Te fundit
Publikohet për herë të parë zyrtarisht plani franko-gjerman, që do zgjidhte krizën Kosovë-Serbi (ja 11 pikat)
28 Shkurt 2023, 09:29Rajoni
TEMA
Bashkimi Evropian më 27 shkurt publikoi për herë të parë të plotë tekstin e propozimit evropian, me të cilin parasheh normalizimin e marrëdhënieve ndërmjet Kosovës dhe Serbisë.
Teksti i propozimit evropian, të shumëpërfolur këto javë u publikua menjëherë, pas përfundimit të takimit ndërmjet kryeministrit të Kosovës, Albin Kurti dhe Presidentit të Serbisë, Aleksandar Vuçiq. Kreu i i diplomacisë evropiane, Josep Borrell, deklaroi pas takimit se "palët shprehën gatishmërinë e tyre për të vazhduar me zbatimin e kësaj marrëveshjeje”.
Teksti i plotë i propozimit:
Palët kontraktuese; Të përkushtuara për të kontribuar në bashkëpunimin dhe sigurinë e frytshme rajonale dhe për të kapërcyer trashëgimin e së kaluarës;
Të vetëdijshme për përgjegjësinë e tyre për ruajtjen e paqes;
Të përkushtuara të kontribuojnë në sigurinë dhe bashkëpunimin e frytshëm rajonal në Evropë;
Të vetëdijshëm për paprekshmërinë e kufijve dhe respektimit të integritetit dhe sovranitetit territorial, si dhe mbrojtja e pakicave kombëtare, janë kushtet themelore për paqen;
Duke vepruar nga fakti historik dhe pa paragjykuar pozicionet e ndryshme të palëve në lidhje me çështjet themelore, përfshirë çështjen e statusit;
Me dëshirën për të krijuar kushte për bashkëpunim midis palëve për të mirën e njerëzve, kanë rënë dakord që:
Neni 1
Palët do të zhvillojnë marrëdhënie normale të fqinjësisë së mirë me njëra-tjetrën mbi bazën e të drejtave të barabarta.
Të dyja palët do t'i njohin dokumentet relevante dhe simbolet kombëtare të njëra-tjetrës, përfshirë pasaportat, diplomat, targat e automjeteve dhe vulat doganore.
Neni 2
Të dyja palët do të udhëzohen nga qëllimi dhe parimet e përcaktuara në Kartën e Kombeve të Bashkuara, veçanërisht ato që kanë të bëjnë me të drejtat sovrane të shteteve, respektimin e pavarësisë, autonomisë dhe integritetit territorial të tyre, të drejtën për vetëvendosje, mbrojtjen e të drejtave të njeriut dhe mosdiskriminimin.
Neni 3
Në përputhje me Kartën e Kombeve të Bashkuara, palët do ta zgjidhin çdo mosmarrëveshje ndërmjet tyre vetëm në mënyrë paqësore dhe do të përmbahen nga kërcënimi apo përdorimi i forcës.
Neni 4
Palët nisen nga supozimi se asnjëra nga këto të dyja nuk mund ta përfaqësojë palën tjetër në sferën ndërkombëtare apo të veprojë në emër të saj. Serbia nuk do ta kundërshtojë anëtarësimin e Kosovës në asnjë organizatë ndërkombëtare.
Neni 5
Asnjëra palë nuk do të bllokojë, ose do të inkurajojë të tjerët të bllokojnë përparimin e palëve në rrugët e tyre perspektive drejt BE-së bazuar në meritat e tyre. Të dyja palët duhet të respektojnë vlerat e përmendura në nenin 2 dhe 21 të Traktatit të Bashkimit Evropian.
Neni 6
Përderisa kjo marrëveshje bazë përfaqëson një hap të rëndësishëm të normalizimit, të dyja palët do të vazhdojnë me një shtysë të re në procesin e dialogut të udhëhequr nga BE-ja, që do të çojë në marrëveshjen ligjërisht të detyrueshme, gjithëpërfshirëse për normalizimin e marrëdhënieve.
Palët bien dakord ta thellojnë bashkëpunimin në të ardhmen në fushat e ekonomisë, shkencës dhe teknologjisë, transportit dhe lidhshmërisë, marrëdhënieve në drejtësi dhe zbatim të ligjit, postë dhe telekomunikacion, shëndetësi, kulturë, fe, sport, mbrojtje të mjedisit, persona të zhdukur, dhe fusha të tjera të ngjashme përmes arritjes së marrëveshjeve specifike. Detajet do të pajtohen në marrëveshjet shtesë në dialogun e ndërmjetësuar nga BE-ja.
Neni 7
Të dyja palët janë të përkushtuara në arritjen e marrëveshjeve specifike dhe garancive, në përputhje me instrumentet përkatëse të Këshillit të Evropës dhe duke përdorur përvojat ekzistuese evropiane, për të siguruar një nivel të përshtatshëm të vetëqeverisjes për komunitetin serb në Kosovë dhe mundësinë e ofrimit të shërbimeve në disa fusha specifike, përfshirë mundësinë e ndihmës financiare nga Serbia dhe kanalet e drejtpërdrejta të komunikimit të komunitetit serb me Qeverinë e Kosovës.
