Te fundit
Zgjedhja e Begajt, Presidenca: Do të respektojmë votën e Kuvendit
4 Qershor 2022, 12:55Politika
TEMA
Presidenca ka reaguar lidhur me kandidaturën e Bajram Begajt për President të Republikës, që pritet të votohet sot pasdite nga Parlamenti.
Në reagim thuhet se Presidenti Ilir Meta ka zhvilluar edhe një bisedë telefonike me ministrin e Mbrojtjes Niko Peleshi, si dhe do të respektojë çdo vendim të Kuvendit.
“Presidenti i Republikës, Sh.T.Z Ilir Meta është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë. Lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, z.Niko Peleshi”, thuhet në sqarimin e Presidencës.
Bajram Begaj dorëzoi dorëheqjen sot si shef i Shtabit të Përgjithshëm të Forcave të Armatosura. Dorëheqjen ia paraqiti ministrit të Mbrojtjes Niko Peleshi dhe Kryeministrit Edi Rama, por lirimi i tij nga detyra duhet të dekretohet me firmë të Presidentit Ilir Meta. Ky i fundit ndodhet në Turqi ku po merr pjesë në një forum ndërkombëtar.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk besoj se Zoti Meta do e fuste ne ngerç proçeduren per zgjedhjen e Presidentit, Ai e ka kujdesin per te mos prekur solemnitetin e dorezimit korrekt te detyres.
Faktikisht ka më shumë logjik se kandidatët që mendonim ne.Si s'na vajti mëndja më parë gjanëm.