Te fundit
Zgjedhjet/ Spahiu: 3 shkaqet pse pjesëmarrja e emigrantëve do jetë deri në 70 mijë votues! Nuk janë pak, përkthehen në 7 mandate deputeti
24 Nëntor 2024, 16:22Politika
TEMA
Kreshnik Spahiu deklaroi se vetëm 6-7% e emigrantëve shqiptarë mendonte se do merrnin pjesë zgjedhjet e ardhshme në Shqipëri. E përkthyer në numra ishte 50-70 mijë persona votues, që gjithsesi ai nuk e quajti numër të vogël, por të konsiderueshëm.
Sepse sipas Spahiut këto kthehen në të paktën 7 mandate deputetësh.
“Nëse do të shkonte 10% do ishte një sukses i jashtëzakonshëm, por unë nuk mendoj se do i kalojë shifrat 6 apo 7%”, tha ai në Studio Live të Report TV.
Ai dha edhe 3 shkaqet pse do jetë kjo përqindjeje pjesëmarrjeje në votime nga diaspora, pas studimit të rrethanave.
“Për çfarë arsyesh? Unë mendoj se përqindja më e madhe, 20 apo 30% janë emigrantë ilegalë, në Europë dhe Britaninë e Madhe. Dhe sigurisht që ata që janë emigrantë ilegalë, nuk do të marrin pjesë në votime.
E dyta, janë një përqindje e madhe që janë legalë, 20%, që nuk duan të deklarojnë adresën e tyre.
Për shkak të dëmtimit të të dhënave, databazave në Shqipëri, hakërrimeve dhe shumë të dhënave personale, e shumë emigrantë nuk kanë besim që të dhënat e tyre personale t’ia deklarojnë shtetit shqiptar.
E treta, për shkak se logjistika dhe infrastruktura është disi e vonuar. Do jetë e vështirë edhe për KQZ që ta realizojë, teksa koha e mbetur është disi në 4 muaj për këtë proces.
Por edhe ata emigrantë që do kenë dëshirë, për çështje rrethanash, kostosh, shpenzimesh etj., nuk do të votojnë. Duke bërë këtë lloj përllogaritje, unë bëj një lloj parashikimi që do doja ta ruaja dhe një ditë pas zgjedhjeve ta diskutojmë së bashku”, u shpreh Spahiu.
Por ai nuk e cilëson një numër të vogël këtë shifër.
“Është një studim që e kam bërë me të gjitha rrethanat dhe mendoj se nuk do të kalojë 6-7%. Por mos harroni se 6-7% nuk janë pak. Sepse le të themi 70 mijë vota nuk janë pak, janë shumë dhe përkthehen në 7 deputetë”, tha juristi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nese do zgjedhjet do behen me lista te hapura pjesmarja e emigranteve ne votime do te jete mbi 50%
E saktë kjo që thotë Kreshniku...... . Unë kam tre fëmijë të martuar jashte, në Itali, Zvicër dhe Gjermani..... . Po në këto vende kam edhe 10 nipër e mbesa me bashkëshortët e tyre........ . Kam folur me ta...... . A do të rregjistroheni për zgjedhje në saitin e Komisionit Qëndror, duke dhënë adresën tuaj.......... . Nga 16 të afërmit e mij, asnjë prej tyre nuk preferon të rregjistrohet për votime...... . Dhe janë të gjithë me arsim të lartë........ . Të gjithë me punë të mira si IT, institucione shkencore dhe mjekësi ....... . Pra mos shpresoni për pjesmarrje të lartë më këto zgjedhje, bile unë mendoj se proçesi i votimit të emigrantëve do të jetë dështim................................ DHE E DYTA - Kreshniku përdor korrektësisht termin, VOTIM I EMIGRANTËVE, ndërsa gazetari, përdor termin, VOTIM I DIASPORES...................... . Diasporë janë dhe shqiptarët e larguar para 100 vjetësh..... Dhe nuk kanë shtetësi shqiptare....... A votojnë ata........ . Në Gjermani, ka shumë që kanë marë shtetësinë gjermane dhe kanë lënë atë shqiptare. Janë diasporë, por ata nuk votojnë.......... . Votojnë vetëm EMIGRANTËT.....DIASPORA nuk VOTON e gjitha.