Palët do ta zyrtarizojnë statusin e Kishës Ortodokse Serbe në Kosovë dhe do të ofrojnë një nivel të lartë të mbrojtjes së trashëgimisë fetare dhe kulturore serbe, në përputhje me modelet ekzistuese evropiane.
Neni 8
Palët do të shkëmbejnë misione të përhershme. Ato do të vendosen në selitë përkatëse të qeverive. Çështjet praktike që lidhen me vendosjen e misioneve do të trajtohen veçmas.
Neni 9
Të dyja palët vënë në dukje angazhimin e BE-së dhe donatorëve të tjerë për ta krijuar një pako të veçantë ndihme financiare për projektet e përbashkëta të palëve për zhvillimin ekonomik, lidhshmërinë, tranzicionin e gjelbër dhe në fusha të tjera kyçe.
Neni 10
Palët do ta krijojnë komisionin e përbashkët, të kryesuar nga BE-ja, për monitorimin e zbatimit të kësaj marrëveshjeje. Të dyja palët konfirmojnë detyrimet e tyre për zbatimin e të gjitha marrëveshjeve të dialogut nga e kaluara.
Neni 11
Palët angazhohen të respektojnë udhërrëfyesin e zbatimit të kësaj marrëveshjeje.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka asgje negative ne te dhjet e pikat. Fitojne popujt, jo vetem serbet e shqiptaret. Te gjithe ata qe duan paqe qetesi e perparim me syte nga e ardhmja. Cdokush qe do gjurulldi e rremujera te vazhdueshme, sic do Putin e estremistet serbe qe ai mbeshtet e nxit, apo edhe saliu ne Shqiperi... le te haje nje m... Te madh.
Një plan shum i mir, si për Serbet, si për Kosovaret.. Paqja duhet të jet në plan të pare. Bravo Macronit, Bravo, France dhe Gjermanise, në qofte se plani zbatohet, si do mose nga ana e Serbise... Putini, Erdogani, islamiket, dhe komunistat Ruso Kinez, duhet, të mbahen sa më larg rajonit që të jet e mundur..
Difekti i marreveshjes eshte se perfshihet komuniteti serb ne Kosove dhe nuk konsiderohet fare komuniteti shqiptar ne Serbi.................................... Kete Kurti duhet ta kerkoje ne menyre reciproke.
"ILIRET"! Ke shume te drejte ne komentin tend, por qe te kerkosh kete duhet te jeshe BURRE SHTETI dhe jo kukull e Sali Berishes.
kjo i kerkohet Serbise, vecmas! bile nese zbatohet ky nga 2 shtete e gjysem fqinje, Shqiperi, Kosove plus Maqedoni, nese integrohen se bashku ne BE, vALENCA E sHQIPTAREVE NE BALLKAN RRITET!
Marrevshja duhet te jete reciproke dhe per shqiptaret,..komunat shqiptare ne Serbi.. Vetem atehere mund te pranohet...
Ketu po flitet per nje shtet me vete. Shqiptaret e Serbise duhet te trajtohen nga Shqiperia si shtet qe e njeh dhe Serbia dhe me vone edhe Kosova. Pra do te duhet qe kjo e drejte te trajtohet nga shteti ame ose me vone nga shtetet ame. Ketu lind pyetja se si do te trajtohen ata, si shqiptare te jugut te Serbise apo si kosovare?!
Po kjo e drejta për vetëvendosje,ç'është?!!!
Edhe mua në fillim më duk konfuze por pas rileximit,kuptova se bëhet fjalë për shtetet Kosovë e Sërbi.Ska të bëjë me pakicën sërbe në Kosovë. Do të kisha shtuar që neni 7 duhet doemos të vlejë edhe për shqiptarët e luginës së Preshevës.Poashtu si garantues të nënshkruhen USA, BE, dhe Këshilli Europian. Pa garantues mos të pranohet dokumento.Për mashtrime dhe anashkalime të marëveshjeve sërbët janë mjeshtra.
Nje gje nuk kam kuptuar gjithe kesaj kohe,pse eshte mbajt “sekret” ky plan deri tani,kur ky plan nese shpallej kohe me pare kur eshte bere,do te ndihmonte te gjithe grupet e interesit dhe vete popujt e dy vendeve ,se per cfar behet fjale. Me duket se nuk ka ndonje “shkelje”ne kete plan qe eshte bere kaq shume zhurme,perkundrazi ,pranimi i ketij plani e ben Serbine automatikisht te pranoje Kisoven si shtet te pavarur. Ky eshte interesi madhor i Kosoves dhe i shqiptareve,te tjerat jane llafe kafenesh.
Exlelent: “Pac forcen e filit dhe krahe prej dragua, paqja eshte me e mire se lufta per mua”. Keshtu ka thene Saadiu, reth 900 vjet me pare. Boll ka vuajtur Ballkani nga luftrat.