Te fundit
Safari i snajperave, intervista tronditëse e ish-ambasadorit: Vinin tufa pasanikësh nga të katër anët, gjuetarë, por edhe biznesmenë
20 Nëntor 2025, 12:31Rajoni
TEMA
Intervistë e diplomatit Michael Giffoni për snajperistët italianë në Sarajevë në vitin 1994
Në Sarajevën e rrethuar, Michael Giffoni ishte zëvendësshefi i delegacionit diplomatik special (dy vite më vonë u kthye në ambasadë). Një diplomat i ri që më pas u bë ambasadori i parë italian në Kosovë nga 2008 deri më 2013 (në 2014 u përfshi në një hetim gjyqësor nga i cili doli i pafajshëm “sepse fakti nuk ekzistonte”). Dëshmia e tij konfirmon lajmin për italianë mes snajperistëve, që qëllonin nga kodrat.
Na tregoni Sarajevën e vitit 1994?
Ishim vazhdimisht nën shënjestrën e snajperëve. Edhe ne, megjithëse kishim status diplomatik. Fiat Panda ime ishte plot me vrima plumbash. Kontakti me atë që ndodhte në lartësitë përreth, edhe në Grbavica, ishte praktikisht zero. Ishte ‘të gjithë kundër të gjithëve’. Në situata të tilla shpërthen një lumë zërash të pakontrollueshëm.
Për çfarë zërash bëhet fjalë?
Mbaj mend, me emocion edhe sot, kur mbërrita në Sarajevë, në fund të vitit 1994. Menjëherë më thanë: ‘E di, atje lart janë “Safari-t”’. Vinin tufa të tëra të pasanikëve nga të katër anët. Gjuetarë, por edhe biznesmenë. Ushtarë ose paramilitarë, të cilët në atë konflikt kishin shumë fuqi, i çonin në kodra dhe këta paguanin. Më pas gjithçka u sqarua më mirë.
Kur?
Tek funksionarët e Sismi-t mbërriti një informacion nga inteligjenca boshnjake për italianë mes snajperistëve (këtë e përmend edhe kallëzimi i Ezio Gavazzenit, nga i cili nisi hetimi i prokurorisë së Milanos). Edin Subashiç, ish-agjenti boshnjak që e tregon këtë, nuk po shpikte asgjë.
Çfarë raportoi Subashiçi te Sismi?
Që boshnjakët kishin kapur një paraushtarak serb, i cili ‘kishte kënduar’, duke treguar se në kodra vinin të qëllonin edhe të huaj. Rusë, por edhe italianë. I sillnin nga Trieste, me fluturime ose mjete të tjera. Arrinin në Serbi dhe prej andej i çonin në pozicione lartësie. Kështu iu tha Sismi-t.
Keni pasur konfirmime?
Informacionin për snajperistët italianë na e konfirmoi më pas edhe shefi i Subashiçit, Mustafa Hajrulahoviç, i quajtur ‘Talijan’, italiani. Kishim marrëdhënie të mira.
Çfarë ndodhi më pas?
Informacioni iu përcoll drejtuesve të shërbimeve sekrete në Romë. Nga Roma, pas disa muajsh, dy funksionarëve iu komunikuan se pista ishte hetuar, se kishin identifikuar ata që e organizonin dhe se çështja ishte ‘mbyllur’. I siguruan se, të paktën nga Italia, fluksi ishte ndalur. Dhe urdhëruan të përcillej informacioni te boshnjakët.
Kur?
E mësuam këtë në vitin 1994. Por është e sigurt që ‘të këqijat’ kishin ndodhur edhe në 1993.
Si bëheshin komunikimet?
Nuk përdorej shumë shkrimi në atë periudhë.
Çfarë ndodhi më pas?
Pas atij komunikimi, nuk u kërkua dhe as nuk u shtua më asgjë tjetër, përndryshe do ta kisha ditur. Atyre viteve bëmë gjithçka që mund të bënim nga terreni, në një kontekst shpërbërjeje totale.
Ju dhanë emra?
