Fluksi i turistëve në Shqipëri, Gonxhja: Turizmit është aset kombëtar, protestat duhet të peshojnë pasojat për ekonominë

Ministri i Turizmit, Kulturës dhe Sportit, Blendi Gonxhja, ka deklaruar se Shqipëria renditet sot ndër vendet me fluksin më të lartë të turistëve në raport me popullsinë. Përmes një reagimi në rrjetet sociale, ministri nënvizoi se ky pozicionim në tregun ndërkombëtar është rezultat i investimeve të vazhdueshme dhe reformave të kryera përgjatë viteve.

Në fjalën e tij, Gonxhja bëri thirrje për maturi nga aktorët politikë dhe publikë, duke theksuar se ruajtja e imazhit të sigurisë dhe stabilitetit është thelbësore për ekonominë e vendit.

Sipas ministrit të Turizmit, arritjet e sektorit nuk janë rastësore, por produkt i një pune të koordinuar për konsolidimin e Shqipërisë si destinacion konkurrues në Mesdhe.

“Ai është rezultat i një procesi të gjatë investimesh në infrastrukturë, zgjerimit të kapaciteteve aeroportuale, përmirësimit të rrjetit rrugor, rritjes së konektivitetit ndërkombëtar, promovimit të qëndrueshëm të vendit dhe ngritjes graduale të standardeve të shërbimeve. Në thelb, kemi të bëjmë me një kapital reputacional që është ndërtuar me kohë, përmes përpjekjesh të vazhdueshme.”, shkruan Blendi Gonxhja, Ministër i Turizmit, Kulturës dhe Sportit

Turizmi si shtyllë ekonomike dhe ndikimi i protestave

Gonxhja vuri në dukje se turizmi përfaqëson burimin kryesor të të ardhurave për mijëra familje, mbështet sipërmarrjen dhe krijon mundësi punësimi për të rinjtë. Ndaj, sipas tij, format e protestave politike duhet të peshojnë pasojat që sjellin mbi interesin publik dhe imazhin e vendit.

“Në një shoqëri demokratike, e drejta për të protestuar dhe për të artikuluar qëndrime politike është themelore. Megjithatë, po aq themelore është edhe përgjegjësia për të peshuar pasojat që format e protestës mund të kenë mbi interesin publik. Kur veprime të caktuara prodhojnë imazhe pasigurie apo pengojnë funksionimin normal të jetës ekonomike, ndikimi i tyre nuk mbetet vetëm në sferën politike; ai reflektohet te perceptimi i turistëve, te besimi i investitorëve dhe te aktiviteti i bizneseve që varen drejtpërdrejt nga turizmi.”, thekson Gonxhja.

Thirrja për përgjegjësi publike

Në përmbyllje të reagimit të tij, ministri nënvizoi se besimi i fituar në tregjet ndërkombëtare tejkalon interesat e ditës politike dhe duhet mbrojtur nga të gjithë faktorët në vend.

“Shqipërisë i janë dashur vite reforma, investime dhe përpjekje të koordinuara për të fituar besimin dhe vëmendjen e tregjeve ndërkombëtare. Kjo përbën një arritje që tejkalon interesat e ditës dhe duhet trajtuar si një aset kombëtar, i cili kërkon kujdes, maturi dhe përgjegjësi nga të gjithë aktorët e jetës publike.”, apelon ministri i Turizmit, Kulturës dhe Sportit.

Alpet shqiptare tërheqin vizitorët- Natyra, shtigjet dhe lundrimi mbeten atraksionet kryesore të sezonit

09:10 Turizëm

Shqipëria magjeps gjermanët/ Revista “Focus.de” vlerëson plazhet, çmimet dhe qytetet historike

15:15 Turizëm 1 koment

Turistët “pushtojnë” Tiranën/ Vizitorë nga Evropa në kryeqytetin shqiptar për pushimet verore

13:25 Turizëm 7 komente

“Skyscanner” e rendit Shqipërinë mes perlave më të lira të turizmit

09:35 Turizëm

Nga bunkerët, te mali i Dajtit, “Daily Mail” tregon pse Tirana është destinacioni i momentit

09:36 Turizëm

Festivali “Nona” në Përmet/ Rama: Nga 7-9 gusht festojmë traditën dhe kulinarinë

09:30 Turizëm 3 komente

Nismë ligjore për turizmin, ndalohen ndërtimet në sezon, gjoba për barrierat fizike si gardhe, trarë apo mure, që pengojnë aksesin e qytetarëve në plazhe

07:30 Turizëm

Travel of Path: Shqipëria, destinacioni që po ndryshon Evropën

08:10 Turizëm

“Shqipëria një surprizë e bukur!” Italianët mbizotërojnë turizmin shqiptar, e ndjekur nga Kosova me 11%, Gjermania 10%, Franca 9% dhe Polonia me 6%

22:15 Turizëm 2 komente

Europa “zbarkon” në Vlorë: Turistët e huaj preferojnë qytetin bregdetar për pushime

15:10 Turizëm 1 koment