Komisioni për Liritë qytetare, Drejtësi dhe Çështje të brendshme (LIBE) i Parlamentit Evropian, më 12 janar miratoi marrëveshjen për liberalizimin e vizave për Kosovën.

Bëhet fjalë për marrëveshjen që është arritur në dhjetorin e kaluar në mes të Parlamentit, Këshillit dhe Presidencës së Bashkimit Evropian, që atëbotë udhëhiqej nga Republika Çeke.

Miratimi i marrëveshjes në këtë komision të PE-së dëshmon se formalizimi i vendimit të bllokut evropian për liberalizimin e vizave për Kosovën po shkon sipas planit dhe procedurave përkatëse, ku përfshihen institucione të ndryshme të BE-së.

PE-ja ka caktuar deputetin socialist nga Holanda, Thijs Reuten, raportues të saj për dosjen që ka të bëjë me liberalizimin e vizave për Kosovën.

Reuten disa herë ka deklaruar se Parlamenti Evropian do të punojë me shpejtësinë maksimale për këtë proces, i cili, siç ka thënë ai, veçse ka zgjatur shumë.

Diplomatët e BE-së kanë thënë se tashmë ka mbetur vetëm përmbyllja e pjesës formale të vendimit, pasi Presidenca çeke me sukses e kishte përfunduar punën kryesore në dhjetorin e vitit të kaluar.

Përpjekjet e Presidencës çeke ishin kurorëzuar së pari me pajtimin e shteteve të BE-së për liberalizimin e vizave për Kosovën. Ky vendim ishte kompromis, sipas të cilit, liberalizimi i vizave do të hyjë në fuqi së bashku me funksionalizimin e sistemit ETIAS, më së voni deri më 1 janar 2024.

Sistemi ETIAS kërkon që qytetarët e huaj, të cilët udhëtojnë pa viza në territorin e BE-së, t’i regjistrojnë të dhënat e tyre në këtë sistem para udhëtimit.

Pas të gjitha shtetet anëtare ranë dakord për këtë vendim, Këshilli nisi negociatat me Parlamentin Evropian për të formalizuar vendimin sipas procedurave të BE-së. Por, me insistimin e Presidencës çeke, mjaftoi vetëm një takim me përfaqësuesit e Këshillit dhe Parlamentit që të arrihej marrëveshje për çështjen e vizave.

Tani ka mbetur që në strukturat punuese të Këshillit të përkthehet teksti i marrëveshjes në të gjitha gjuhët dhe të miratohet sërish nga ambasadorët, në mënyrë që më pas të paraqitet për konfirmim edhe një herë para Parlamentit Evropian.

Qytetarët e Kosovës janë të vetmit në rajonin e Ballkanit Perëndimor që nuk mund të lëvizin lirshëm në shtetet e BE-së.

Që nga viti 2018, Komisioni Evropian disa herë ka konfirmuar se Kosova i ka përmbushur të gjitha kushtet për liberalizim, por vendimi nuk ishte marrë për shkak se disa shtete kishin shprehur rezerva./REL

4 Komente

P
Poseidon

12 Janar 2023, 14:23

RRNOFTE ALBINDENIVIQI ..................................FLASIM PAS NJE VITI A DO KETE NGELUR NJERI NE KOSOVE PA MARE PASAPORTEN SERBE PER TE LEVIZUR PA VIZA........................

Përgjigjjuni
1. B
  Barbarosa
  
  12 Janar 2023, 15:34
  
  posedion , je duke folur percart or ti dhjauli . Lexon cfar shkruhet ne Titull apo je i dehur nga uzua ! hahahahaha cer rrot.k ka ajo BOte
  
  Përgjigjjuni
E
E gjitha fale Grekes Mafioze ne PE E.Kaili

12 Janar 2023, 14:33

Ajo i lumturoje gjithe Parlamentin Europian per Krishtelindje duke i sjell Pakon e Madhe nga Katari dhuruar nga Ali Baba me 1.5 Miljarde € dhe kjo dhurate zbuti surratin e Djallit i cili ne gjendje te Dehur hapi Portat e Forteses BE edhe per qytetaret e Kosoves . Urojme qe te tilla Metoda pune kaq te Perparuara qe Deputetia Greke Kaili i solli PE-se te zhvillohen me tej sepse kjo do shpejtonte hyrjen e Ballkanit Perendimore ne BE

Përgjigjjuni
A
Akademia e Karikatures Mashtruese

12 Janar 2023, 16:06

Me ne fund u treguan serioze

Përgjigjjuni