Te fundit
VIDEO/ “Bekim për vendin,” Rama për Reuters: Projekti 4 miliardë euro “do të ecë përpara”! Nuk bëhet fjalë për tokë publike
9 Qershor 2026, 10:15Politika
TEMA
Kryeministri Edi Rama ka mbrojtur projektin turistik që ka shkaktuar debat publik dhe protesta në vend, duke deklaruar në një intervistë për Reuters se nuk ka pasur kurrë dyshim nëse ai do të realizohet apo jo.
Sipas Ramës, bëhet fjalë për një investim prej 4 miliardë eurosh, në një vend ku Prodhimi i Brendshëm Bruto është rreth 27 miliardë euro. “Nuk ka qenë kurrë pyetje nëse ky projekt do të ecë përpara apo jo. Është një bekim për vendin”, u shpreh ai.
Kryeministri hodhi poshtë pretendimet se qeveria po shet prona publike apo po i jep investitorëve territor shtetëror. Ai tha se projekti lidhet me pronë private dhe me një marrëveshje mes palëve private, ku qeveria shqiptare, sipas tij, “nuk ka asgjë të bëjë”.
“Është pronë private. Është një shprehje interesi bazuar në një marrëveshje private mes palëve private. Qeveria shqiptare nuk ka asnjë lidhje me këtë”, deklaroi Rama.
Pavarësisht reagimeve që projekti ka shkaktuar, kryeministri këmbënguli se investimi do të realizohet dhe se, “do të jetë një projekt i bukur”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shumë po nxiton dhe shumë herë nënvizon se qeverija “ska punë në këtë mes”! Po halli se gjithë ky zihafet që u përgatit e do një dorëzënës! Si thua ti? Apo po e pe keq ta hajë Saliu edhe kësaj radhe?! Se mban bufi, mban