Te fundit
Kurti sfidon ''presionin'' perëndimor mbi marrëdhëniet me Serbinë: Nuk shantazhohemi
2 Shkurt 2023, 09:33Rajoni
TEMA
Nën presionin në rritje nga aleatët e tij amerikanë dhe evropianë për të arritur një marrëveshje me Serbinë, kryeministri i Kosovës Albin Kurti paralajmëroi të mërkurën se nuk do t’i dorëzohej “shantazhit”.
Marrëdhëniet midis Beogradit dhe Prishtinës janë përshkuar nga kriza në krizë dhe fuqitë perëndimore janë të prirura t’i japin fund ciklit të tensioneve në këtë pjesë të Evropës Juglindore, ndërkohë që afati i fundit që Kosova të nënshkruajë një pakt me Serbinë po afrohet me shpejtësi.
Në një intervistë për AFP, kryeministri i Kosovës Albin Kurti pohoi se SHBA-ja dhe BE-ja kishin kërkuar që Beogradi dhe Prishtina të arrijnë një marrëveshje deri në mars.
Prej muajsh, diplomatë evropianë dhe amerikanë kanë lëvizur mes dy kryeqyteteve për këtë qëllim, shpjegoi ai.
Sipas Kurtit, “qendër” e çdo pakti duhet të jetë njohja e Kosovës nga Serbia, e cila me mbështetjen e aleatit të saj rus e bllokon Prishtinën që të marrë një vend në OKB.
“Pengesa jonë më e madhe është se Beogradi insiston në kërkimin e makinës së kohës. Por nuk është e mundur. Kosova është një vend i pavarur dhe do të ishte më mirë që Serbia ta njohë atë”, insistoi lideri kosovar, duke thënë se kjo mund të përshpejtojë integrimin evropian të Beogradit.
Fuqitë perëndimore, të udhëhequra nga SHBA-të, duan që vendi ballkanik prej 1.8 milionë banorësh të krijojë një shoqatë komunash ku jetojnë pjesëtarët e pakicës serbe. Kjo ide u propozua për herë të parë sipas një marrëveshjeje të lidhur nën sytë e Brukselit një dekadë më parë.
Kurti pretendon se kjo do të përbënte krijimin e një fuqie potencialisht subversive serbe paralelisht me institucionet kosovare.
Minoriteti serb i Kosovës, rreth 120,000 njerëz, refuzon besnikërinë ndaj qeverisë së Prishtinës. Të inkurajuar nga Beogradi, pati protesta dhe incidente të dhunshme të shpërndara në fund të vitit të kaluar, veçanërisht në veri.
“Ne nuk mund të shantazhohemi. Ne nuk mund të kemi frikë. Ne jemi një popull i guximshëm që kërkojmë trajtim të drejtë, barazi dhe njohje reciproke”, tha Kurti.
“Nuk është e drejtë të bësh presion mbi vendin më pro-evropian, më proamerikan, më demokratik në Ballkanin Perëndimor”, tha ai.
“Është Beogradi ai që duhet të jetë nën presion. Serbia nuk është një vend normal. Serbia nuk e di se ku janë kufijtë e saj”.
Edhe presidenti serb Aleksandër Vuçiç u ankua kohët e fundit për presionin e Perëndimit për të normalizuar marrëdhëniet me Kosovën.
“Ata thanë: duhet ta pranoni këtë plan, përndryshe do të duhet të përballeni me një ndërprerje të procesit të anëtarësimit evropian, një ndalim dhe tërheqje të investimeve dhe një sërë masash ekonomike dhe politike që do t’i bëjnë shumë dëm Republikës së Serbisë”, tha ai për televizionin serb.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
" Bravo Kurti " po u trhoqen amerikanet dili per zot vedit. Pa u mbushur 24 ore i ke serbet ne Prishtine. Atehere ta shohim burrerine.
Po te burrnia jote ska pas noiher shprese njeri ...pa merak ti ik edhe gjej noi vend me u mçef që tani
Paaralelizimi i rezikshëm Kurti - Vuçiq A mund të shpjegosh pse bëni të njëjtat gjëra / pëlqim dhe kundërshtime /të pa arsyeshëm/ në të njëjtën kohë gjëra ti Kurti dhe Vuçiqi. Vetë dje dhe sot po i përmend. 1. Mbajtët mbledhjen e Kuvendeve me të nijetin rend dite dhe me një fjalorë pothuajse identik. 2. Dje përmes minsitritë Rashiq u deklaruat për kthimin e serbëve dhe finacimin e tyre dhe berjen e paisjev të amvisnisë për të kthyerit serb sot ketë kërkes e bënë Vuçiq!. 3. Nuk përmendtë fare nga asnjëra palë kthimin e shqiptareve në trojet e veta dhe financimin e tyre dhe pajisjen dhe ndërtimin e shtëpive - a nuk është ky injorim i tërësishëm kombit shqiptar!. 4. Të dy ju kundërshtoni projektin Gjerman- Francez dhe nuk jepni zgjidhje dhe nuk lëvizni nga qëndrimet e përbashkëta duke kundërshtuar miqtë tanë SHBA dhe BE dhe Shqipërinë /për ju tashmë i konsideroni si armike!./ 5. Po luani me ndjenjat e kombit dhe territorit të saj dhe dini se jeni me k..qe gjeli dhe nuk keni guxim e fuqi të kundërshtoni botën demokratike por keni mundësi ta dëmtoni shumë Kosovën dhe shqiptaret. Ik se e keni kontaminuar tërë Ballkanin , Evropën dhe Amerikën bile edhe Rusinë.