Te fundit
Shaip Kamberi, deputeti i vetëm shqiptar në Parlamentin e Serbisë
4 Prill 2022, 09:17Rajoni
TEMA
Sipas Komisionit Republikan të Zgjedhjeve (REC) në Serbi, shqiptarët do të përfaqësohen vetëm me një deputet në Kuvendin e Serbisë.
Këto janë rezultatet e përcaktuara në bazë të gati 15 për qind të votave të përpunuara.
Koalicioni i Shqiptarëve për Luginën i Shaip Kamberit aktualisht ka 0.45 për qind apo 1 ulëse. Kamberi pritet të jetë sërish zë i shqiptarëve në parlamentin serb.
Alternativa për Ndryshim e Shqiprim Arifit për momentin ka 0.22 për qind, gjë që rezulton me zero ulëse në Kuvendin e Serbisë.
REC njoftoi se rezultatet e para zyrtare do t’i shpallen gjatë ditës së katër prillit.
Rreth 6 mijë shqiptarëve në Serbi u është mohuar e drejta e votës në zgjedhjet e përgjithshme serbe, përçka edhe Presidentja e Republikës së Kosovës, Vjosa Osmani, i bëri thirrje komunitetit ndërkombëtar të dënojë këtë akt të shtetit autoritar të Serbisë.
Presidentja Osmani tha se një veprim i tillë i Serbisë është rezultat i fushatës së qëllimshme të Serbisë për spastrim etnik të shqiptarëve përmes metodave të tyre të vazhdueshme administrative.
Ndërkaq Presidenti i Serbisë, Aleksandër Vuçiç, në një adresim për media ka thënë se ka fituar 59.9% të votave në zgjedhjet presidenciale, ndërsa tha se kundër kandidati kryesor i tij, Zdravko Ponos, 17.7%, duke iu referuar të dhënave të partisë së tij.
“Kam arritur të bëj diçka që askush në Serbi nuk ia ka dalë kurrë. Unë jam i vetmi që fitova dy herë në raundin e parë”, tha Vuçiç, raporton “Nova.rs”.
Ai ka thënë se përveç se është i bindur në fitoren e zgjedhjeve presidenciale dhe atyre parlamentare, beson se edhe në Beograd partia e tij është e para.
Më të lexuarat
24 oret e fundit
Javen e fundit
Blog Tema
Lini një Përgjigje