Abdixhiku: Albin Kurti nuk e bën dot Kosovën shtet evropian

Kreu i LDK-së, Lumir Abdixhiku shprehet se “Kosova s’ka qenë kurrë më keq ndërkombëtarisht”. Abdixhiku për këtë e ka fajësuar kryeministrin e Kosovës, Albin Kurti.

Kreu i LDK-së shton se Kosova po e humb përkrahjen ndërkombëtare, ndërsa Serbia “s’ka pasur kurrë më tepë përkrahje ndërkombëtare se sot”.

"Albin Kurti nuk e bën dot Kosovën shtet evropian. Ai, grupi i tij ideologjik nga Tirana, analistët e paguar e mediat e pushtetit janë në misionin e tyre ultim të përplasjes përfundimtare të shtetit. Në sinkron, i pari na dërgon drejt përplasjes, të dytit e bëjnë këtë çmenduri të duket bukur.

E vërteta është e trishtë.

Kosova nuk ka qenë kurrë më keq ndërkombëtarisht se sa sot. Serbia nuk kanë pasur kurrë më shumë përkrahje ndërkombëtare se sa sot. Ata po fitojnë. Ne po humbasim. Kauza e tyre e autonomisë territoriale në Kosovë po merr formë teksa ne mjaftohemi me të drejtën tonë në përballje me gjithë botën.

Kosova ka një rrugë të re. Një që e dërgon shoqërinë tonë, gjeneratat e tashme e të ardhme drejt familjes euroatlantike. Një që fiton përballë Serbisë brenda e ndërkombëtarisht pa dallim. Kjo rrugë nuk ka Albin Kurtin në të. Këtë rrugë duhet ta bëjmë ne.

Për këtë rrugë na duhet ndihma e të gjithëve. E atyre që besojnë në Republikën, në rrugëtimin euroatlantik e në fundamentet bazike të kësaj shoqërie.

Prandaj, gjatë ditëve në vijim, do të ftoj akterë të shoqërisë civile, akademisë, sektorit privat, mërgatës, mediave e opinionistëve, partive politike, shqiptarëve në rajon e miqve të Kosovës nëpër botë për të ndërtuar rrugën e vërtetë. Do t’u prezantojë dhe planin e LDK-së për kapërcimin e izolimit e krizës. Në këto takime do të kërkoj mbështetje për ndërtimin e masës kritike e zërit alternativ që bota perëndimore duhet ta dëgjojë nga ne tani. Vendi ynë ka një të ardhme ndryshe nga çfarë na projektohet sot.

Kosova mundet më mirë.
Kosova meriton më shumë", shkruan ai. 

"Me raste kemi qenë kritik ndaj BE-së, por...", Kurti për listën e masave të paralajmëruara kundër Kosovës

11:21 Rajoni 5 komente

Vuçiç: Do kemi shumë probleme me Kosovën

10:57 Rajoni

Digjet pika e kontrollit të policisë së Kosovës në Mitrovicën e Veriut

10:14 Rajoni

"I kanë drejtuar armën", Vuçiç tregon se çfarë u ka thënë i biri policëve të Kosovës

09:48 Rajoni 3 komente

“Lajçak i njëanshëm” - Eurodeputeti austriak: Vendi i tij nuk e njeh Kosovën

21:40 Rajoni 5 komente

Lista Serbe e quan "provokim" vizitën e Kurtit në veri: Hyri si hajdut, do të na pushtojë

20:40 Rajoni 2 komente

VIDEO: Albin Kurti tregon forcën me... djalin e Vuçiç, kërkon t'i heqë bluzën

20:07 Rajoni 26 komente

"Albin Kurti viziton Mitrovicën e Veriut"

18:52 Rajoni

Lajçak: Kurti dhe Vuçiçi e kuptuan sa e rëndë është situata, zgjedhjet do mbahen gjatë muajve në vijim

16:06 Rajoni

Tensionet në veri, Enver Hoxhaj: Qasja e Kurtit e gabuar, e ka dëmtuar Kosovën në arenën ndërkombëtare

15:33 Rajoni 2 komente