.
“…Meta pagoi 700,000 mijë dollarë për lobim përmes një kompanie qipriote, që të siguronte një foto në ceremoninë e inagurimit të Presidentit Amerikan Donald Trump. “Sipas dokumenteve gjyqësore amerikane, 700,000 dollarë kanë kaluar përmes kompanisë offshore Dorelita Limited nga një avokat i afërt me Metën” “Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhi, e cila mori kryesinë e LSI-së nga bashkëshorti i saj”.
Denoncuesi iku në Austri për shkak të akuzave dhe frikës së një atentati. Aty ku tani duhet të kishte marrë statusin e mbrojtjes. Ai mund të tronditë mjedisin politik shqiptar. Ajo që tregon denoncuesi në prani të avokatëve të njohur të Vienës ju bën të uleni dhe të dëgjoni me vëmendje. Provat mund të tronditin peizazhin politik të Shqipërisë dhe të rrëzojnë askënd tjetër veç presidentit të Shqipërisë…”.
Gjithsesi, edhe nëse nuk provohet me dokumente se Meta fshihet pas kontratës së dytë, do të mjaftonte kontrata e parë dhe kontratat e tjera në vijim, që Meta të vishet me përgjegjësi penale, pasi është faktuar shpenzimi nga LSI-ja, para të cilat nuk janë deklaruar dhe nuk u dihet burimi. (Shqiptarja.com)
13 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Rraseni brenda kete grekun hajdut dhe kriminel.
Si qoka Grek muslimoni nga Cepani, vlla turk thua! = Shifni se si SPAK nuk permend floririn, vidjon me bllok apo vilat e luksin e pafund te Ilir Peshngritesit. Ju kujtohet banditi i rames nga Tepelena me audin, u padit per shperdorim detyre dhe jo shperndarje droge...lol
SHIHNI GAZETARET SHQIPTAR NE SHERBIM TE KINEZEVE Qendra për Analizën e Politikave Evropiane, një organizatë që studion ndikimin që Kina ka në Europën Qendrore dhe atë lindore, ka shkruar së fundmi për marrëdhëniet mes Kinës dhe Shqipërisë. Sipas një raporti të përpiluar prej kesaj qendre, thuhet se drejtuesit e vendit komunist prej vitesh po përpiqen të shtrijë ndikimin e Pekinit në Europën Lindore dhe Qendrore. Në lidhje me Shqipërinë, ky raport tregon se Pekini po ndjek një plan afatgjatë dhe ka një strategji që kalon në katër faza... Faza e katërt dhe e fundit fokusohet në përpjekjet e autoriteteve kineze për të fituar një profil më të lartë publik dhe mediatik. Një studim në vitin 2020 numëroi më shumë se 1000 artikuj të lidhur me Kinën të botuar në vend gjatë pesë viteve. Gati gjysma, 47%, e portretizuan Kinën në një dritë pozitive, 38% ishin më negative dhe 15% u konsideruan neutrale. Nunerohen mbi 30 gazetare e analiste shqiptar qe paguhen per te realizuar synimin mediatik kinez me informacione dhe analiza ne gjuhen shqipe qe publikohen nepermjet radios Ejani pjese e seksionit shqip te radios se jashtme te kines. Jane emra te njohur si g.p. qe eshte dhe pergjegjesi udheheqes i grupit, dhe pjese e keshillit drejtus te rtsh. Eshte e. l., ish diplomati g.m., analistet s.c., a.ç., t.th. bashke me nja dy dyzina gazetar e folsa te rtsh. Paguhen rregullisht nepermjet llogarive bankare dhe mbetet e zeza menyra e veprimit ne te zeze pa u regjistru ne qkb e tatime. Kjo strukture anonime qe e ka qendren ne bllok, tek pallati ngjyre jeshile i ndertu nga firma pinguli kati 6 apartament i lshu me qera nga t.th. i rtsh, ka vite qe vepron dhe rekruton ushtar te rinj. Sdi si por a nuk eshte kjo pune e shish? Apo kur ndodh si me spiunet turist ruso ukrainas te Gramshit kujtohen shish dhe sherbimet tona te sigurise. Çiftin e ujqve Ilir monika meta kryemadhin ketu e keni mos harroni çakallin kineze qe po na vret me pjellen tone te prapte gazetaret e kazonit pa din e iman
DHE SA ESHTE DENIMI ?S E LIGJI PARASHIKON DHE BURGUN , POR DHE DENIME LEHTESUESE I P. SH ME KUSHT ?
Futeni në burg plehun mos e lejoni te jetë në liri
E hëngre Like, e hëngre! Vafsh në të satëme!
Haka e këtij populli një ditë do të dilte...tu sekuestrohet pasuria që i kan vjedhë ketij populli dhe të kalben në burg.
Pordhë me rigon. Mund ta dënojnë 2-3 vjet, për shpërdorim detyre e fallcifikim, por për vjedhjet e grabitjet skandaloze që ka kryer, ja hedh paq...Bënë ato dy - tre vjet, dhe pasi del nga burgu, jeton parajsën me miliardat e grabitura e të fshehura, bashkë me baxhellën dhe klyshët që ka pjellë...kjo është taktika e tij, ku nuk përjashtohet as SPAK-u...pfff.
Ky Vangjel Tava e Dule Jevgu jane bere miliardera fale shqiptareve hajdute si Agush Meta nga Cepani .ne Burg te gjithe,ky ka pasuri gjithe Gjirokastren ne 91 kishte Gopin e Gruas vetem me se I beri
Ajo qe amerikanet (se seshte SPAK) nuk thone eshte perse nje doh=sje e ngjashme u mbyll per bashen,Nga ku, kjo drejtesi eshte selektive.
Vlonjatet thone: “ mori kum te bova “
Pordh me rigon! Paskeni zbulu qe mund te jete Meta po nuk u dika dmth. Qeka goxha zbulim. Prandaj se paska rrujt Mero fare. Ik o Halit bjeri me dore. Ishalla ka noi gjo te dosja e spiuneve se keto kallzimet e halit valterit qekan turp i modh
Ç’faj ka greku?! Ai gjeti apo e gjetën XHAMBAZËT e porositur nga KRYEXHAMBAZI i politikës Shqiptare, Ai që ndërron mbiemrin, emrin e partiçkës, ndërron bashkëpunëtorët, bashkëshpërdoruesit e detyrës dhe funksioneve shtetërore për interesa private, një njeri(nëse mund të quhet i tillë) që shpërdoron MUNDIN DHE GJAKUN E SHQIPTARËVE për lobime me aleatë strategjik, pasi në Shqipëri të gjithë i njohin bëmat e tijë dhe askush apo paaaakkush e dëgjon?!!…. E moj Shqipni e mjera Shqipni Dy koba të zi, dun me t’fut kokën në hi Por Ti je ZONJË E RËNDË PËR SHQIPTARËT E NDERSHËM JE GJITHMONË NËNË…….