Te fundit
Mitsotakis: Greqia do t’i hapë dritën jeshile martesave të së njëjtës gjini
5 Korrik 2023, 14:58Rajoni
TEMA
Më pak se dy javë nga rikonfirmimi me votë në zgjedhjet e 25 qershorit të qeverisë së tij të djathtë, kryeministri grek Kyriakos Mitsotakis ka dhënë një intervistë për Bloomberg.
Ai ka prekur disa nga çështjet më të nxehta, siç janë martesat e së njëjtës gjini, marrëdhëniet me Turqinë, demarkacioni i zonave detare dhe rritja e investimeve në turizëm.
Sa i përket martesave të çifteve të së njëjtës gjini, Mitsotakis konfirmoi se shumë shpejt Greqia do të çelë dritën jeshile.
“Shoqëria greke është shumë më e gatshme dhe më e pjekur. Martesat e çifteve të të njëjtit seks do të bëhen realitet dhe janë pjesë e strategjisë sonë”, tha kryeministri grek për këtë çështje.
Ndërkohë, siç vëren Bloomberg, Greqia kërceu me 5 vende në renditjen e organizatës ILGAEurope për të drejtat e LGBTI në Evropë, duke tejkaluar vende si Britania dhe Gjermania.
Sa i përket raportit me Ankaranë zyrtare, Mitsotakis është shprehur se “ka ardhur koha për të ripërcaktuar marrëdhëniet me Turqinë. “Ne po diskutojmë vetëm për demarkacionin e zonave detare“, tha ai.
Deklaratat e kryeministrit grek vijnë një javë përpara takimit me Recep Tayyip Erdogan në samitin e NATO-s në Vilnius.
“Një udhërrëfyes për de-përshkallëzimin e tensioneve do na ndihmojë të gjejmë një mënyrë për t’u marrë me atë që ne e konsiderojmë problemin kryesor të pazgjidhur që kemi me Turqinë“, tha ndër të tjera Mitsotakis.
Ai e identifikoi këtë si përcaktimi i zonave detare në Egje dhe Mesdheun Lindor, pra shelfi kontinental dhe ZEE.
Por, Mitsotakis e bëri të qartë edhe një herë se Greqia nuk është e gatshme të diskutojë me Turqinë çështje që lidhen me sovranitetin apo mbrojtjen greke .
“Këto janë çështje që thjesht nuk janë për diskutim”, tha ai.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mire ben dilni hapur mos te fshihen me si dylberat e anadollit
Po ky eshte vete dobiç, djali i dora Bakojanit dhe ja fshehu e eme a dores, arvanitja sikur e kish bere vete. Pashe nje emision me te atin e ketij ne nje kanal te Selanikut dhe e degjova se si shprehje para gazetarit! Ata qe besojne shume perendine, tani do qihen dhe ne bythe, se nuk jane dakort me perendine qe kishte bere vetem nje vend!