Te fundit
“Spastrim etnik i serbëve në Kosovë” - Ministria e Jashtme në Shqipëri i përgjigjet Serbisë: Akuza të pabaza, mos ngatërroni rolet e agresorëve me viktimën
7 Tetor 2025, 10:54Politika
TEMA
Ministria për Evropën dhe Punët e Jashtme e Shqipërisë ka reaguar ashpër ndaj deklaratës së lëshuar nga Ministria e Jashtme e Serbisë, ku pretendoi për ‘spastrim etnik të serbëve në Kosovë’, duke e cilësuar atë një përpjekje për të shtrembëruar historinë dhe për të hedhur hije mbi të ardhmen e rajonit.
Shqipëria i kujton Serbisë disa të vërteta historike, që lidhen me shkaktarët e vërtetë të ngjarjeve tragjike të vitit 1999, ngjarje që sollën vrasje, spastrime etnike dhe dëbimin me forcë të rreth një milion shqiptarëve të Kosovës nga shtëpitë e tyre.
Reagimi i plotë:
Ministria për Evropën dhe Punët e Jashtme e Republikës së Shqipërisë shpreh keqardhjen e thellë për deklaratën e Ministrisë së Jashtme të Republikës së Serbisë, e cila përpiqet të rikthejë hijet e së shkuarës mbi një rajon që po përpiqet të ecë drejt së ardhmes.
Në këtë deklaratë ngrihet një seri akuzash dhe pretendimesh të pabaza, të cilat Shqipëria i hedh poshtë me forcë dhe vendosmëri.
Ministria për Evropën dhe Punët e Jashtme të Shqipërisë e gjen me vend t’i kujtojë Ministrisë së Punëve të Jashtme të Serbisë disa të vërteta historike, që lidhen me shkaktarët e vërtetë të ngjarjeve tragjike të vitit 1999, ngjarje që sollën vrasje, spastrime etnike dhe dëbimin me forcë të rreth një milion shqiptarëve të Kosovës nga shtëpitë e tyre.
Është për të ardhur keq që deklarata e Ministrisë së Jashtme të Serbisë mbështetet ende mbi një Raport tashmë të diskredituar të Dik Martit, kur faktet e hetuara nga autoritetet vendase dhe ndërkombëtare kanë dëshmuar qartë se pretendimet e ngritura aty janë një fabrikim i pastër, pa asnjë provë faktike.
Këto të pavërteta, të njohura ndërkombëtarisht si përpjekje për të njollosur imazhin e Shqipërisë dhe të Kosovës, nuk mund të përdoren më për t’iu shmangur përgjegjësisë së historisë. Historia nuk rishkruhet me retorikë, ajo mbahet mend me përgjegjësi.
Në këtë kontekst, çdo përpjekje për të përmbysur të vërtetën dhe për të ndërruar rolet e viktimës me të agresorit është e papranueshme dhe bie ndesh me çdo frymë të paqes e pajtimit që rajoni ynë kërkon e meriton.
Ministria për Evropën dhe Punët e Jashtme e Shqipërisë shpreh bindjen e thellë se rajoni ynë ka nevojë për pajtim, respekt të ndërsjellë dhe bashkëpunim të sinqertë në frymën e fqinjësisë së mirë, jo për rikthim tek gjuha e akuzave e viktimizimit.
Vetëm kështu mund të çlirohemi përfundimisht nga hijet e së shkuarës dhe të ndërtojmë së bashku një të ardhme në paqe, siguri dhe prosperitet një Ballkan të bashkuar në familjen tonë evropiane, ku përkasim nga rrënjët dhe aspiratat.
Shqipëria ka qenë dhe do të mbetet e gatshme për një bashkëpunim gjithëpërfshirës rajonal, në frymën e miqësisë së mirë, dinjitetit dhe përgjegjësisë ndaj qytetarëve tanë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
rrace e dhjere skiptare, gjithnje ne mbrotje, ne rolin e viktimes, nqs keni koqe kundersuluni sllavit me gjitha mjetet, gjithmon duke u shkelur nga serbi ne xhamite tuaja turke.
Duhet mbajtur mendë këtë deklaratë të MPJSH,është hwrë e parë që i përgjigjet propagandës serbe .Prej nga ky ndryshim të presim e të shohim apo kur shumë shtete mike po i kundërvihen Serbisë janë kujtuar edhe këta njëherë.
MPJ nuk duhet te futet ne kete valle! Kombi Kosovar e ka mundur Serbine sepse ka lidership lexhendar me ne kry Kurti Osmani Gervalla. Te tre keta plehra jane gatuar ne kuzhinen e UDB. Prisni kur Kurti ta akuzon Tiranen per nderhyrje ne punet e brendeshme te Serbise pjese e te ciles asht edhe Kosova sipas ligjit nderkombetar, arezoluta 1244.
Dhe nje deklarate ne mbrojtje te Kosoves kundershtohet nga agjentura Serbe ne Tirane. Faqet e gazettes tema qe mbrojne Vucic dhe sulmojne me lajme Serbe Kurtin jane nje vend ideal per agjentet e Beogradit per te sulmuar ceshtjen shqiptare
Niveli i shqipes zyrtare në këtë deklaratë është për të ardhur keq. Nuk ka vendi ynë njerëz me shkollimin e duhur për të hartuar ose korrigjuar gjuhësisht deklaratat zyrtare? Ndonjë ditë do t'ju vijë nga zyrat serbe ndonjë kërkesë për të ndrequr gabimet drejtshkrimore...