Shtetet e rajonit evakuojnë diplomatët dhe qytetarët nga Irani e Izraeli

Kroacia, Sllovenia, Serbia, Maqedonia e Veriut dhe Bosnja e Hercegovina kanë marrë vendim për evakuimin e stafit të ambasadave nga Izraeli dhe Irani për shkak të situatës aktuale të sigurisë.

Kryesia e Bosnjë dhe Hercegovinës, në një mbledhje të jashtëzakonshme, ka marrë vendim për mbylljen e përkohshme të ambasadave të BeH në Republikën Islamike të Iranit dhe në Izrael.

Kroacia njoftoi të mërkurën se do të ndërmarrë evakuimin e diplomatëve të saj nga Izraeli dhe Irani, si dhe konfirmoi se po punon në riatdhesimin e qytetarëve kroatë nga këto zona të prekura nga konfliktet, shkruajnë mediat.

Në anën tjetër kryeministri i Serbisë, Gjuro Macut, ka biseduar të enjten në Kajro me ministrin e Punëve të Jashtme, Emigracionit dhe Diasporës së Republikës Arabe të Egjiptit, Badr Abdelati, lidhur me evakuimin urgjent të qytetarëve serbë që aktualisht ndodhen në Izrael, numri i të cilëve kalon 2 mijë e 500.

Ndërkohë Ministria e Punëve të Jashtme të Republikës së Sllovenisë ka njoftuar se ka tërhequr të gjithë personelin diplomatik nga Republika Islamike e Iranit, përfshirë edhe anëtarët e familjeve të punonjësve në ambasadën në Teheran.

Në njoftim thuhet se të gjitha shërbimet konsullore për qytetarët në Iran janë pezulluar deri në një njoftim të dytë.

Maqedonia e Veriut ka evakuuar grupin e parë prej tetë shtetasve të saj nga territori i Izraelit, të cilët kanë arritur me avion të martën në mbrëmje në Shkup.

Ky veprim ka ardhur në kulmin e përshkallëzimit të sulmeve ajrore dhe raketore midis Izraelit dhe Iranit. Konflikti nisi të premten kur Izraeli ndërmori sulme ajrore në disa lokacione në të gjithë Iranin, përfshirë objekte ushtarake dhe bërthamore, gjë që shtyu Teheranin të kundërpërgjigjet.

Kriza politike në Kosovë, Mero Baze: Përpjekje tinëzare e Kurtit – ka marrë peng shtetin dhe Kushtetutën, vetëm për të mos e dorëzuar pushtetin

19:51 Rajoni 33 komente

Ngërçi politik në Kosovë, Kurti fajëson opozitën: Deputetët “nomadikë” nuk duan të kenë “shtëpinë” e tyre

16:46 Rajoni 10 komente

Alarm në Athinë, kabina e avionit me 150 pasagjerë mbushet me tym pak pas nisjes

15:49 Rajoni

BE për dëbimin e policëve serbë nga Kosova: Kjo duhej të ishte masa e fundit

14:46 Rajoni 3 komente

Zhdukja e 16-vjeçares shqiptare në Greqi, nëna tregon bisedën e fundit: Doli shëtitje me shoqet, por…! Pas SMS-ve fshihet dikush tjetër

12:35 Rajoni

Tentativa e 34-t, vijon ende ngërçi i konstituimit të Parlamentit në Kosovë

12:11 Rajoni 4 komente

“Kurti po e mban peng Kosovën”, Haradinaj: Jemi duke paguar çmimin për një mashtrues

11:13 Rajoni 10 komente

Zhduket adoleshentja shqiptare në Greqi, dyshohet se e kanë rrëmbyer

11:03 Rajoni

A do të vijojë ngërçi politik në Kosovë? Sot tentativa e 34 për konstituimin e Kuvendit

07:57 Rajoni 3 komente

BE propozon ndalimin e importit të gazit rus deri në fund të vitit 2027

07:20 Rajoni 2 komente