Kisha, ‘mëkati’ i vetëm i Abazoviç

4 Gusht 2022, 17:57Rajoni TEMA

Kisha, ‘mëkati’ i vetëm i Abazoviç

Nëse në datën 3 gusht Dritan Abazoviç nuk do të kishte nënshkruar marrëveshjen famëkeqe me kishën serbe, qeveria e tij do të siguronte stabilitetin e vazhdueshëm politik të Malit të Zi, i cili ka munguar në vitet e fundit.

Të enjten Abazoviç bëri një rezyme të punëve të kryera nga qeveria e tij lidhur me premtimet e bëra 100 ditë më parë.

Sipas kreut të qeverisë, koalicioni i pakicave i ka përmbushur të gjitha çfarë tha kur mori detyrën.

Abazoviç: Kjo Qeveri është marrë me të gjitha çështjet. Ne rregulluam çmimet e ushqimeve dhe karburanteve, kemi goditur korrupsionin si askush më parë si dhe kemi rritur investimet e reja. Numri i punësimeve të reja ka arritur në 23 000. Askush më shumë se ne nuk ka pasur aktivitete ndërkombëtare më shumë se ne, në 100 ditë.

I vetmi premtim i papërmbushur i Abazoviç është transparenca.

Kreu i qeverisë i cili u zotua se do t’i transmetonte mbledhjet e qeverisë drejtpërsëdrejti për publikun si asnjë lider tjetër, nënshkroi në 3 gusht një marrëveshje me Kishën Ortodokse Serbe në fshehtësi.

Ende nuk dihet se si mbërriti në Mal të Zi kryepeshkopi i Beogradit dhe gjithë Serbisë, patriarku Porfirije.

Ndërsa nuk pati asnjë njoftim qeveritar lidhur me ardhjen e tij, disa medie njoftuan se kryeprifti serb erdhi me helikopter.

Pati raportime se drejtori i një Pike Kufitare u shkarkuar pasi dyshohej se Porfirije kishte hyrë në territorin malazez ilegalisht, lajmet u hodhën poshtë më pas.

Marrëveshja u nënshkrua pa praninë e medieve dhe videot e takimit dolën shumë më pas.

Menjëherë partia e Socialdemokratëve dhe ajo e presidentit Gjukanioviç njoftuan se do të inicionin mocion mosbesimi ndaj Abazoviç duke e akuzuar këtë të fundit për shkelje të interesave kombëtare të Malit të Zi.

Iniciativa u mbështet edhe nga disa parti të tjera.

Për këtë, kryetarja e Kuvendit, Danijela Gjuroviç thirri një seancë të jashtëzakonshme për në datën 19 gusht, kur pritet të shqyrtohet edhe shkarkimi i Abazoviç.

2 Komente

  1. F
    Fisnik

    Me këmbënguljen e një kreteni, që e di mirë se çfarë pasojash ka veprimi i tij, Abaz viçi i kreu punë të madhe serbomëdhenjve! Këmbëngulja e tij në shërbim të serbëve dhe në dëm të shtetësisë të Malit të Zi po ma kujton këmbënguljen e Ramës për Open Balkan që është në dobi të Serbisë dhe në dëm të shtetësisë së Kosovës!

    1. q
      qe te kuptosh

      Open Ballkan eshte ne dobi te te gjithe shqiptareve dhe ne rradhe te pare ne dobi te Kosoves!

    Lini një Përgjigje