Te fundit
Shtypi gjerman: Kosova në kufi të një krize të re të madhe
31 Maj 2023, 10:32Rajoni
TEMA
Shpërthimi i dhunës në veriun e Kosovës tronditi qeverinë gjermane, që e ka dënuar atë "ashpërsisht". Por me shumë vëmendje po i ndjek zhvillimet në Kosovë edhe media gjermane.
"Handelsblatt" shpreh shqetësimin, se Kosova sërish ndodhet në kufi të një krize të re të madhe. "Nëse do të arrihet çtensionimi i dëshiruar është e pasigurtë. Qeveria e Kosovës bëri përgjegjëse presidentin serb Aleksandar Vuçiq për zhvillimet. Kryeministri i Kosovës, Albin Kurti shkroi në twitter të hënën në mbrëmje se 'në një demokraci nuk ka vend për dhunë fashiste'- Vuçiq nga ana e tij ia vuri fajin Kosovës dhe pretendoi, se policia e atjeshme ka qëlluar ndaj anëtarëve të pakicës serbe, para se të shkallëzohen protestat- Vuçiq pretendon, se Kurti dëshiron përgjakje."
Kurse në një koment të Erich Rathfelder për "tageszeitung" me titullin "Perëndimi që harron historinë" nënvizohet se "në konfliktin aktual në Kosovë dhe po ashtu në Bosnje përjetojmë, se sa sipërfaqësor është bërë debati në lidhje me Ballkanin, se sa pak kritika marrin ata diplomatë dhe politikanë që lëvizin vidat në Ballkan, pa mësuar nga historia. Që është e gabuar strategjia e frenimit të sistemeve autokratike dhe nacionaliste me politikë zbutëse, ata nuk e kuptojnë." Rathfelder vëren se ende jemi larg paqes së stabilizuar në rajon, megjithëse kanë kaluar 24 vjet nga lufta në Kosovë dhe shton se kjo ndoshta lidhet me atë, se mësimet nga lufta e Kosovës nuk janë të ankoruara më aq thellë tek politikanët e sotëm dhe brezi i gazetarëve, dhe merren vendime politike që nuk dalin nga mësimet e së shkuarës e kështu lindin konflikte të reja, thekson "tagezeitung".
Gazeta "Frankfurter Allgemeine Zeitung" nën titullin "Kryetarë komunash shqiptarë për qytetarë serbë" shkruan se "shkallëzimi i fundit u kuptua që javën e kaluar, por shenjat janë dhënë që prej një muaji. Ato lidhen me zgjedhjet komunale, që u mbajtën në prill në katër komunat veriore. Këto u shpallën, pasi popullsia serbe në veriun e Kosovës, përfshirë edhe kryetarin e bashkisë, në nëntor 2022 në shenjë proteste kundër politikës së kryeministrit kosovar, Albin Kurti u tërhoqën të bashkuar nga institucionet lokale....për të zënë vendet në bashkitë bosh, Kurti organizoi zgjedhjet në komunat e prekura, që u bojkotuan gati plotësisht nga popullsia serbe...BE e kritikoi menjëherë pas numërimit të votave të pakta para një muaji, që zgjedhje të tilla nuk janë zgjidhje afatgjatë politike për konfliktin në veriun e Kosovës...BE iu bashkua kërkesës së Serbisë, që Prishtina më të fund të lejojë themelimin e kërkuar prej kohësh të Asociacionit të Komunave."
Kurse gazeta Neue Zürcher Zeitung" shkruan se Kurti dhe Vuçiq grinden në kurrizin e serbëve të Kosovës, dhe se tensionet në veriun e Kosovës vazhdojnë edhe pas përplasjes së serbëve militantë me trupat e NATO-s. Kurti që ka qëndrim legalist vendosi që të zgjedhurit pas votimit të 23 Prillit të hynin në zyrat e tyre, në shërbim të të gjithë qytetarëve, shkruan NZZ, por "presioni ndaj Kurtit u rrit, kur Sekretari Amerikan i Shtetit, Antony Blinken të shtunën në twitter dënoi hapin e Kurtit dhe kërkoi ndërprerjen e tij. Kurti nuk u impresionua nga qortimi amerikan - e pazakontë kjo për politikanët kosovarë. Në vend të kësaj ai fajësoi radikalët e komanduar nga Beogradi dhe huliganët për protestat. Këta po marrin peng popullin kosovar. Por kjo është gjysma e vërtetës. Sigurisht që ka grupime, që kanë mbështetjen e drejtpërdrejtë të partisë qeverisëse në Beograd. Por është e vërtetë po ashtu, që pjesa më e madhe e popullsisë serbe në Kosovë jo vetëm që asnjëherë nuk e ka pranuar shtetin kosovar, por veprimet pa kompromis të Kurtit i percepton si armiqësore."
Gazeta "Die Welt" i kushton vëmendje reagimit të Rusisë pas ashpërsimit të konfliktit në veriun e Kosovës, që edhe njëherë del si fuqia mbrojtëse e serbëve. "Rusia e sulmoi ashpër perëndimin. 'Ne kërkojmë nga perëndimi që më në fund të ndalë propagandën mashtruese që fajin për incidentet në Kosovë ua vë serbëve të dëshpëruar që duan të mbrojnë të drejtat legjitime dhe lirinë e tyre pa armë dhe në mënyrë paqësore', deklaroi Ministria e Jashtme në Moskë....nuk është vonë 'të kthehet pas historia e zgjedhjeve komunale të falsifikuara të 23 Prillit.'"
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E gjithe kjo qe ndidhe ne Kosove sot eshte nji Produkt i Politikave te Europes dhe Te Forteve te Botes ,pra ktu s'ka asgje per t'u " befasuar " mendoj . Gjithcka u duk qysh ne fillimet e Shtetit te Ksoves se cila ishte Politika e Nderkombetareve me shtetin e ri te Kosoves ,mbasi i ndryshuan Identitet me Flamurin e sajuar i cili pergenjeshtronte Pamvaresine e Vertete ate qe intepretpohej vetem me fjale e cila vazhdoj me Sabotimet brenda Shtetit Kosovare ,me Arestimet e Luftetareve te Lirise ,pra ndaj Kosoves u aplikua qysh ne fillimet e saja nji Politike e kamufluar Apartejdi nga Nderkombetaret vecanerishte nga Europa ,ku ne Fasade shitej si nji Politike bashkupunimi por qe pas asaj Fasade bashkunimi Demokratike zbatohej nji Politike total antiKosovare e Fashiste duke i lene dore te lire Krimineleve te Serbise t'i ngjallen shpresat per ta Rimare Kosoven pasi Europa ja shkeputi Vendit Ame Shqiperise ne 1913 - e dhuruar Serbise si beri me 1/2 e Teritoreve Shqiptare dhuruar Shteteve qe kufizohen me Shqiperine . Pra , dihem tashme se kush Destabilizon sot Kosoven .Ata nuk jane Serbet ,sepse ata as qe do guxonin me mbas Luftes ta shkonin ne mdnje dicka te tille por ishte Politika Europiane e cila nxiti Beogradin te ringjalli shpresat e se Kalures . Te gjithe dijme sot se gjithcka ndodh ne Ballkan eshte Direkt nji Politike Europiane .Cfar do Europa ndodh ne Ballkan te tjerat jane brickulla Hisporitesh te pafyrye e Krimineleve te djeshem e te sotem qe kan ndryshuar vetem Luk e Kollare !