Te fundit
Rama shtoi katër ministra apo i dha PS 4 politikanë të rinj?
4 Shtator 2023, 19:51Politika
TEMA
Nga Ylli Pata
Në ndryshimin që Edi Rama i bëri kabinetit qeveritar, vetëm Anila Denaj, është deputete e Partisë Socialiste, e cila është zgjedhur në qarkun Vlorë, ku ka mbuluar Sarandën.
Të gjithë ministrat e tjerë kanë profil më shumë teknik sesa janë përfaqësues politik. Arbi Mazniku, nënkryetari i Bashkisë së Tiranës, ka qenë më shumë se të tjerët prezent në debatet politike në panelet televizive në vite, ku ka folur kryesisht për çështjet e kryeqytetit. Marrja nga Mazniku e portofolit të pushtetit vendor, duket se përbën një ndryshim politik në qeverisje, ku kthen në qeveri, një dikaster që ishte zhdukur që nga koha e të ndjerit Bashkim Fino në vitin 1998.
Një ministri e re, që më shumë se një hapësirë burokratike drejtorësh e nëpunësish për të dubluar rolin e kryetarëve të bashkive, duket se vjen si një struturë për të supervizuar fondet qeveritare të investimeve për njësitë e qeverisjes vendore.
Ndërkaq, Igli Hasani, shefi i ri i diplomacisë, vjen nga një përvojë e gjatë diplomatike në ministrinë e Mbrojtjes dhe atë të Jashtme, ku në kohën kur Shqipëria ka mbajtur kryesinë e OSBE-së, ai ka qenë kreu i një desku të rëndësishëm në organizatë, ku ka qenë edhe ambasador i Shqipërisë. Ndërkaq, ministrja e Shëndetësisë, Albana Koçiu ka qenë për një kohë të gjatë drejtoresha e Departamentit të Administratës Publike. Ervin Meta, ish-zv/ministër i Financave në 2013, më pas kreu i AMF, ka një të të kaluar politike si kandidat për deputet i G99 në vitin 2009.
Në një kohë që Rama paralajmëroi një Kongres të PS-së të jashtëzakonshëm në tetor, çka është një ngjarje politike primare për një parti, e afrimin e zgjedhjeve parlamentare të 2025-s, duket se më shumë se vendosjen e disa teknokratëve në qeveri, gjasat janë që kryeministri po afront ë paktën 4 politikanë të rinj, që sipas gjasave do të hyjnë në forcë në muajt që vijnë.
Mazniku e Mete, kanë një përvojë të gjatë në ekzekutiv, e gjasat e “futjes në forcë” janë mëse reale, ngaqë kanë qenë edhe aktivë herë pas herë në debatet publike. Por edhe Koçiu e Hasani, duket se përfaqësojnë emrat e rinj që sipas gjasave do të hyjnë në skuadrën politike. E cila siç edhe u paralajmërua nga Rama, do të marrë votbesim në Kongresin e jashtëzakonshëm.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ndryshimet në qeveri,nga Rama,janë pozitive dhe të domozdoshme. Por KM Ynë vërtet nuk mban përgjegjësi për shpërdorimet dhe vjedhjet mbrapa shpine nga ministrat e qeverisë.Por këta hajdutë të degjeneruar u bënë kur erdhën në qeveri,apo ishin më parë të tillë.Pse nuk e ke njohur vetë ti Xhackën dhe burin e saj Artan më parë?!!!!!. Ta zemë se nuk i ke njohur.Ke dhjetra nëpunës që paguhen,nga taksat tona,me qëllim që të tregojnë ty që më parë.Apo të "bie hunda" ty të pyesësh më parë se tu varësh ujqërve si Arben Ahmetaj,mëlçitë në qafë!
Hiqja lenës venja prenes,laj mut me shurre.Riciklim kurvash injorante sa ne nje post sa ne tjetrin.Eksperimente,si balla buçi etj me radhe kope
Teknik? Mazniku? Po si? Cfare shkolle ka ?
Edhe kjo Pata po gagaris nga lezeti prej ministrave anonime arna te reja qe zevendesojne ca anonime vjetersira pa vlere.
Mazniku, një hajdut me çizme, ekuivalent me Arben Ahmetaj
Mazniku te sqaroje a merr dhe 12 paga te tjera pervec rroges.