Sikur të kishim pasur një emër, atëherë, do ta kishim ndjekur penalisht. I qëndroj me krenari atyre viteve. Lajmi na tronditi shumë. Edhe sepse Italia në Bosnjë bëri shumë, sidomos me shoqërinë civile. Kam parë dhjetëra mijëra vullnetarë të vinin me kamionë të mbushur me ndihma. Italianët e mbështetën popullin boshnjak me një gjenerozitet dhe afërsi të jashtëzakonshme. Ishte një luftë te porta jonë. Dhe të dije që kishte bashkatdhetarë mes snajperistëve, na dhimbte shumë.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ti shkrus gazekar ta ka tregu gjyshi me fantazin e vet apo e ke degjuar nga dikush tjeter ok se kjo histori nuk eshte e plote tre muaj para nje historian ka treguar se turistet gjyetare sidomos nga Italia paguheshin me euro per cdo vrasje dhe kur vritnin femije paguheshin me shume okk
Nuk ka pasur euro atehere o daje. Euro u fut ne qarkullim me 1 janar 2002. Keto ngjarje jane te viteve 1993-1994. Sa vjeç je?
Pse nuk flet askush për grupet paramilitare greke në Bosnjë dhe Kosovë krah Arkanit në masakra, përdhunime,.prerje gjymtyrësh, dhe spastrim etnik të udhëhequr nga kisha greke dhe Bartolomeo l, i cili deklaronte se serbët dhe grekët janë të luftëtarët e Zotit që mbrojnë kufijtë perëndimorë të ortodoksisë
Historia shkruhet me fakte dhe jo me ndjenja personale apo muhabete pazari. Så për dijeni, në Hagë, atje ku u gjykuan Miloseviç dhe kriminelë te tjerë të luftës në ish Jugosllavi, atje po gjykohen sot udhëheqës të UÇK-së për pastrim etnik dhe krime të tjera! Largimi i mijëra familje serbe, të minoritetit rom dhe minoriteteve të tjera nga Kosova drejt vendeve europiane për t'u mbrojtur ndaj reprezaljet dhe kërcënimet e UÇK-së si mund t'ja vëmë emrin?
Klimax, e vertete qe historia shkruhet me fakte per pastrim etnik. I ke faktet ne tv ,ne gazeta ku miliona shqiptare u ndoqen nga trojet e tyre I ke me foto dhe tv kufomat e vrara te grave dhe femijeve. I ke te filmuara deshmite e perdhunimeve te serbeve. Nese u ndoqen serbet nga kosova, nuk e di nese ti do pranoje te kishe gjiton vrasesin e familjes tende? Pp perdhunuesin e grave te familjes tende? Perderisa serbet kryen krimet dhe humben luften , humbesi nuk mund te ishte njesoj Ca prisje qe komshiun vrases ta puthje?? Eshte rregull logjik njerezor nderkombetar
Klimax, me vjen mire qe nuk e kam provuar dhe nuk kam kuriozitet teprovoj “kenaqesine” per te share bashkatdhetaret e mi E para , gjyqi nuk ka mbaruar E dyta, i degjove ne gjyq gjenetale dhe diplomatet amerikane? E treta,serbi donte te benjte me shqiptaret e kosoves ate qe beri greku me camet. Fiks ,i njejti plan- nuk eci se sot ka tv, dhe bota komunikon shpejt.
Bravo Klimax qe nuk ha propaganda nacionaliste te lodhura. Sic kemi pare videot me fatkeqesite e Kosovareve, ke dokumentare te gjate per djegjet e shtepive Serbe, perzenien e Serbeve dhe reprezalje qe ju bene. Une s mbaj asnje ane, por te populli te pafajshem
Kete pune kane be italianet dhe ne Kosove. " Italia vendi mik" . Qe i perulet ne gjunje palloshi pleh kungullit te verdhe Meloni.
Italia eshte vend mik i Shqiperise jo i Kosoves. Kosovaret kane urrejtje per Shqiperine, kshu qe s na rruhet fare. Zero. I kemi njohur. Dhe keta ishin ca psikopate, jo shteti italian