Te fundit
Rama pas takimeve me liderët në Bruksel: Konstatuam regres për Kosovën dhe progres për Shqipërinë
27 Qershor 2023, 15:17Politika
TEMA
Kryeministri Edi Rama ka zbardhur takimet e tij në Bruksel në kuadër të integrimit të vendit drejt BE-së si dhe për tensionet mes Kosovës dhe Serbisë.
Përmes një postimi në Twitter, Rama thekson se shqetësuese në këto takime ishte konstatimi i regresit të marrëdhënieve të Republikës së Kosovës me bashkësinë euro-atlantike.
Sipas tij BE-ja e mbështetur nga SHBA ka vënë në Tryezën e Dialogut mes Serbisë dhe Kosovës, planin më të mirë të mundshëm të normalizimit, i cili paqton më në fund Ballkanin Perëndimor, duke i hapur rrugë edhe njohjes së plotë ndërkombëtare të Kosovës.
“Takimet me autoritetet më të larta të Bashkimit Europian ishin një lajm shumë i mirë lidhur me progresin e Shqipërisë në negociatat me Bashkimin Europian dhe politikën tonë konstruktive rajonale. Por fatkeqësisht në këto takime, ishte tejet brengosës konstatimi i regresit të marrëdhënieve të Republikës së Kosovës me bashkësinë euro-atlantike. BE-ja e mbështetur nga SHBA ka vënë në Tryezën e Dialogut mes Serbisë dhe Kosovës, planin më të mirë të mundshëm të normalizimit, i cili paqton më në fund Ballkanin Perëndimor, duke i hapur rrugë edhe njohjes së plotë ndërkombëtare të Kosovës!
Eshtë e pakonceptueshme për aleatët tanë strategjikë, që Kosova vazhdon refuzon të hedhë qoftë edhe një hap të vetëm konkret e konstruktiv për de-eskalimin e situatës gjithnjë e më të rrezikshme në Veriun e Republikës së Kosovës. Kësisoj Beogradi po ia del të fshihet pas mjegullës gjithnjë e më të dendur, që qasja e pashpjegueshme strategjike e Prishtinës po krijon mes Kosovës dhe bashkësisë euroatlantike, sidomos pas lirimit pa kushte nga Serbia të tre policëve të mbajtur fare padrejtësisht, me ditë të tëra, në kushtet e heqjes së lirisë”, ka thënë kreu i qeverisë në postimin e tij.
Sipas kreut të qeverisë shqiptare në të gjithë këtë situatë të krijuar deri më tani shtë koha për një konferencë të nivelit të lartë të thirrur nga Franca e Gjermania, me mbështetjen e Bashkimit Europian dhe Shteteve të Bashkuara, ku të dyja palët të mos ngrihen nga tryeza e dialogut, deri në nënshkrimin e një marrëveshjes së plotë të normalizimit.
Gjithahstu ai shprehet se shqipëria do të vijojë që të ngelet një vend që do të mbështesë paqen dhe mbron stabilitetin në rajon, kontribuon për bashkëpunimin rajonal dhe punon pa u lodhur për rritjen e saj të gjithanshme, pa rënë asnjëherë në kurthin ballkanik të së shkuarës.
“Është koha për një konferencë të nivelit më të lartë, të thirrur nga Franca e Gjermania, me mbështetjen e Bashkimit Europian dhe Shteteve të Bashkuara, ku të dyja palët të mos ngrihen nga tryeza e dialogut, deri në nënshkrimin e një marrëveshjes së plotë të normalizimit, përfshirë natyrisht edhe dakordësimin për Asociacionin e Komunave me Shumicë Serbe brenda kornizës kushtetuese të Republikës së Kosovës.
Shqipëria ka qenë, është dhe do të mbetet vendosmërisht një forcë që promovon paqen, mbron stabilitetin në rajon, kontribuon për bashkëpunimin rajonal dhe punon pa u lodhur për rritjen e saj të gjithanshme, pa rënë asnjëherë në kurthin ballkanik të së shkuarës, po edhe pa heshtur në asnjë rast përballë shfaqjeve kërcënuese të vetëmjaftueshmërisë sovraniste, nga kushdoqoftë, kurdoqoftë e kudoqoftë, në lagjen tonë të vogël në mes të Europës”, shkruan Rama.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ik more tradhetar boll e shkerrdheve shqipnin posht e nalt hiqi durt nga Kosova ordiner njeri ndyr
Bravo te qoft respekte per ju
Shume mire presim te kemi dhe kosoven perpara dhe te bej progres
Mos na i ze me ne goje keta shqip folesa ,qe jane derra e mos mirnjohesa ,nuk duhet te lihet asnje koqevar ne Shqiperi ,mos u jepni shtepia me qira ketyre pisave
Shpresojm qe ky takim te sjelli sa do pak ndryshim ne rajon
Shpresojm qe te behet dicka per kete ceshtjen
Me siguri qe me nderhyrjen e te madhit Edi Rama do te behet dicka per Kosoven sa do te lehin mosmirnjohesat .