Te fundit
Rama dhe Micotaqis nuk flasin? Ushtria greke e ajo shqiptare bëjnë manovra të përbashkëta në Detin Jon
10 Shtator 2023, 22:40Politika
TEMA
Ministri i Mbrojtjes, Niko Peleshi deklaroi sot se është përmbyllur me sukses stërvitja e përbashkët “JointIonian Livex 2023”, ndërmjet Forcës Detare shqiptare dhe asaj greke që u zhvillua në ujërat e detit Jon.
Në një postim në rrjetet sociale, Peleshi shprehet se me fokus përmirësimin e ndërveprimit në kryerjen e operacioneve detare, kjo stërvitje është vazhdimi i forcimit të mëtejshëm të lidhjeve si një formë e rëndësishme e bashkëpunimit rajonal dhe besimit reciprok midis Forcave Detare të dy vendeve tona me dalje në detin Jon”.
Në këtë stërvitje të përbashkët morën pjesë 2 anije të Forcës Detare shqiptare, anija Iliria P-131 dhe Oriku P-132 si dhe anija e Forcës Detare greke Troupakis P-23.
Gjatë tri ditëve në det anijet zhvilluan stërvitje për proceduarat e zhvillimit të operacioneve të kërkim – shpëtimit SAR, operacionet e zbatimit të ligjshmërisë, procedurat e ndalimit në det, formacione të ndryshme lundrimi, furnizimi në det, mbrojtja e afërt e anijeve nga sulmet asimetrike.
Stërvitja u zhvillua bazuar në procedurat standarde të NATO-s, për zhvillimin e operacioneve detare.
Në ceremoninë përmbyllëse të aktivitetit në portin e Sarandës, stërvitja u ndoq nga afër në det nga komandanti i Forcës Detare kundëradmiral Adnand Agastra, si dhe përfaqësuesi i Forcës Detare greke komodor Vasileios Gyparis.
Gjithashtu në ceremoni morën pjesë dhe autoritetet lokale të qytetit të Sarandës.
Ky aktivitet luan një rol të rëndësishëm në rritjen e sigurisë detare, ndërveprueshmërisë ndërmjet dy vendeve dhe stabilitetit në rajon.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Stervitje madheshtore me....tre anije.
Mos ja varni grekeve fare , sh mire bene Rama qe s'ja var, ata jane armiqesore ndaj nesh pergjigja duhet te jete me te nje njenjten monedhe..
Titull idiot! Ne kulmin e luftes ne Ukraine, astronautet amerikane u ngjiten ne stacionin nderkomebar hapsinor me nje Soyouz rus. Nderkohe mardheniet dypaleshe ruso-amerikane jane ne piken me te ulet qe nga kriza e rraketave te Kubes. Nejse.. tek Tema punojne patronazhiste qe me siguri rrogen ja paguan zyra gebelsiane e Fuges dhe jo Mero.
Po mire o Pelesh ,s ke pak turp ,ne me roje bregdetare ata me anije luftarake
hahahahaaaaa